Ataatsimeersuarnermi Aalasa 2023’imi atuarfinni aalatitsinerulernissaq sammineqarpoq qanorlu iliornikkut atuarfinni iluatsilluartumik aalatitsinerulertoqarsinnaanersoq eqqartorneqarluni.  

Ataatsimeersuarnermi atuarfiit sinnerlugit peqataalluartoqarpoq soorluttaaq nunatsinni kattuffiit aqutsisoqarfiillu peqataatitaqarluartut. Peqataasut peqatigiillutik ajornartorsiutaasinnaasut aporfiusarsimasut aaqqiissutaasinnaasullu eqqartorpaat. Eqqartukkallu eqiteriffigalugillu siunissami qanoq iliortoqarsinnaanersoq saqqummiussiffigissavarput.

Qarasaasiakkut pikkorissarnermi eqqartorneqassapput:

• Ataatsimeersuarnermi eqqartukkat pingaaruteqartut eqiteriffigineqarneri
• Atuarfimmi aalatitsinerup suuneranik suusinnaaneranilluunniit paasinneqatigiittoqarnera
• Atuarfimmi aallatitsisoqarnerulernissaanut atuarfittut pilersaarutisi
• Iliusissat marluk pinngitsoornasi pigilertariaqakkasi

Qarasaasiakkut pikkorissarneq TEAMS aqqutigalugu ingerlanneqassaaq kikkullu tamarmik atuarfinniit, kommuneniit peqatigiiffinniillu peqataasinnaalluarput. Pikkorissarnerup nalaani apeqquteqartoqarsinnaajuassaaq.

MALUGINIARUK – qarasaasiakkut pikkorissaaneq siulleq qallunaatut ingerlanneqartussaammat, kalaallisulli pikkorissarusukkuit taava gif@gif.gl -imut kalaallisut pikkorissarusunnerit nalunaarutigissavat.

Sumiiffik: Qarasaasiakkut – Linki: Ataatsimiinnermut peqataaniarlutit una tooruk