NERSORNAASIINISSANUT INNERSUUSSINERIT
Ukiut tamaasa Kalaallit Nunaanni Timersoqatigiit Kattuffianni kattuffiit peqatigiiffiillu kattuffeqanngitsut timersornerup silarsuaani Ukiumi aqutsisuullammammik, sungiusaallammammik kiisalu timersullammammik innersuussisarput.
Timersornermi maligassiuisunik nersornaasiineq
Kattuffittut aammalu peqatigiiffittut ukiumi 2024-mi aqutsisuullammammik, sugiusaallammammik kiisalu timersullammammik innersuussisinnaanngorpusi.
Innersuussutit Kalaallit Nunaanni Timersoqatigiit Kattuffiani siulersuisut kina imaluunniit kikkut nersornaaserneqassanersut naliliiffigissavaat, nersornaaserneqartullu ukiumoortumik Maligassiuisut Showip ingerlanneqarnerani suaarutigineqarumaarput. Maligassiuisut Show 26. januar 2025-imi Katuami ingerlanneqassaaq KNR-tv-kkullu toqqaannartumik aallakaatinneqassalluni.
Nersornaaserneqartut pokalinnatsineqassapput kiisalu aningaasanik 20.000 kr.-nik tunineqarlutik.
Imatut innersuusisinnaavusi – aammalu piumasaqaatit suuppat?
- Innersuussiffigerusutat ataani allaqqasoq toorlugu iserfigissavat. Tassani immikkoortortat pingasuusut piumasaqaatai takusinnaavatit.
- Atit ilanngullugu immersugassaq immersoruk aammalu innersuusininnut peqqutit allakkit.
- Immersugassaq immersoreerukku tuussavat: ‘Nassiussigit’.
Innersuussinerit Kalaallit Nunaani Timersoqatigiit Kattuffianiissaaq kingusinnerpaamik 1. oktober 2024.
Timersornerup silarsuaani kajumissutsimik ingerlatsisut maligassiuisullu ilissi peqatigalusi Maligassiuisut show 2024-mi nersorniarnissaannut qilanaarpugut!
