Arlallit takorluugaq kivitseqataaffigissavaat
Timersoqatigiit Kattuffiat iluatsilluartumik peqatigiiffinnut kattuffeqanngitsunut isumasioqatigiisitsinikuuvoq – nunatsinni ilaasortat peqatigiiffiit kattuffeqanngitsut tamarmik qaaqquneqarnikuullutik. Isumasioqatigiisitsinerup siunertarivaa timersoqatigiiffiit kattuffeqanngitsut peqataatinneqarnerulernissaannut periarfissanik ujartuineq,
Timersoqatigiit kattuffiata suliniutaasa pingaarutillit ilagaat “Ilaasortat kattufferissagaatigut – timersorneq takorluugarlu katersuuffigisassatut”. Ilaatigut peqatigiiffiit kattuffeqanngitsut tusaanissaat akuutinneqarnerulernissaallu pingaartinneqarpoq. Timersoqatigiit Kattuffiata kisssaatigaa, peqatigiiffiit taakku annertunerusumik tusaaneqarnerulernissaat nunatsinnilu timersornikkut siuarsaanermi periarfissinneqarnerunissaat.
Isumasioqatigiisitsinermi oqaluuserisassat pingaarutillit eqqartorneqarput, ilaatigut Timersoqatigiit Kattuffiata inatsisai eqqartorneqarput, aningaasanik peqatigiiffeqanngitsunut agguaariaaseq qanoq ittuunersoq taavalu timersornermi ineriartortitsineq sammineqarluni. Peqataasut unammillernartitatik kissaatitillu eqqartorpaat.
Isumasioqatigiisitsinitsinni pissarsiagut siulersuisutsinnut ingerlateqqinneqassapput, aamma siulersuisut ilai peqataapput, tassaallutik siulittaasoq Claus Nielsen siulittaasup tullia Bolethe Stenskov aammalu siulersuisuni ilaasortaq Sequssuna Fleischer Schmidt. Oqaluuserisassat naleqquttut ataatsimeersuaarnermut eqqartugassanngortinneqarsinnaapput.
Timersoqatigiit Kattuffiata nunatsinni kattuffiup nukittunerunissaanut peqataatitsinerulernissaanullu alloriarnertut pingaarutilittut isigaa.
