Nunatsinni Pissartanngorniuttoqarnerani Timersoqatigiiffiit Kattuffiata aalajangersagai

§ 1. Unammineq nunatsinni pissartanngorniunnertut akuerineqassaguni taava piumasaqaatit makkua naammassineqartariaqarput:

 1.2 Pissartanngorniunnissaq kattuffittut akuerineqarsimasumit ukiumut ataasiarluni aaqqissorneqartassaaq  Kalaallit Nunaannilu ingerlanneqartassalluni.

 1.3 Unammineq aalaakkaasumik amerlassusilinnik peqataaffigineqartumik ukiuni ikinnerpaamik pingasuni  tulliuttuni ingerlanneqarsinnaassaaq nunatsinnilu qaffasinnerpaamik pitsaassuseqartumik ingerlanneqassalluni

 1.4 Peqataasut ukiumi unammiffiusussami peqataaffigisaminni ikinnerpaamik 14-inik ukioqalersimasussaapput

 1.5 Ataasiakkaat unamminerini ikinnerpaamik arfinillit unammeqataasartussaapput, holdikkaartunilu  ikinnerpaamik hold-it sisamat peqataassallutik.

§ 2. Peqataasussat kattuffimmut aaqqissuussisuusumut ilaasortaanngikkunik peqataasussat amerlassusaannut  ilanngunneqarsinnaanngillat – kattuffiullu aalajangiinera malillugu unamminermut peqataasinnaassaaq – nunatsinnili pissartanngortinneqarsinnaasassanani.

§ 3.  Nunatsinni pissartanngorniunnermi ajugaasoq ukiup tulliata tungaanut pissartaassaaq. Angajullerni/utoqqaanerusuni ajugaasumut Kalaallit Nunaanni Timersoqatigiit Kattuffiata pissartanngortunut tunniuttagaa Tuukkaq tunniunneqartassaaq.

Unammeqatigiikkuutaarnerni/holdikkaarnerni unammissutigineqartumi malittarisassat malillugit ujaminnattassat amerlassuseqartussaapput.

§ 4.  Kattuffiit ukiut tamaasa 31. decembar nallertinnagu Kalaallit Nunaanni Timersoqatigiit Kattuffiannut unammissutaasussat suut ingerlanneqassanersut, Tuukkallu qassit pissartanngortunut agguaanneqassanersut pillugit ilisimatitsillutik nassiussisartussaapput.

§ 5.  Kattuffik Kalaallit Nunaata avataanni Nunatsinni pissartanngorniutitsisinnaavoq FU akuersaarsimatillugu.