GAME Greenlandimi suliniut Playmaker ataqatigiissaarisussarsiorpoq
Illoqarfimmi timersorneq illoqarfimmilu kulturi aqqutigalugu meeqqanut inuusuttunullu allanngueqataarusuppit?
GAME Greenland Timersoqatigiit Kattuffiata nunat tamalaallu akornanni suliniaqatigiiffiup NGO GAME-p akornanni suleqatigiissutaavoq. 2021-miilli inuusuttut aqutsisoralugit Kalaallit Nunaanni illoqarfinni assigiinngitsuni, illoqarfimmi timersorneq illoqarfimmilu kulturi ajunngitsumik sunniuteqartinniarlugu suleqatigiilerpugut. Timersornermi ataatsimoornernilu peqataasut amerlanerulernissaat – tamanit peqataaffigineqarsinnaalernissaat anguniagaraarput.
SULINIUT PLAYMAKER PILLUGU
Suliniut Playmakerimi inuusuttut, kajumissutsimik maligassiuisut (playmakerit) Kalaallit Nunaanneersut ilinniartillugillu tapersersortarpagut. Playmakerit sumiiffinni aqutsinermik tigusisarput aammalu inuusuttut sapaatip akunnerata ingerlanerani illoqarfinni timersornissaannut aaqqissuisarlutik, soorlu street basket, illoqarfimmi arsarneq assigiinngitsutigullu timersornerit. Taakkualu saniatigut kommunit suleqatigalugit meeqqanut sammisassaqartitsisoqartarluni. Suliniutip ilisarnaataa tassaavoq ataatsimoorfiit nukittuut unamminermik imaqaratik peqataatitsinermik, nuannaarnermik, akisussaaffimmillu aallussisut.
ATORFIK PILLUGU
Suliniummut ataqatigiissaarisumik sapaatip akunneranut akunnerni 37-ni sulisinnaasumik ujartuivugut. Atorfinittussap Playmakerit tapersersussavai inerisassallugillu, GAME-zonet pioreersut inerisassavai aammalu sumiiffinni suleqatigisassat nutaat pilersissallugit.
Ataqatigiissaarillaqqissaatit, attaveqallaqqillutit aammalu inuusuttut naligalugit naapissinnaassallugit. Kommuninik sumiiffinnilu ingerlatsisunik soorlu ingerlatsivinnik, atuarfinnik sunngiffimmilu ornittakkanik suleqateqarneq nuannarisuuat. Aammalu angajoqqaanik sumiiffinnilu ataatsimoorfinnik GAME-zonenut peqataatitsinissat toqqissisimanarissallugu.
Suleqatitit peqatigalugit ilinniartitsisarnitta pilersaarusiornissaat ingerlanneqarnissaallu akisussaaffigissavat. Ukiumut marloriarlutit Playmakerit weekendimi naapitittassavatit, naapititsinermi maligassiuisuuneq, aaqqiagiinnginnernik aaqqiineq, illoqarfinni isumaqatigiissitsineq aammalu inuunermi piginnaasassat sungiusarnermut akuutilersinneqarnissaat sammineqartassapput. Ilinniartitsineq GAME-mi periutsit atorneqartut aallaavigalugit ingerlanneqartassaaq, Kalaallit Nunaannullu ingerlaavartumik naleqqussaasoqarnissaanut illit ataqatigiissaarisuussallutit.
NEQEROORUTIGAARPUT
- Meeqqat inuusuttullu inuunerinut allannguisinnaanissamut periarfissaq immikkuullarissoq
• Kalaallit Nunaanni GAMEp Playmaker suliniutaata inerisarnissaanut sunniuteqarluarsinnaaneq
• GIF-imi sulisut aallussisut nunanit tamalaaneertut suleqatigisinnaavatit isumasioqatigisinnaassallugillu
• Ilisimasatigut inuttullu ineriartornissamut periarfissatsialaat
TAKORLOORPARPUT
- Inuusuttunik maligassiuisunik kajumissutsimillu suliaqartunik suleqateqarnissaq kajumigissagit
- Aaqqissuussaasumik ataqatigiissakkamillu sulisinnaanissat
- Attavinnik pilersitsisinnaanissat paasinnissinnaanissallu
- Illoqarfimmi timersornerup illoqarfimmilu kulturip inulerinermi sakkussatut isiginissaanut soqutiginninnissat
- Kalaallit Nunanni sullinniakkat soqutigisallillu oqaloqatigineqartarnissaat aammalu nunat tamalaaneersuni suleqatigisat ataqatigiissaareqatigisarnissaat inerisaaqatigisarnissaallu pillugit kalaallisut tuluttullu oqalussinnaanissat
ASSIGIINNGISITAARNEQ
GAME-mi assigiinngisitaarneq pingaartipparput. Tamanik inissaqartitsineq upperisaraarput, aammalu assigiinngisitaarneq ataatsimoorfinnut, atugarisanut nutaaliorsinnaassusermullu pitsanngorsaataasartutut isigalugu. Taamaattumik qanorluunniit suiaassuseqaraluaruit, amit qalipaateqaraluarpat, upperisaqaraluaruit, politikkikkut isiginnittaaseqaraluaruit, kajungissuseqaraluaruit, inuiaassuseqaraluaruit, inooriaaseqaraluaruit kingoqqiffeqaraluaruilluunniit GAME-mi sulilernissannut kajumissaarpatsigit.
Qulaani taakkartorneqartut aallaavigalugit sulisinnaanissat takorloorsinnaagukku, taava neriuppugut assigiinngisitaarnermut sunneeqataarusullutit GAME-mut kinaassutsit attatiinnarlugu sulilernissannut qinnuteqarumaartutit.
ATORFINIFFISSAQ
Piaartumik
ATORFIUP INISSISIMAFFIA Issortarfimmut 8 st.tv, 3900 Nuuk
PIFFISSAQ SULIFFIUSUSSAQ Sapaatip akunneranut akunnerit 30-t suliffiussapput. Kajuissutsimik suliaqarsinnaasut ullup qeqqata kingorna/unnukkut naapinneqartarnissaat aammalu sammisaqartitsinerit ilinniartitsinerillu weekendini pinerusarneri pillugit nalinginnaasumik piffissap suliffiusartup avataani sulinissaq naatsorsuutigineqassaaq.
QINNUTEQAAT linki atorlugu Podiomut nassiunneqassaaq. PDF ataasiinnaassaaq tassungalu CV ilanngunneqassalluni. Qinnuteqaat tuluttut qallunaatulluunniit allanneqarsinnaavoq.
QINNUTEQARNISSAMUT KILLIGITITAQ OQALOQATIGINNINNISSARLU
Oqaloqatiginninnerit ingerlaavartumik ingerlanneqassapput, atorfinittussarlu eqqortoq nassaarineqarpat atorfinitsitsisoqassalluni.
PAASISSUTISSAT SUKUMIINERUSUT atorfik pillugu paasisaqarusuttut Nikoline Olsenimut (nunat tamalaat akornanni suliniummut pisortaq, GAME) attaveqarsinnaapput uunga mail: no@game.ngo imaluunniit Uiloq Mathæussen (Timersoqatigiiffiit Kattuffianni Game Greenlandimi suliniummut aqutsisoq) uunga mail: poul@gif.gl
GAME-mit qinnuteqarusuttunut kaammattuutigaarput paasissutissat nittartakkatsinniittut www.game.ngo misissorneqarnissaat.
