Takorluugaq angussagaanni kommunet Kalaallit Nunaanniluunniit suleqatigissallugit piukkunnaateqartut peqatigalugit ataqatigiissaakkamik suleqatigiinnissaq pisariaqarluinnarpoq. Taamaasilluni Kalaallit Nunaanni Timersoqatigiit Kattuffiata misilittagai malillugit suleqatigiinnissamut isumaqatigiissuteqarneq suleqatigiilluarnissamut toqqammaviulluartarpoq, suleqatigiinnermilu paaseqatigiilluarnissamut qulakkeerinnittarluni.
Kalaallit Nunaanni timersorneq aqqutigalugu kommunet, suliffeqarfiit, innuttaasullu akornganni ataqatigiittoqalernissaa Timersoqatigiit Kattuffiata anguniagaraa, nunarpummi Nunarsuarmi Timimik Aalatitsiffiunerpaanngornissaanut ataqatigiinnissaq pisariaqarluinnartuuvoq.
Timersornerulernissamut atortussat
Kalaallit Nunaanni Timersoqatigiit Kattuffiata timersuutitigut atortussakilliornerup annikillisarneqarnissaa sulissutiginiarpaa, innuttaasut amerlassusaat, suiaassusaat ukiuilu aallaavigalugit assigiinngissitaarnerit naapertorlugit piorsaasoqarsinnaaniassammat.
Kalaallit Nunaanni Timersoqatigiit Kattuffiata kommunet Namminersorlutillu Oqartussat peqatigalugit illoqarfinni ineriartortitsinissat tapersersortussaavai, timersornermut atortussaqarlualerniassammat. Timersorfissaq aningaasallu killeqaraluartut pitsaasunik atoruminartunillu tamatigoortunik atorluarneqarsinnaasunik pissarsisoqarsinnaassammat.
Kalaallit Nunaanni Timersoqatigiit Kattuffiata pisortat-namminersortullu suleqatigiillutik timersorfissanik timersornermiluunniit atortussanik pissarsinissaq anguniarlugu aqqutissiuuseqataasussaavoq, kommunellu tamarmik akornganni suleqatigiittoqarnissaa anguniartussaallugu. Kalaallit Nunaanni Timersoqatigiit Kattuffiat misissueqqissaarnermigut siunnersuillunilu ineriartortitsillunilu atortussanik siammartereqataasussaavoq, suleqatigisat peqatigalugit.
Kommunit suleqatillu allat suleqatigineri
Kalaalllit Nunaanni Timersoqatigiit Kattuffiata kommunet suleqatissatullu piukkunnaatillit allat peqatigilluinnarlugit, siunertaqartumik suleqatigiinnissamut isumaqatigiissusiortoqarnissaanik ujartuissaaq, iliuuseqarnikkut amerlanerit aalanerulerniassammata, aammalu kajumissutsimik suliniartunut tapertaalluassalluni taamatuttaaq innuttaasut timersornissaannut periarfissaqarnissaq ikorfartuiffigissussaallugu.
Anguniakkat
Kalaallit Nunaanni kajumissutsimik suliaqarneq kajuminnarne-russaaq
Peqatigiiffiit amerlanerit kajumissutsimik suliaqarneq pillugu periusissiaqassapput
Arlallit peqatigiiffinni attaveqaatiminnilu kajumissutsimikkut sullissisartuupput, misigisimallutillu kajumissutsimikkut suleqataanerminni nersualaarneqarlutik.
Kajumissutsimik suliaqarneq peqatigiiffinnillu ingerlatsineq pillugu pikkorissartitsinerni kajumissutsimik suliaqartut amerlanerit peqataasalersimassapput
Kajumissutsimik suliaqartut amerlanerusut misigisimassapput ikiuunnertik soqutigineqartoq.
Periusissaq 2024-27 – nuna ataatsimoorussamik anguniagalik suli paasisaqarfiginerusin-naavat
Periusissiap ingerlariusissaa, eqqarsaatersuutigisimasat aammalu qanoq aallartissanersugut paasisaqarfiginerorusuppigit? Periusissiaq tamakkiisoq aasinnaavat.
