Ukiumut pingasoriarluni Kr. 65.000 – ukiumut katillugu 195.000 kr. nalinginut timersuutinik atisanik tunisisinnaavoq.

Peqatigiiffiit Kalaallit Nunaanni Timersoqatigiit Kattuffianni ilaasortaasut, timersuutissaminnik Faxe Kondi-puljiamut qinnuteqarsinnaapput.

Suliffeqarfiit qinnuteqarfigisinnaanngilaat, ilaasortaagaluarunik aamma. 

Faxe Kondi (Unibrew) Kalaallit Nunaanni Timersoqatigiit Kattuffiallu isumaqatigiissimapput ukiumut qinnuteqarfigineqarsinnaasut pingasuussasut.

Kalaallit Nunaanni Timersoqatigiit Kattuffiata qinnuteqartut akornanni kikkut qanorlu 65.000 kr.-it nalinginut atisarsiniarnissaq aaliangertarpaat.

Faxe Kondi-Puljemut qinnuteqarfissat aalajangersimapput:

1. 01.-31. Januaari
2. 01.-31. Maaji
3. 01.-30. Septembari

Kalaallit Nunaanni Timersoqatigiit Kattuffiata atisat Faxe Kondi-mut qinnutigissavai, taakkualu Faxe Kondi-p ilisarnaataa atisanut naqittarpaat. Peqatigiiffik kissaateqarsimappat ilisarnaataat aamma ilanngunneqarsinnaavoq, fil atorsinnaasoq nassiunneqarsimappat.

1. Qinnuteqartut timersuutit kissaatigisatik uani toqqassavaat (link tooruk): (allatitsivissaq 2024 utaqqineqarpoq) Qinnuteqaat ugguuna immersorneqassaaq: Qinnuteqaat – docx.
2. Angissutsit, nioqqutip kisitsisai, qalipaatit, kisitsit atisamut nipputsikkusukkaanni, ataasiakkaat akii katillugillu akii eqqortumik suliarineqassapput.
3. Ilisarnaat (logo): Piumasaqaataavoq ilisarnaat ersarissuussasoq. Qalipaatit amerlanerpaamik 4, vektoriseret fil-iulluni, mikisualuppassuaqarnanilu.
4. Immersugassaq immersorneqarsimasoq, e-mail-ikkut uunga nassiunneqassaaq: faxekondipulje@gif.gl

Sukumiinerusumik paasisaqarusukkuit attavissaq: 34 81 53

Qinnuteqaammi paasissutissat ilaasariaqartut:

• Peqatigiiffiup aqqa
• Adresse
• E-mail
• Attavissap aqqa oqarasuaataatalu normua

Qinnuteqaat nassiunneqareerpat:

• Qinnuteqaatip tiguneqarnera Kalaallit Nunaanni Timersoqatigiit Kattuffiata uppernarsassavaa, paasissutissiisoqassallunilu qaqugu tusagaqarnissaq naatsorsuutigineqassanersoq.
• Kalaallit Nunaanni Timersoqatigiit Kattuffiata qinnuteqaatit suliarissavai, peqatigiiffiillu qinnuteqartut saaffigineqassapput kikkut puljemit atisannanissaminnut akuerineqarsimanersut.
• Faxe Kondi-p peqatigiiffinnut timersuutit nassiutissavai. 
• Peqatigiiffiup atisartaatik atortutaatilluunniit atortillugit assimik aalasumilluunniit (billede/video)  faxekondipulje@gif.gl -imut nassiuisinissaannut pisussaaffilerneqarput. Assit aalasulialluunniit nittarsaassinermut atorneqassapput. Assiliineq nassiussinerlu pissaaq atisat tiguneranit kingusinnerpaamik ullut 14-it qaangiutsinnagit.

Pisiareriikkat qinnutigineqarsinnaanngillat, pisussanulli atisarsiniarnerit pineqarlutik.

Atisat tiguniarneri qaammatinik arlalinnik sivisussuseqartarpoq.

Aningaasanik qinnuteqartoqarsinnaanngilaq.