Illoqarfinni nunaqarfinnilu høvdingbold-ersuartitsisoqassaaq, najukkami nammineq kajumissutsiminnik pikialaartitserusuttunit aaqqissuunneqartunit.

Timersoqatigiit Kattuffiata aaqqissuinissamut siunnersuutai

Aaqqissuisutut nammineq sinaakkusisassavasi ukua: 

• Iligiinni inuit qassiussanersut
• Iligiit eqimattat qassiussanersut
• Peqataasut ukiuisigut qanoq immikkoorsiterneqassanersut
• Suiaasutsit immikkoortinneqassanersut ataatsimuusanersulluunniit
• Inatsisit sorliit atuutissanersut (inatsisinut assersuut uani takuuk) 
• Høvdingbold-ersuarnerup sannaa (struktur)

Arsat takkutinngitsoornissaannut sillimagitsi:

Timersoqatigiit Kattuffiata najukkaminni aaqqissuerusullutik nalunaarnikut arsanik nassissavai. Malugiuk nassiussineq sivisusinnaammat. 

Aaqqissuussaq qanoq annertutigissanersoq:

• Sivikitsumik aalatitsilaarneq immaqaluunniit sivisuumik?
• Nipilersortulerluni nalliuttorsiorneq?
• Sassaallertoqassava?
• Silami? Illup iluani?
• Najukkassinni tuniserusuttussarsiorusuppisi? (Nittarsaasineq siammartinniarlugu). 
• Ima paasillugu: Ilissi iluarisassinnik aaqqissuissaasi. 

Høvdingbold-ersuaqatigiinneq sapaatsit akunnerisa 48-anniisaaq (nov. 27 – 3. december akornani). Ulloq sorleq/ullut sorliisanersut ilissi aaliangissavarsi.
Taasumap saniatigut ukua eqqarsaatigissavasi: Derudover skal I forholder jer til:

• Ulloq ataaseq arlallilluunniit aaqqissuussiffigineqassappat?
• Akunnermik 1-mik sivikitsigissava sivisunerussavaluunniit?
• Ullup qanoq ilineratigut?

Ullut piffissallu aaliangiussat Timersoqatigiit Kattuffiannut nalunaarutineqassapput. Attaveqarfissaq naqqani takuuk.

MALUGINIARSIUK: Kalaallit arnat assamik nunanut allanut unammisartui, VM-issammata Stavanger, Norge-mi:
29. november (nal. 8:30 pm UTC+1)
01. december (nal. 6:00 pm UTC+1)
03. december (nal. 6:00 pm UTC+1)
… Imaasinnaasoq høvdingbold-ersuaqatigiititseriarlusi ataatsikkut isiginnaaqqatigiikkusuttussi. Isumassarsiaannaavoq 🙂

NAJUKKANNI HØVDINGBOLD-IMIK AAQQISSUERUSUPPIT? Taava aajukua malitassat siunnersuutiminerillu:

1. ATTAVIGISIGUT – Aqqutissiuussinnaavatsigit siunnersorlutillu. Attaveqarfissat naqqani takuuk
2. SULEQATIGIILIORIT – Nunaqarfinni illoqarfinniluunniit aaqqissueqatissannik pilersitsigit, soorlu ukunaniisinnaavoq; Peqatigiiffilerisut, atuarfik, angerlarsimaffeqanngitsut ornittagaat, suliffiit, ikinngutitit, ilaquttatitit allalluunniit piukkussinnaasatit suleqatiserisinnaavatit.
3. PIFFISSALIIGIT SUMIIFFISSALIILLUTILLU – Sap. ak. 48-imi høvdingbold-erfigisinnaasumik nassaaritsi, ullulerlugu nalunaaqatalerlugulu.
4. NITTARSAASIGIT – Najukkassinni susoqalernera pilerisaarutigisiuk, pilersaarutersilu nittarsaallugu. Attaveqaatitit nittarsaannissinnut atorluarsigit, saqqumilaarutissatullu atortussasi anillatseriaannaat ugguuna aakkit.

   Eqqaamallugu nittartakkakkut inuit attaveqatigiittarfiisigut saqqummiigaangassi #AALASA  allattassagassiuk aamma @GIF – Kalaallit Nunaanni Timersoqatigiit Kattuffiat tag-issagassiuk. 

Kikkulluunniit høvdingbold-ersuaqatigiinnissaq aaqqissuusinnaavaat. Pingaarnerpaaginnarpoq nunaqqatigiittut aliikkutariititsinissamut kajumissuseqarnissat.

Ataatsimut susassaqatigiinnissaq siunertaavoq – tassa meeqqat, inuusuttut, utoqqaat, ilaqutariit, utoqqaat, inuit innarluuteqartut, timersortartut, timersorneq ajortut aliikkusersoqatigiinnissaat. 

Inuit amerlanerpaat høvdingbold-imut peqataasinnaapput. Aaqqissuisutut sinaakkusiiginnassaasi. 

Høvdingbold-erneq timersortarfimmi, eqaarsaartarfeeqqami, inimiluunniit anisuumi ingerlanneqarsinnaavoq. Aamma silami ingerlanneqarsinnaavoq.

Aaqqissuusarsi nittarsaallugu

• Nittartakkakkut inuit attaveqartarfiisigut pilersaarutersi nittarsaatilerussiuk nittarsaateqqissinnaavarput – una allallugu ilanngukkussiuk: @GIF – Kalaallit Nunaanni Timersoqatigiit Kattuffiat

Avitseqatigiiffittut

• Ingerlatseriarnissassinnut siunnersuillutalu aqqutissiuisinnaavugut.
• Sinerissami taama aaqqissuisut allanut attaveqatigiitsilersinnaavassi.

Anillatsitassat

• Nittarsaasinermut pilerisaarutitullu atortussassinnik anillatseriaannarnik sananikuuvugut. Plakatit, peqataasussat allattorfissaat, kusassaatit, il.il., ilissinnut tulluarsarlugit atorsinnaasasi.

  Atortussat uani nassaarikkit

• Aamma #AALASA ilisarnaatai  aaqqissuisunut atoriaannanngorlugit nassiutissavagut. 
• Siaagassat (angisuut, nivinngarneqarsinnaasut – 3 x 1,5 m.), kissaatigigussigit kingusinnerpaamik sap.ak. 2 sioqqullugit kalerriutigineqassapput. 

Makitaasut pissarsiassai.

Høvding-ersuartut aaqqissuisullu akornanni eqquisussanik makitsissasusi siunnersuutigivarput, Timersoqatigiit Kattuffiat tunissuteqarniarmat. 

Aaqqissuineq naammassippat makitaasut paasissutissartai nalunaarutigigisigit, toqqaannaq nassikkumaarpagut. 

Aningaasanik tapersiineq

Illoqarfik aaqqissuiffiusoq, Timersoqatigiit Kattuffianut 5.000 kr. tikillugu aningaasanik tapertissinnaavoq. Nunaqarfik 2.500 kr. tikillugu.

Taakua aningaasartuutissanik missingersueriarluni, ulloq nallertinnagu qinnutigineqassapput. Aningaasartuutissanik missingersuut uani aajuk