AALASA-MIT AGGUAASSASSAT

Peqatigiiffissinni ilaasortassanik sunngiffimminnilu kajumissutsiminnik aallussillutik sulisussanik pissarserusullusi pisoqartitsinerusarnissarsi takorloorpisiuk, peqatigiiffissinniluunniit ataatsimuussusermik misigisimatitsinerulerusuppusi?  Taava takorluugarsi piviusunngortinniarlugu Aalasa-mit agguaassassanut aningaasanik qinnuteqaritsi.  

 

Siunertaq

Aalasa-mit agguaassassat pilersinneqarput makkua peqqutigalugit:

  • Timersoqatigiiffinni aallutassatigut ineriartortitsinissat siuarsaaqataaffiginiarlugit – kattuffeqaraanni  kattuffeqanngikkaanniluunniit ingerlanneqarsinnaasunik – ineriartortitsillunilu timersornermut  attuumassuteqartumik suliniuteqartoqarsinnaanngortinniarlugu, taamaasilluni peqatigiiffimmut  ilaasortaanissaq/ilaasortaaginnarnissaq, kajumissutsimillu aallussilluni sulinissaq  kajuminnarnerulersinniarlugu. Taamaalillunilu inuiaqatigiinni najugaqarfigisami iluaqutaanissaq  anguneqarniassammat.
  • Ataatsimooqatigiinnerit peqataatitsiniartut annertusaaffigalugillu siuarsaaffigineqarnissaat, taamaasilluni amerlanerit timersornerup nuannersuanik iluaqutaanillu misigisaqarniassammata.

 

Pisoqartitsinissamut aningaasat agguagassat timersoqatigiiffiit kattuffillit kattuffeqanngitsulluunniit ingerlatassatut pilersaarutigeriikkamik saniatigut qinnuteqarfigisinnaasaattut isigineqassaaq.

KIKKUT QINNUTEQARSINNAAPPAT?

Pisoqartitsinissamut agguagassanut qinnuteqarsinnaapput peqatigiiffiit kattuffiillu, Kalaallit Nunaanni Timersoqatigiit Kattuffiannut ilaasortaasut. 

SUUT QINNUTEQAASSUTIGINEQARSINNAAPPAT?

Aalluttariikkat imaluunniit sutitsinissat nutaat qinnuteqaassutigineqarsinnaapput soorlu makkua:

  • Meeqqat inuusuttuaqqallu aallussitinnissaat (soorlu assammik arsarnermik ilitsersuinerit, sisorarnermik ilitsersuinerit, isikkamik arsarnermik ilitsersuinerit il.il.).
  • Tamanut ammasumik aaqqissuussinerit suliniutillu allat ilaasortassarsiornernik siunertaqartut.
  • Peqatigiiffimmi sunngiffimmi kajumissutsimik aallussilluni ikiuuttunik pitsanngorsaanissaq (soorlu pikkorissaanerit aammalu suleqatigiissitsinerit/isumasiuinerit)
  • Timersoqatigiiffiit kattuffiisalu akornganni suleqatigiinnerulernissamik anguniagaqartumik suliniuteqarnerit (soorlu suleqatigiisitsinerit/isumasioqatigiinnerillu)
  • Timersoqatigiiffiit kattuffiillu akimorlugit ingerlanneqartumik unammisitsinerit
  • Kommunerisami illoqarfiit nunaqarfiillu akornganni unammisitsinerit
  • Suliffeqarfinnik unammisitsinerit (assersuutigalu suliffeqarfiit nerrivimmi arsaararnermi unammisinneqarneri)
  • Utoqqarnik najugarisami unammisitsinernit (soorlu pisulluni arsarnerit, assammik arsarluni timigissarnerit)
  • Aallutassanut assigiinngitsunut atortussanik pisiniarnermi

ANINGAASANIK SUUT AGGUAASSIFFIGINEQARNEQ AJORPAT?

  • Angalanernut ineqarnermut kiisalu ullormusiaqartitsinissamut/akissarsinissamut atugassanik killilimmik qinnuteqartoqarsinnaavoq.
  • Nuna tamakkerlugu pissartanngorniutsitsinissamut atugassanik qinnuteqartoqarsinnaanngilaq.
  • Aalasa-mit agguagassanit tapiiffigineqarneq ajorput aaqqissuussat suliniutilluunniit ingerlanneqareersimasut aammalumi Kalaallit Nunatta avataanni ingerlatassanut tapiisoqarneq ajorpoq.

QANOQ AMERLATIGISUT QINNUTIGINEQARSINNAAPPAT?

Aalasa-mit agguagassat 2022-imi katillugit 1.200.000 kr agguaanneqartussaapput. Qinnuteqarnissamut aningaasat ikinnerpaaffeqarnatillu amerlanerpaaffeqanngillat, qinnuteqaatilli qanoq nalitutigisumik pilersitsinissaat aallaavigalugu nalilersorneqartarput.

Aningaasaleeqataanissaq namminerluunniit aningaasaliinissamut piumasaqaateqartoqanngilaq. Qinnuteqaat tamakkiisumik, ilaannakusumilluunniit akuersissutigineqarsinnaavoq itigartinneqarsinnaalluniluunniit.

PIUMASAQAATIT

Aalasa-mit agguagassanik pissarsinissamut piumasaqaatitut aningaasaliinissamut tunngavigisassatut ataatsimiitsitaliap makkua pingaartittarpai:

  • Timersornerit tamanik peqataaffigineqarsinnaasut aningaasaliiffigineqarnissaat
  • Amerlanerpaat peqataatinneqarnissaat aningaasaliinerullu iluaqutaasumik pissarsissutigineqarluarnissaa
  • Aallutassanut arlalinnut aningaasat atorneqarsinnaanissaata anguneqarnissaa
  • Aningaasaliinerit sumiiffimmi nunallu immikkoortuani (kommunep iluani) sammisassaqartitsinissaa
  • Aningaasat atorneqarnerisigut ilaasortat/annguffiginiakkat nutaat pissarsiarineqarnissaat
  • Aningaasat timersoqatigiiffimmi ineriartitsinermik pilersitsinissaat
  • Peqatigiiffiit timersoqatigiiffiillu kattuffiisa akornganni suleqatigiinnerulernissap anguneqarnissaa
  • Aningaasat atorneqarnerisigut timersorneq peqataaffigiuminarninngussasoq aallutallu takussaanerulernissaat

Timersoqatigiiffiit tamarmik ukiumut arlaleriarlutik qinnuteqarsinnaallutillu tapiiffigineqarsinnaapput.

QANOQ QINNUTEQARTOQARTARPA?

  1. Qinnuteqarnermi immersugassaq ataaniittoq immersorlugu
  1. Missingersuutinut immersugassat immersoruk qinnuteqaammullu ilanngullugu upload’terlugu. Qinnuteqaammut tulluuttunik kiggiussisoqarsinnaavoq (missingersuutit saniasigut)

QAQUGUKKUT QINNUTEQARTOQARSINNAAVA?

Kalaallit Nunaanni Timersoqatigiit Kattuffianni Aalasa-mit agguagassanut ataavartumik qinnuteqartoqarsinnaasarpoq. Qinnuteqaatinut aningaasaliissutit sukkanerpaamik aningaasaliiffigineqartarput qinnuteqaatillu akuerineqarneraniit kingusinnerpaamik sapaatip akunneri marluk qaangiunnerini aningaasaliisoqartarpoq.

PIUMASAQAATIT ALLAT

Iliuuseriniakkap suliniutigisalluunniit naammassereernerata kingorna naatsorsuutigineqarpoq peqatigiiffik

  • Aningaasartuutit naatsorsuusiorneqarnerinik allanillu kiggiussilluni nassiussisarnissaq.
  • Suliniutigisaq tamakkiisumik piviusunngortinneqarsimanngippat aningaasaliissutilluunniit sinneqarpata, taava Kalaallit Nunaanni Timersoqatigiit Kattuffiannut attaveqartoqassaaq, aningaasat sinneri timersoqatigiiffiit allat atorluarsinnaaniassammatigut imaluunnit aningaasat utertinneqarniassammata. Aningaasat qinnutigineqartut qinnuteqaatigineqartunut atorneqartussaapput, 2022-ilu naatinnagu atorneqarsimassallutik.
  • Kalaallit Nunaanni Timersoqatigiit Kattuffiata kaammattuutigaa aningaasaliiffigineqartut aaqqissuussartik pillugu innuttaasut attaveqaataasigut allatigullu amerlanerpaanut anngussiffiusinnaasutigut aaqqissuussaminnik ussassaareqqullugit.
  • Kalaallit Nunaanni Timersoqatigiit Kattuffiata Aalasa-llu ilisarnaataat ilanngunneqartassapput sammineqartussap pisortatigoortumik eqqartorneqarnerini.
  • Kalaallit Nunaanni Timersoqatigiit Kattuffiata aningaasaliiffigisimasamik kingunerisaanik aallunneqarsimasut ingerlanneqarsimasullu siammartersinnaarusuppai, peqatigiiffinnut allanut isumassarsiutissatut maligassiuisutullu takusassiariniarlugit. Taamaattumik pititsinermi ingerlatsinermilu assit videoliallu naatsumik nassuiaatitalersorlugit (qanoq amerlatigisut peqataaffigisimaneraat, suut aallunneqarsimanersut, takorluukkallu pivisunngorsimanersut pillugit) allaaserinnittoqartarnissaanik qinnuviginnippoq, pisorlu ullut 14-it qaangiutsinnagit Kalaallit Nunaanni Timersoqatigiit Kattuffiannut nassiunneqareersimasassapput.

Malittarisassat ukua ataavartumik naliliiffigineqartassapput pisariaqarsorinnittoqarpallu aningaasaliinermut ataatsimiitsitaliamit allanngortinneqartassapput.

Missingersuutissanut immersugassaq uani aajuk

Missingersuutissanut immersugassaq download-terniarlugu talerpiatungaaniittoq ammut tikkuussisoq tooruk

 

QINNUTEQARTUS-SANUT SIUNNERSUUTITSIA-LAAT

Qinnuteqarnermi eqqumaffigineqassaaq piviusorsiornissaq ingerlanniakkallu inunnut amerlanerpaanut anngunneqarnissaa qulakkeerniarneqassammat.

  • Qinnuteqaammi siunertaqarpasittumik anguniagaq ataaseq/aaqqissuussaq ataaseq/ingerlatassaq ataaseq aallavigineqassaaq.
  • Najukkami peqataaffigineqarnissaa qulakkeerneqassaaq peqatigiiffiit timersoqatigiiffiillu allat peqataatinnissaat qulakkeerniarneqarsinnaalluni.
  • Misilittagarilikkassi allanut ingerlateqqinnissaat eqqarsaatigissavarsi.
  • Missingersuutit sukumiisut sapinngisamillu naapertuuttut suliarisigit.

Qinnuteqaammut immersungassaq

Peqatigiiffik

Attaveqarfissaq

Attaveqarniarnermi aqqutissat

Sutitsinissaq

Ilanngussaq

Vi er her for dig

Find en medarbejder

Skal du have hjælp til noget, eller har du et spørgsmål? Så find den helt rigtige medarbejder til at besvare dit spørgsmål. Klik på knappen og find en medarbejder:

Ikiugassaavit?

Sulisumik nassaarit

Ikiugassaavit apeqqutissaqarpilluunniit? Taava sulisoq apeqqutinnut akinnillunilu ikiuisinnaasoq nassaariuk. Tuugassami sulisoq apeqqutinnut akinnissinnaasoq nassaariuk: