Kajumissutsimik sulineq peqatigiiffilerinermut qitiuvoq. Kajumissutsimik sulisoqanngippat, peqatigiiffilerisoqarsinnaanngilaq. Kalaallit Nunaani Timersoqatigiit Kattuffiat kajumissutsimik sulineq pillugu Qaqortumi suliniut sammissavaa, aammalu ilissi peqatigalusi suli orniginarnerulersitsinissaa peqatigiiffinnut saqqummiissalluni.

Peqataaneq akeqassanngilaq. Kikkunnut tamanut ammavoq. Arfininngorneq januarip ulluisa 27-ani nal. 09.00 – 15.00 tungaanut. Peqataanissamut uunga nalunaarsinnaavutit poul@gif.gl kingusinnerpaamik 24/1.

Apeqqutit ilaatigut uku akineqarnissaat ilimagissavat:

Qanoq oqinnerulersinnaa kajumissutsimik suliaqarneq?

Qanoq nutaanik kujumissutsimik peqateqalersinnaavugut aammalu tikilluaqqusilluta?

Qanoq kajumissaarisinnaavugut?

Qanoq peqatigiiffilerineq ingerlassinnaavarput?

Taakku aammalu allarpassuit ataatsimiinnermi eqqartorneqassapput, aammattaarlu ilissi ulluinnarsi aallaaviussalluni. Annertunerusumik paasissutissanik pisariaqartitsissangussi uunga attaveqarsinnaavusi poul@gif.gl