ANINGAASAQARNEQ

Naatsorsuutit, missingersuutit akileraarutillu. Tamakkuupput inuit ilannut pikkunaatsutut nipeqartartut, kisiannili peqatigiiffiup pisussaaffimmisut aqussinnaasariaqagai. Naatsorsuutit qanoq aqussinnaanerlusigit, peqatigiiffiullu aningaasaqarnera agguaanneqartartunut qinnuteqarnikkut aningaasaliisartunillu pissarsinikkut qanoq pitsanngorsaaffigisinnaanerlusiuk uani paasisaqarfigisiuk. 

Ukiumut naatsorsuutit inerneri isumagisigit

Peqatigiiffiup aningaaserisuata suliassai nuannerpallaanngitsut imaluunniit pissusissamisoortumik ukiumut naatsorsuutinik inerniliineq? Qanoq iliorluni allaffissornikkut suliassat pitsaanerusumik naammassineqarnissaat pillugu ilisimasaqarlusi ilitsersuuteqarlusilu ukiumut naatsorsuutit inerneri isumagisigit. Tamakku suliassaapput inuit ilaannut nuannerpallaanngitsut, taamaattoq peqatigiiffiup isumagisariaqagai. Nittartakkakkut workshoppimik ilitsersuummillu ikiuutaasussanik Timersoqatigiit Kattuffiata siunnersuisuineersunik aasassaqarpoq.

Naatsorsuutinut ukiumullu naatsorsuutinut malissarisassat maani paasisaqarfigikkit. Tunngaviusumik peqatigiiffiit akileraartitaaneq ajorput, peqatigiiffilli kikkunnulluunniit iluaqusersuiniartuuppat naatsorsuutinut tamanna atuutinngilaq.

Peqatigiiffik ilitsersuisunut, sungiusaasunut cafémilu sulisunut akissarsiaqartitsissava? Taamaassimappat akileraarutinik A-nik akileraartitsissaasi sulisitsisutullu allatut akiliuteqassallusi, kiisalu akileraarutit nalunaarutigissallugit.

 

Peqatigiiffiit tamanut iluaqutaasussat?

Peqatigiiffinnut kikkunnulluunniit iluaqusersuiniartunut, ilisarnaatit tassaapput:

  • Peqatigiiffiup ilaasortami soqutigisaqaqatigiinnerannik siuarsaasarnera
  • Aningaasaatit peqatigiiffimmut pigitinneqartarnerat inunnullu ataasiakkaannut akiliutigineqassanatik/agguaanneqassanatik
  • Peqatigiiffiup piujunnaarneratigut aningaasaatit siunertanut kikkunnulluunniit iluaqutigineqartussanut allanut pissarsiarineqartussanngortinneqartarnerat

Ukiumut naatsorsuutit inernerannut piumasaqaatit

Peqatigiiffiit isertitaqartut ukiumut naatsorsuutit inernerat pillugu inatsimmut naapertuuttumik ukiumut naatsorsuutit inernerannik naatsorsuusiortussaapput. Peqatigiiffiit kikkunnulluunniit iluaqusersuiniartut naatsorsuusiortussaapput, taamaalillutik atuartussat peqatigiiffiup aningaasaqarnerata qanoq inneranik erseqqissumik paasisaqassammata.

Tamanna isumaqarpoq

  • isertitat aningaasartuutillu ukiumut pineqartumut attuumassuteqartut naatsorsuutinut ilanngunneqarnissaannik
  • peqatigiiffiup aningaasaataasa (pigisat akiitsullu) ukiumut naatsorsuutit inernerisa aallaqqaataanni naggataannilu naatsorsorneqarnissaannik. Pigisat akiitsullu ukiumut naatsorsuutit inernerisa aallaqqaataanniittut ukiup siuliani naatsorsuutini iluarsaanneqarsimallutillu akuerineqarsimasunut naapertuutissapput.
  • aningaasaatinik naliliineq tutsuiginartumik pissaaq, tassa imaappoq, pigisat nalingi akiitsullu imminnut naapertuuttuussapput naatsorsuutinilu eqqortumik inernilerneqarsimassallutik.
  • ukiumut naatsorsuutit inernerinik naatsorsuusiorneq ukiup siulianeersumit allaanerussanngilaq – allanik paasissutissiisoqarsimanngippat.

 

Kiisalu peqatigiiffiup naatsorsuutaanut naatsorsuuserineranullu atortut ajortittussaajunnaarsillugit aamma  qanoq ilisukkulluunniit saqqummerneqarsinnaasunngorlugit toqqortaatigineqassapput – malittarisassaq pingaarneq ukiumut naatsorsuutit inernerisa pineqartut ukiuata naaneranit ukiuni tallimani atuuppoq.

Ukiumut naatsorsuutit inerneri pitsaasut

Naatsorsuusiortussaanermik inatsit naapertorlugu naatsorsuutinut atortut ataavartumik nalunaarsorneqassapput. Nalunaarsugassat kingornamut toqqortarniarukkit aningaasanut tunngasut erniinnaq malinnaaffigiunnaarsinnaavatit.

Taamaattumik

  • isertitat aningaasartuutillu ataavartumik nalunaarsortakkit
  • siulersuisut ataatsimiinneri tamaasa aningaaserisoq aningaasaqarnerup qanoq inneranik saqqummiussitittarsiuk
  • pisussat missingersuutit eqqarsaatigalugit naatsorsuutinut nikinganeqalersitsisussat pillugit siulersuisut ilisimatinneqartassapput.

Peqatigiiffiup aningaasaqarnerata eqqornerusumik ersersinneqarnissaannut piumasaqaat

Naatsorsuutinut inissitsiterinerit ataasiakkaat saniatigut pingaaruteqarpoq naatsorsuutit ukiumut naatsorsuutit inernerannik ukiullu naanerani aningaasatigut inissisimanermik eqqornerusumik ersersitsinissaat.

Angusanik naatsorsuutit isertitanut aningaasartuutinullu piffissanik inissitsiterinermut tunngasuuvoq:

  • Pisoqqanut nutaanulluunniit attuumassuteqartunik ukiumi nutaami aningaasartuuteqartoqarpa?
  • Ilaasortat akiliutaannit isertitat qanoq amerlatigisut ukiumut qaangiuttumut nutaassamulluunniit attuumassuteqarpat?

Agguataarinermut tunngavinni (pigisat aamma akiitsut) bilagit avataaneersut atorlugit naleqquttunngorsaasarnissaq pingaaruteqarpoq:

  • Aningaaserivimmi uninngasuutit kontup killiffianik ilisimatitsissummut aningaaserivimmeersumut naleqquppat?
  • Karsimiittuutit tigussaappat?
  • Sanaartornernut aningaasaliinernulluunniit annerusunut taarsigassarsiat taarsigassarsisitsisup takussutissiaanut naapertuuppat?
  • Ilaasortat akiliutaat pisassat katinnerat eqqorpa? Naatsorsuutigineqarpat aningaasat tamakkerlutik ukiumi naatsorsuusiorfiusumi nutaassami akilerneqassasut?

Peqatigiiffiup tamakku isumaliutigereersimappagit kingornalu malippagit ilerasuuteqarasi oqarsinnaavusi ukiumut naatsorsuutit inerneri eqqornerusumik takutitsisuusut.

Kommuni sunik piumasaqaateqarpa?

Peqatigiiffiit amerlanerit kommunimit tapiissutisisarput. Aalajangersakkani allassimavoq peqatigiiffik kommunip tapiissutigisaanut taakkununnga naatsorsuusiortassasoq inatsimmullu naapertuuttumik aningaasaliissutit atorneqarnerannut naatsorsuutinik uppernarsaasiortassasoq.

 

Peqatigiiffiup isumagissavaa peqatigiiffiup nammineerluni naatsorsuutaasa atortullu kommunimut nassiunneqartut imminnut naapertuunnissaat. Peqatigiiffiittaaq ukiumut naatsorsuutit inerneri nalinginnaasut nassiuttussaavaat.

Tapiissutit pillugit naatsorsuutit immikkut ittut peqatigiiffiup naatsorsuutaasut ukiumut naatsorsuusiarineqartariaqanngillat.

Ukiumut naatsorsuutit inerneri naatsorsuutillu qanoq ilisukkut saqqummiunneqassappat?

Ataatsimeersuarnissaq sioqqulluarlugu aningaaserisup ukiumut naatsorsuutit inerneri siulersuisunut saqqummiuttariaqarpai. Siulersuisut naatsorsuutit akuerissutigissanngilaat inerneralli ilisimasussaallugu. Aningaaserisup akisussaaffigaa naatsorsuutit suliarissallugit ataatsimeersuarnissarlu sioqqullugu kukkunersiuisussatut toqqarneqarsimasunut iluarsaatitissallugu.

Ataatsimeersuarnermi angusanik naatsorsuutit aamma aningaasat isertitat aningaasartuutillu assigiinnerat ilaasortanut misissortinneqassapput. Nalinginnaasuuvoq aningaaserisuusup tamatuminnga isumaginnittuusarnera, tamannali siulersuisut sinnerlugit pisarpoq, taakkualu saqqummiunneqarnissaannut siulersuisut akisussaasuusarput. Missingersuutit imaluunniit naatsorsuutit siulianeersut eqqarsaatigalugit nikinganerujussuaqarsimappat nassuiaasoqartariaqarpoq. Tamatuma kingornagut ataatsimeersuartut ukiumut naatsorsuutit inerneri akuerissavaat.

Kikkut qimerluuisinnaatitaappat?

Ilaasortat tamarmik peqatigiiffiup ukiumut naatsorsuutaasa inernerinik paasisaqarsinnaatitaapput aammalu qanoq ilisukkulluunniit assilineqarneranik (kopiianik) piumasinnaatitaallutik. Ataatsimeersuarneq sioqqullugu siulersuisut inernerusoq paasereertussaavaat, kisianni ataatsimeersuartut tassaapput ukiumut naatsorsuutit inernerinik akuersisussaasut.

Siulersuisut missingersuutit akuerisaraat? Taava missingersuutit siulersuisut iluminni atortussaraat ilaasortat takussallutit piumasaqaateqarfigisinnaanngisaat.

Ataatsimeersuartut missingersuutit akuerisaraat? Taava ilaasortat taakku takussallugit piumasaqarsinnaatitaapput.

Imaqarniliat siulersuisut iluminni atortussaraat ilaasortat takussallutit piumasaqaateqarfigisinnaanngisaat. Peqatigiiffippassuaqarporli ataatsimiinnernit imaqarniliaasimasunik nittartakkakkut tamanut saqqummiussisartunik.

 

Siunnersuut: Peqatigiiffik imaappat virk.dk-mi Qitiusumik Suliffeqarfinnik Nalunaarsuiffimmut (Erhvervstyrelsemut) nalunaarutigineqassaaq:

  • akileraartussaatitaappat
  • pisortanit tapiiffigineqartarpat
  • peqatigiiffiup aqqa atorlugu peqatigiiffik aningaaserivimmi kontoqartoqarpat kontoqassappalluunniit

 

Peqatigiiffimmi allannguisoqarpat peqatigiiffilluunniit unippat tamanna nalunaarutigineqassaaq.

Naatsorsuutit aqussigit 

Peqatigiiffimmi piukkunnartunut mappersagaq del-ersinnaavat, aallugu (Download) imaluunniit anillatsillugu.  

PEQATIGIIFFIUP ANINGAASAQARNERA SULI

Aningaaserisup nutaap eqqaamasassaasa allattorsimaffiat

Aningaasanik agguagassanik tapiissutinik piniaritsi

Aningaasaleerusuttunik peqatigiiffik tapiiffigitissiuk

WORKSHOP PEQATAANIARLUTIT NALUNAARIT

PEQATIGIIFFIUP ANINGAASAQARNERA

Peqatigiiffiup aningaasaqarneranut tunngatillugu ilisimasaqarnerulerusuppit – periusissaqalerlutit, taava Timersoqatigiit Kattuffiata aningaasaqarnermut, missingersuutinut aningaasaliisartoqarnermullu tunngatillugu piginnaanngorsartitsiviata ingerlanniagaanut ilanngussinnaavutit. 

workshops qarasaasiatigoortullu takukkit

Eqqaamaqqusissut: virk.dk aqqutigalugu peqatigiiffik Erhvervsstyrelsemut nalunaarutigineqassaaq

  • akileraarnissamut pisussaaffeqaruni.
  • pisortanik tapiiffigineqartaruni.
  • imaluunniit peqatigiiffiup aqqa atorlugu aningaaserivimmi kontoqassaguni. Allannguuteqartoqarmat peqatigiiffilluunniit unitsinneqarmat nalunaarsorneqartussaavoq.

Annertut aningaasaliisut

airgreenland

Aningaasaliisut

GIF pillugu

Nutaarsiassat allaganngorlugit

GIF-imit nutaarsiassat soqutigisatit toqqaanaq e-
mail-ikkut pissarsisalikkit

’Paasissutissat illersorneqarnissaannut politikkitta’ akuerigitit, allatsinnerit ilutigalugu pissaaq.
POULTURKIS

Grønlands Idrætsforbund • Issortarfimmut 8 st. tv. Postboks 84, 3900 Nuuk, Greenland • (+299) 34 81 50 • gif@gif.gl

Vi er her for dig

Find en medarbejder

Skal du have hjælp til noget, eller har du et spørgsmål? Så find den helt rigtige medarbejder til at besvare dit spørgsmål. Klik på knappen og find en medarbejder:
Find en medarbejder

Ikiugassaavit?

Sulisumik nassaarit

Ikiugassaavit apeqqutissaqarpilluunniit? Taava sulisoq apeqqutinnut akinnillunilu ikiuisinnaasoq nassaariuk. Tuugassami sulisoq apeqqutinnut akinnissinnaasoq nassaariuk:  
Allaffeqarfik