Ataatsimoorluta Aalasa

Suliniuterput ateqarpoq Ataatsimoorluta Aalasa, immaqa nalunngereersimassavarsi  #Aalasa-p ataani inissisimasoq. Aalasa Timersoqatigiiffiup Kattuffiata takorluugaa, anguniagassiissutaavoq, 2030-mi Kalaallit inuiaqatigiittut nunarsuarmi timimik aalatitsinerpaanngussasoq.

Ataatsimoorluta Aalasa pilersinneqarpoq Timersoqatigiiffiup Kattuffia aamma Unicef Kalaallit Nunaanni Paarisalu qanimut suleqatigalugit.

Ataatsimoorluta Aalasa meeqqat pillugit suliniutaavoq.

Suliniut pilersinneqarpoq meeqqat amerlanerusut atugarissaarnissaat toqqissisimanissaallu anguniarlugu aammalu timimik aalatitsinermi ataatsimuussuseq siunertaralugu inersimasut toqqissisimatitsisut peqatigalugit

Tamannalu suliniuteqarnikkut arlalitsigut pilersitsivugut, meeqqat inuusuttullu toqqissisimanissaat anguniarlugu:

• Timersoqatigiit Kattuffiata meeqqanut isiginnitaasia
• Meeqqat pillugit siunnersuisoqatigiit
• Meeqqat pillugit politikki
• Meeqqanik pinerliisimannginnermut uppernarsaat

Suliniut pillugu uani atuarneqarsinnaavoq: Ataatsimoorluta Aalasa (gif.gl)

Toqqissisimanartumik akuutitsisumillu ingerlatsineq timersornikkut aammalu sunngiffimmi

Anguniagaq pingaarnertut inissisimavoq meeqqat peqqissusaat aammalu timikkut tarnikkullu ingerlalluarnissaat pilersinneqarsinnaammat sunngiffimmi toqqissisimasumik ataatsimuussuserlu aqqutigalugit pinngorsinnaasoq.

Taakkulu ataatsimoorfiusut inersimasut toqqissisimatitsisunik pilersinneqassapput meeqqat pisinnaatitaaffii tunngavigalugit

Anguniakkap siunertaraa naligiimmik aammalu akuersaarnermik, peqataatitsineq, illersuineq aammalu ineriartorneq, meeqqat inersimasullu pisinnaatitaaffiinik ilisimasaqarneq.

Suliniutip pingaarnertut sullinniarpai sungiusaasut inersimasut, kajumissutsiminnik sungiusaasut aammalu ulluinnarni timersoqatigiiffiup iluani sunngiffimmi sulisut. Meeqqanik sullissaqartut akuutikkusuppavut- meeqqeriviit, sunngiffimmi sammisaqartitsiviit, polititiit il.il. suleqatigiumavagut.

Inersimasut toqqissisimatitsisut

Anguniagarput taamaallaat angusinnaavarput suleqatigalusi.

Ilissimi pingaarnerpaatut inissisimagassi aammalu takorluugaq inuiaqatigiit iluanni pilersissinnaallugu.

Taamaattumik ikiorserniarlusi suliniuteqarpugut- inersimasut toqqissisimatitsisut- suliasi pingaarluinnartut kattuffinni aammalu sunngiffiup avataani taperserniarlugit.

Apeqqutissaqarussi oqaasissaqarussilu, allaffigitigut!

Taava qanoq?

Illoqarfinni ilitsersuisinnaasunik aallartitanillu ujaasivugut. Workshoppini kattuffit pillugit suliniuteqaqataarusuppit aammalu inunnut soqutiginnittunut?

Oqariartuut ajunngitsoq pillugu siammartereqataarusuppit?

Allanngueqataarusuppit peqatigiiffiit aammalu meeqqat inuusuttullu pillugit?

Taava ugguuna attavigitigut Kista@gif.gl imaluunniit gif@gif.gl