1.500.000 kr. 

Kattuffiit ilaasortagut, timersoqatigiiffiillu kattuffeqanngitsut qinnuteqarsinnaapput tapiiffigineqarsinnaassallutillu.

Suliffeqarfiit taperneqarsinnaanngillat, ilaasortaagaluarunik aamma.

Kattuffinnut ukiumut agguaanneqartartussatut kr. 1.300.000 missingersuutigineqarput. Timersoqatigiffinnullu kattuffeqanngitsunut ukiumut kr. 200.000 agguaanneqartarnissaat missingersuutigineqarluni.   

Qinnuteqarnissamut periusissaq:  

• Kattuffiit ukiunut aggersunut pilersaarutiminnik saqqummiussissussaapput Timersoqatigiiffiit Kattuffianni allatseqarfik peqatigalugu qinnuteqaasiortussaapput.  

• Peqatigiiffiit Kattuffeqanngitsut qinnuteqaatertik immersoriarlugu toqqaannartumik Timersoqatigiit Kattuffiannut nassiussisussaapput.  

• Kattuffiit: Ingerlatsinermut aningaasaliiffigineqarnissatulli naatsorsuisoqartussaavoq, tassani takuneqarsinnaasussaalluni kattuffik pikkorissarnermut ukiumut aningaasanik amerlanerpaamik qassinik tunineqarsinnaanersut paasiniarlugu.  
• Peqatigiiffiit kattuffeqanngitsut: Timersoqatigiiffik ukiumut aningaasanik qanoq amerlatigisunik tunngaviusumik qinnuteqaateqarsinnaanersoq aalajangiisoqarnikuunngilaq. Agguaassinernilu siulliullutik qinnuteqartut siulliullutik agguaassiffigineqartartussaapput, qinnuteqaatit nalilersorneqartartussaapput qinnuteqartut qanoq pissarsinissarminnik naatsorsuuteqarneri aallaavigalugit naliliisoqartarnerisigut.  

• Kattuffik: Timersoqatigiit Kattuffianni ineriartortitsinermut siunnersorti  saaffigissavaa. Peqatigiilluni qinnuteqaat immersorneqassaaq, ukiup tulliani pikkorissaanissamut pilersaarutit aallaavigalugit.
  Isumaqatigiissusiortoqareerpat aningaasat qinnuteqartumut tunniunneqassapput.
• Timersoqatigiiffik kattuffeqanngitsoq: Qinnuteqaatigineqartussaq  
  immersorneqassaaq.  Qanoq immersorneqassanersoq assersuut ugguunna takujuk: assersuut-excel  
  Qinnuteqaat uunga nassiunneqassaaq: gif@gif.gl  Aningaasat akuersissutigineqartut tunniunneqassapput.

• Pikkorissaasoqareernerup kingorna qinnuteqarnikoq immersuisussaatitaavoq (immersugassaq-excel), kingusinnerpaamillu ullut 14 qaangiunnerini uunga nassiunneqarluni: gif@gif.gl

• • Pikkorissaanerit ingerlanneqareersut aningaasaLIIFFIGINEQARSINNAANNGILLAT. Taamaattumik piffissamik sioqqutsilluarluni pilersaarusiorsimasumik qinnuteqartoqarnissaa piumasaqaataavoq.   
  • Nunatsinni Pissartanngorniunnerit ingerlanneqarnerisa nalaanni pikkorissartoqassaguni, taava aningaasat pissarsiarineqartut Nunatsinni Pissartanngorniunnernut atorneqaqqusaanngillat.  

    Uteqqiineq:  

    Kattuffiit:  

    • Pikkorissarnissanut 2024-imi ingerlanneqartussanut qinnuteqarnissaq ukioq naallugu ammavoq.  
    • Pikkorissarnissamut 2024-imi ingerlanneqartussanut qinnuteqarnissamut killiliussaavoq 15. Oktober 2024.  
    • Pikkorissarnissamut aningaasaliinerit siulliit tunniunneqassapput Januar 2025  

    Timersoqatigiiffinnut kattuffeqanngitsunut:  

    • Ataavartumik qinnuteqaatinik nassiussisoqarsinnaavoq.  

    Tapiiffigineqarneq ajorput: