ANINGAASALIISUSSANIK UJARTUINEQ

Aningaasaliisoqarneratigut aningaasaliisup tusaamalluarneqalernissaa kiisalu peqatigiiffiup aningaasaliisumit imaluunniit aningaasaliisunit arlalinnit aningaasaqarnikkut taperneqarnissaa siunertaasarpoq. Aningaasaliisut suliffeqarfiup ilisarnaataanik taaguutaanillu takutitsinermikkut tusaamalluarneqalernissartik ilanngullugu periarfissarisarpaat.  

Aningaasaliineq illugiittut ussassaarinertut taaneqarsinnaavoq, tassa imaappoq peqatigiiffiup imaluunniit timersoqatigiit aallussamut aalajangersimasumut aningaasalerneqarnikkut assersuutigalugu aningaasaliisut taaguutaannik ilisarnaataannillu nittarsaassisarput. Siulersuisunut takorluuisinnaassuseqarluartunut kiisalu ilungersuussilluarlutik sulialinnut aallussap iluatsinnissaanut aningaasalerneqarnissaq amerlanertigut pingaaruteqartarpoq, taamaammat sioqqutsilluarlunilu eqqortunik imalimmik qinnuteqaasiornissaq pingaaruteqarpoq.  

Suut qinnutigineqarsin-naappat?

  • Aningaasat
    • Angalanermi aningaasartuutinut
    • Akissarsianut
  • Kiffartuussinerit (in kind)
    • Sulisoqartitsinikkut
    • Suliassatigut kiffartuussinikkut (naatsorsuusiorneq, aningaasaqarnikkut aqutsineq assigisaallu)
  • Atortut/nioqqutit
    • Atisat
    • Atortut
    • eqqugassat

Qinnuteqarneq

Aningaasaliisussarsiorluni qinnuteqaat sunik imaqassava? Suliffissarsiornermisulli aningaasaliisussarsiorluni qinnuteqaat angusassamik toraagaqarluni suliarineqassaaq! Suliffeqarfiup pineqartup siunissami suleqatigilernissaanut kajumissaarissaasi – matumani suliffeqarfiup tapersersuineratigut peqatigiiffiup aallussai aqqutigalugit ataatsimoorlusi suleqatigiinnissarsi anguniarneqassaaq.

Suliffissarsiorluni qinnuteqarnermisulli titarnerit siulliit tallimat soqutiginarlutillu qinnuteqaammik atuarusulersitsissapput, aammattaaq qinnuteqaammi aallussat suunerinik tapersersuinikkullu qanoq angusaqartoqarsinnaaneranik paasititsisuussaaq. Aningaasaliisussarsiornerup iluatsinnissaanut isumassarsiatsialammik eqqortumik saqqummiillunilu piffissap eqqortuunissaa pisariaqarpoq.

Aningaasaliisussarsiornerit ima aallartissavat

Aningaasaliisussarsiornerit iluatsikkumallugu iliussissat tallimat malikkit.

1: Aningaasaliisinnaasutut nalilikkatit allattukkit

Peqatigiiffittut eqqumaffigisassarsi tassaavoq suliffeqarfiit annerit ilaasa aaqqissuussat aamma/imaluunniit kattuffiit kisiisa aningaasaliiffigisarmatigik, taamaammat taakkunannga aningaasaliiffineqarnissaq ajornakusoorsinnaavoq. Suliffeqarfiit annerit amerlanertigut peqqissaarullugit nassuiaasersukkanik politikkeqartarput, tamakkulu qinnuteqannginnermi misissoqqaarneqarsinnaapput. Suliffeqarfiit minnerit najukkamiittullu peqatigiiffinnik najukkamiittunik amerlanertigut tapersersuisarnerat eqqumaffigisiuk.

2: Misissuilluaqqaarnikkut suliffeqarfiit qinnuteqarfiginiakkasi toqqarsigit

Taamaaliornikkut suliffeqarfik suliffeqarfiullu pingaartitai il. il. pillugit paasisaqarnerusinnaavutit. Suliffeqarfik nittartagaqarpat oqarasuaatip normuanik allassimasulimmik, taava qinnuteqaatersi akuerineqarnissamut naleqqunnersoq paasiniaqqaarsinnaavarsi. Inummut aalajangersimasumut attaveqarnissaq periarfissaappat peqatigiiffimmi ilaasortat suliffeqarfimmi ilisarisimasaqarnersut paasiniaavigineqarsinnaapput.    

Suliffeqarfimmeersumik toqqaannartumik toqqaannanngitsumilluunniit attaveqateqarneq siunissami qanimut suleqateqalernissamut pingaaruteqarsinnaavoq. Ullutsinni aningaasaliisussarsiornermi ilisarisimasaqarneq pingaaruteqangaatsiartumik inissisimalernikuuvoq. Suliffeqarfinnik allanik attaveqateqarluarnissamut tunngavortaaq.

3: Suliffeqarfiup tapersersorusunngisai

Suliffeqarfiup pineqartup aalajangersimasunik tapersersugaqarusunnginnera eqqumaffigineqassaaq. Assersuutigalugu imaassinnaasoq allaffissornermut, ingerlatsinermut, angalanermut, akissarsianut allanullu tapersersuerusunngitsoq. Tamakku amerlanertigut suliffeqarfiup nittartagaani allassimasarput, nalornissuteqaruillu sianerfigalugit aperisinnaavatit. 

4: Qinnuteqarnissinni toqqaannartumik saaffiginnigitsi

Maanna suliffeqarfiit peqatigiiffiup suliniutaanut qinnuteqarnissaanullu tulluartut nassaarisimalerpasi. Qinnuteqaatip assinga suliffeqarfinnut tamanut nassiutinnginnissaa eqqumaffigissavarsi, taamaattorli qinnuteqaatip 80%-ata missaa atoqqinneqarsinnaavoq. 20%-it sinneruttut suliffeqarfimmut pineqartumut saaffiginnissutitut allaaserineqarlutillu suliffeqarfiup naleqartitaanut naapertuutissapput.

5: Aningaasaliiffigineqarussi qujanissarsi eqqaamassavarsi

Peqatigiiffissi aningaasaliiffigineqarpat qujanissat eqqaamaguk. Taamaaliornikkut siunissami suliniutissassinnut tunngatillugu suliffeqarfimmit aningaasalerneqaqqinnissamut periarfissaqarnerussaasi. Suliniutip ingerlanerani suliffeqarfimmik kiffartuussillattaagussi iluaqutaasinnaavoq. Ammaanersiornermut sammisaqarnermulluunniit qaaqqusigitsi – eqqaamallugu assinik nassiussinissarsi, taamaalillutik sumik tapersersuisimanertik takusinnaaniassavaat.

Ilanngussat

Qinnuteqaatip saniatigut makkuninnga amerlanertigut ilanngussisoqartarpoq

  • Missingersuutit, aamma aningaasarpassuarnik qinnuteqartoqarpat ukiumoortumik naatsorsuutit ilanngunneqartarput
  • Soqutiginnittoqarneranik ersersitsineq, tassa imaappoq suleqatigisanit oqaaseqaatit

 

Suliffeqarfiup amerlanertigut qanoq utertiffigineqarnissaq kissaatigisarpaa? Aningaasaliiffigineqarneq qanoq ersarissarneqartarpa?

Aningaasaliisut ersarissarneqarnissartik siullertut kissaatigisarpaat. Aningaasaliinikkut suliffeqarfik naleqartitaminik ilisimaneqaatigilerusutaminik minnerunngitsumillu peqataaffigerusutaminik ersarissaasinnaavoq. Aammattaaq najukkami aallussanik suliniutinillu pitsaasunik tapersersuinermik takutitsinissamut periarfissatsialaavoq. Ussassaarinikkut suliaqarfimmi annertusiartortumi unammillerteqarfiulluartumilu saaffiginiakkanut anngussinissaq ajornakusoorpoq, aningaasaliineq taamaalilluni suliffeqarfimmik nittarsaassinissamut ersarissaanissamullu suli sakkussatsialaavoq.

Aningaasaliisut ersarissarneqarnissartik siullertut kissaatigisarpaat. Aningaasaliinikkut suliffeqarfik naleqartitaminik ilisimaneqaatigilerusutaminik minnerunngitsumillu peqataaffigerusutaminik ersarissaasinnaavoq. Aammattaaq najukkami aallussanik suliniutinillu pitsaasunik tapersersuinermik takutitsinissamut periarfissatsialaavoq. Ussassaarinikkut suliaqarfimmi annertusiartortumi unammillerteqarfiulluartumilu saaffiginiakkanut anngussinissaq ajornakusoorpoq, aningaasaliineq taamaalilluni suliffeqarfimmik nittarsaassinissamut ersarissaanissamullu suli sakkussatsialaavoq.

QINNUTEQARNERMI ATORIAANNAAT

Aningaasaliisussarsiorluni qinnuteqarnermi atoriaannaq aajuk 

Iluatsilluartumik aningaasaliisussarsiornissa-mut najoqqutassaq ilitsersuullu aaguk.

Annertut aningaasaliisut

airgreenland

Aningaasaliisut

GIF pillugu

Nutaarsiassat allaganngorlugit

GIF-imit nutaarsiassat soqutigisatit toqqaanaq e-
mail-ikkut pissarsisalikkit

’Paasissutissat illersorneqarnissaannut politikkitta’ akuerigitit, allatsinnerit ilutigalugu pissaaq.
POULTURKIS

Grønlands Idrætsforbund • Issortarfimmut 8 st. tv. Postboks 84, 3900 Nuuk, Greenland • (+299) 34 81 50 • gif@gif.gl

Vi er her for dig

Find en medarbejder

Skal du have hjælp til noget, eller har du et spørgsmål? Så find den helt rigtige medarbejder til at besvare dit spørgsmål. Klik på knappen og find en medarbejder:
Find en medarbejder

Ikiugassaavit?

Sulisumik nassaarit

Ikiugassaavit apeqqutissaqarpilluunniit? Taava sulisoq apeqqutinnut akinnillunilu ikiuisinnaasoq nassaariuk. Tuugassami sulisoq apeqqutinnut akinnissinnaasoq nassaariuk:  
Allaffeqarfik