EQQORTUMIK APERIGIT
Inunnut eqqortunut eqqortunik apeqquteqarit kajumissuseqartitsiniarlutillu. Tassaavoq mikisunik angisuunilluunniit suliassiiniarlutit amerlanerusunik kajumissutsiminnik suliaqartussanik kissaateqarninnut iliuuserisartagassat.
Misissuinerup takutippaa sungiusaasut, ilitsersuisut, siulersuisunut ilaasortat ikiortillu aperineqarsimanertik pissutigalugu peqatigiiffimmi kajumissutsiminnik sulilersartut.
Sulilersinnaasut pimoorussisut kajumissuseqartullu aperineqarnerugajupput. Amerlasuut pitsaasumik qisuariartarput piumaneqartutut misigisaramik.
Piffissaalluartut piffissaalluanngitsullu
Sulilersinnaasut ataatsimeersuarnissaq ukiulluunniit pisoqarfiusortaa sioqqutilaarlugu aperinissaat utaqqineqassanngilaq – ukioq kaajallallugu qanoq ilisukkulluunniit aperisinnaavutit!
Aperigit
- angajoqqaat meeqqatik nuannersumik misigisaqartut takusinnaappassuk.
- siulittaasup sungiusaasoq sulilluarsimasoq nersualaarpagu.
- peqatigiiffik nutaarsiassatigut nuannersumik eqqartorneqarsimappat.
Aperissanngilatit
- nammineerlutik peqatigiiffilerinermik qatsussiguit. Tamanna tuniluuttutut ittarpoq.
- anaanap ulapittup Pisiffimmi ulappuseruttorfiani.
- ataatsimiinneq naammassisoq matukkut aniniarlusi.
Peqqutitsialak
Kajumissutsiminnik suleqataasinnaasut ukioq kaajallallugu ulluinnarni sammisaqarnerit nalaanni naammattuugassaasarput. Peqatigiiffimmi sungiusaasuusussap tullia immaqa:
- inuusuttuaqqat akornanniippoq, sungiusareernerup kingornagut erniinnaq angerlarneq ajortoq.
- inuusuttuaqqat akornanniippoq, meeqqanut pitsaasoq pillaqqinnerunngikkaluartulluunniit sungiusaqataagaangata pimoorussinerulersitsisartoq.
- anaanaatut sungiusarnerup nalaani timersortarfimmiittut akornanniippoq. Eqqaamajuk apeqquteqartut aperissagakkit. Soqutiginninnernik takutitsineruvoq, isornartorsiuinermiunngitsoq.
- ataataasut unammisussanik angallassiuaannartut akornanniittoq.
Siunnersuut: Sungiusaasut, aqutsisut, sungiusaasut ikiortaat peqqukkit kajumissutsiminnik suleqatitaasussanik ujarleqataaqqullugit. Holdertik taassumalu inui ilisimareerpaat.
Ataqqinnillutit aperigit
Nersorinnerpaluttumik aperineq paasineqartarpoq kikkunnik tamanik
- sapinnginnerannik
- qanoq iliorsinnaanerannik takorluugaqarnerannillu
- inissaqartinneqarunik tapersersorneqarunillu pitsaasumik sunniuteqaqataasinnaanerannik
Aperissaatit
- suliarilerumaagassaminut soqutiginnivinnersoq
- qanorluunniit iliorsinnaanerminik sunniuteqaqataasinnaanerminillu misiginersoq
- peqataarusussuseqarnersoq
- suliassamit taassuminnga ilikkagaqassanersoq
- qanoq pisinnaanini malugisinnaanera
- sulerissanerminik takorluuisinnaanersoq
- suleqatigiinnut sorlernut ilaassanersoq
Apereriaatsit assigiinngitsut isumaliutigikkit
Oqaloqatigiinneq pitsaanerpaatinniarlugu apeqquteqarninni atuuffiit isumaliutigisinnaavat:
- Pinerluttorsiortutut paasiniaallutit apeqquteqarniarpit piviusunillu utertitsivigineqarniarlutit? Apeqqutigineqarsinnaapput: ”Kina? Suna? Sumi? Qanga? Qanoq?”
- Ilisimasassarsiorluni angalasutut misissuillutit aperiniarpit? Apeqqutigineqarsinnaapput: ”Sooruna? Qanoq? Imaattoqarpa? Qanoq isumaqarpit allat…? Qanoq eqqarsaateqassangatippinga ima piguit…?”
- Ataqatigiissaarisutut apeqqutinik tikkuussisunik aperiniarpit ammaassillutillu isiginneriaatsinik periarfissanillu assigiinngitsunik – immaqa siunissamut tunngasunik. Apeqqutigineqarsinnaapput: ”Imaappat…? Taavami…? Takorloorsinnaaviuk…? Eqqarsaatigiuk…?”
- Imaluunniit eqqartuussisutut eqqaasitsisarlutit isertuanngitsumillu aperiniarpit aalajangersimanerusunillu akissutisillutit? Apeqqutigineqarsinnaapput: ”Una qanoq perusuppiuk? Una qaqugu pissava? Kina sussava? Taamatut?”
Siulersuisut anguniagaat ”tuniluuttarpoq”
Siulersuisut peqatigiiffimmi nutaanik sammisaqartitsisalernissartik kissaatigippassuk nutaamillu ilitsersuisortaarnissartik kissaatigippassuk apeqqutinik isumannaarutinik aperinissaq pingaartuuvoq, soorlu imaattunik:
- Holdimik ataatsimik sungiusartagaqaleraluaruit sutittarnissaat eqqarsaatigisinnaaviuk?
- Holdimik ataatsimik sungiusartagaqaleraluaruit qanoq atugassaqarusussagaluarpit?
- Periarfissinneqaraluaruit arlaannik pinaveersaagaqassagaluarpit?
- Peqataasussaq ilinnik qanoq naatsorsuuteqassangatippiuk?
Siulersuisut qanoq amerlatigisut ukiumi ilivitsumi suliassanik tamanik ataatsikkut pilersaaruteqareerusussinnaanngillat? Kajumissutsiminnik ikiuuttussat amerlasuut siulersuisunut oqilisaallutik suliassanik minnerusunik tamanik isumaginninnissaminnut piareersimapput.
Immaqa pimoorussineq taamaattoq klubbinnut anngutinngisaannassasoraat, tamannali qulakkeeriissanngilat.
Aaqqiissutissaq tassaavoq naatsunik, paasiuminartunik killilikkanillu suliassanut nassuiaasiortarnissaq, pissutissaqartoqanngilarlu eqqarsassalluni klubbimi ilaasortaaffigisanni taama pisoqassanngitsoq. Kingorna qanoq iliorluni kajumissutsiminnik sulisussanik amerlanerusunik pissarsiniartoqarsinnaanera tusarfigissavarput. Maannali tunuliaqutaa tusaqqaarallartigu.
Piviusoq 1: Ukiut 20-t matuma siornamut sanilliullugu inuit piffissakinnerulerlutillu nukissakinnerulersimanerat paasiuk
Piviusoq 2: Piffissamik missingiussinerup kajumissutsiminnik sulisut pimoorussinerulersittarpai
Piviusoq 3: Inuit suliassanik suliaqarnissaannut periarfissikkit
Piviusoq 4: Sumiiffinni ataatsimi ingerlalluartut aamma allani ingerlalluarsinnaapput
