Whistleblower-politikkiat

Timersoqatigiit Kattuffianni whistleblowerimik aaqqissuussinerup siunertaraa, kattuffimmi pioreersumi suliarineqarsinnaanngitsunik paasissutissanik soorlu unioqqutitsinernik tunngasut, kinaassusersiunngitsup imal. sumulluunniit attuumassuteqanngitsup tigusinissaminut suliarinninnissaminullu periarfissaqalernissaa.

Timersoqatigiit Kattuffianni sulisut, siulersuisuni ilaasortat timersortartulluunniit kattuffimmi peqquserluttoqarneranik, imaluunniit malittarisassat unioqqutinneqartarneranik annertuumik maluginiagaqarunik, aqutsinikkut aaqqissuussinerit atuuttut atorlugit pissutsit immikkut ittut iliuuseqarfigineqarsinnaanngitsut pillugit ilisimasatik Timersoqatigiit Kattuffiata allattoqarfianut nalunaarutigisinnaavaat.

Sulisut, siulersuisunut ilaasortat, timersortartut peqatigiiffinnilu ilaasortaasuni siuttut tamarmik whistlebloweriusinnaapput, taamaalillutillu peqquserlunnerit nalunaarutigisinnaavaat misissuiffigineqarsinnaallutillu.

Timersoqatigiit Kattuffiannut tamarmiusumut imaluunniit inunnut ataasiakkaanut inuunermut peqqissutsimullu sunniuteqarsinnaasumik unioqqutitsinermik pissusilersortoqarpat, imaluunniit ingasattumik unioqqutitsinernik pasitsaassiguit nalunaarutiginninnissamut Timersoqatigiit Kattuffiata kajumissaarpaatit, assersuutigalugu Timersoqatigiit Kattuffiata iluani malittarisassat unioqqutinnerat. Unioqqutitsinermulli tunngasut tamakkerlugit allattorsinnaanngillat. Timersoqatigiit Kattuffiata naatsorsuutigaa pasitsaassinerit pillugit, soorlu ukununnga tunngatillugu, unneqqarillutit nalunaarutigissagitit:

1. pinerluttuliornerit
2. naapertuilluanngitsunik peqquserluttunillu iliuuseqarnerit, ilaatigut:

• pissutsit Timersoqatigiit Kattuffiani aammalu isumaqatigiissuteqarfigisai pillugit eqqunngitsumik oqaaseqarneq imaluunniit oqaaseqartoqarnissaanik akuersineq
• eqqunngitsunik siunertaqarluni allanut sunniiniarnerit, soorlu ajunngitsuliortuusaarluni akiliilluni imaluunniit akiliiumalluni peqquserlutsitsinerit
• piaaraluni eqqunngitsunik salluliuutinilluunniit nalunaarusiat, uppernarsaatit, oqariartuutillu atorneri

1. immikkoortitsineq malersuinerlu, aamma kinguaassiutitigut malersuineq
2. piaaraluni peqquserlunnermik iliuuseqarneq naatsorsueqqissaarnerup tungaatigut, kattuffiup iluani naatsorsueqqissaarnermut tunngasunut, kukkunersiuinermut (revision) aningaasaqarnermullu tunngasunut tunngatillugu unioqqutitsinerit, allakkanillu eqqunngitsuliornerit
3. pinngortitamut inatsisinik unioqqutitsinerit annertuut, mingutsitsinerlu
4. suliffimmi avatangiisinut isumannaallisaanermullu tunngasunik unioqqutitsinerit
5. Timersoqatigiit Kattuffiata ileqqorissaarnermut malittarisassaanik unioqqutitsineq, soorlu nakuuserneq allanillu sioorasaarineq
6. Timersoqatigiit Kattuffiata imigassamik ikiaroornartunillu atuinermut malittarisassaanik unioqqutitsinerit, unioqqutitsineq inuit inuuneranik peqqissusaannillu navianartorsiortitsisinnaappat
7. qulaani eqqaaneqartut qulaarneqarnissaat akornusersoriarneqarpat

Pissutsit whistleblowerinut malittarisassat naapertorlugit nalunaarutigineqarsinnaanngitsut tassaapput pissutsit isumaqarpallaanngitsut soorlu:

1. sulisut akornanni ulluinnarni pissutsinut tunngasut, soorlu sulisut pisortallu akornanni aaqqiagiinngissutit
2. sulisartut kattuffii pillugit imaluunniit sulinermik unitsitsinermut atatillugu ajornartorsiutit
3. Timersoqatigiit Kattuffiata imigassamik ikiaroornartunillu atuinermut malittarisassaanik unioqqutitsinerit, taamaaliornermili isumannaallisaanermut inatsisinik, malittarisassanik il.il. unioqqutitsinerusimappat nalunaarutigineqarsinnaapput

Pissutsit kingulliit eqqaaneqartut toqqaannartumik generalsekretærimut nalunaarutigineqassapput.

Timersoqatigiit Kattuffiat Arctic Law Greenland peqatigalugu isumaqatigiissusiornikuupput, nittartagaat www.arcticlawgreenland.gl aqqutigalugu nalunaarusiorsinnaavutit Timersoqatigiit Kattuffiata isertaataa atorlugu. Saaffiginnissutit kinaasutsikkut isertuunneqassaaq, aamma elektroniskiusumik malinnaaffigineqassanngilatit. Eqqartuussissuserisut apeqqutinik amerlanerusunik apeqquteqarsinnaaniassammata e-mail adressikkut attaveqarfigisinnaasannik paasissutissiinissaq kajumissaarutigineqartarpoq, tamannali nalunaarusiornissamut piumasaqaataanngilaq.

Nalunaaruteqartoq kinaassutsiminik isertuussinissamut periarfissinneqartarpoq, atermilli atuinissaq kajumissaarutigineqarpoq, tamanna misissuinermik ajornannginnerulersitsisarmat. Kinaassutsivit isertornissaa aalajangiukkukku, kinaassutsivit paasiniarnera ajornassaaq administratorinit sullissisunillu. Kinaassutsilli isertuukkaluarit attavigineqarsinnaavutit, nalunaaruteqarneq pillugu qupperneq takuuk.

Timersoqatigiit Kattuffiata paasisinnaavaa inuit ilaasa kinaassusertik isertuukkusukkaat, taamaakkaluartoq aqqit nalunaarutigeqqullugu kajumissaarpatsigit. Kinaassutsivit isertornissaa aalajangiukkukku, eqqartuussissuserisut allaffiannit whistleblowerinullu ataatsimiititaliamit kinaassutsit isertorlugu attavigineqarsinnaavutit e-mailikkut adressit tunniukkukku.

Timersoqatigiit Kattuffiata qarasaasiaanut atortuinik internettimullu attavianik atuiguit ilisimasariaqarpat, qarasaasiami nalunaarsuineq aqqutigalugu ip-adressi aamma/imaluunniit maskiina qanoq ateqarnersoq nalunaarutigineqartoq paasineqarsinnaasoq.

Timersoqatigiit Kattuffiat har forståelse for, at nogle personer nødig vil afsløre deres identitet, men vi opfordrer dig alligevel til at indberette med navn. Hvis du vælger at være anonym, vil advokatkontoret og whistleblower-komitéen kunne kontakte dig anonymt, hvis du oplyser en e-mailadresse.

Du skal dog være opmærksom på, at hvis du bruger Timersoqatigiit Kattuffiat-ejet it-udstyr eller internetforbindelse, så er det teoretisk muligt via den logning der sker i systemet at spore hvilken ip-adresse og/eller maskin-id anmeldelsen er sket fra.

Nalunaarut tunngavissaqarnersoq nalilerniarlugu paasissutissat tulliuttut iluaqutaasinnaapput:

• Nalunaaruteqartup aqqa, GIF-imut attuumassuteqarnera attaveqarnermullu paasissutissat
• Unioqqutitsisimasutut unnerluutigisap nassuiarnera, ulloq sumilu unioqqutitsisoqarnera, aamma inuit unioqqutitsisimasutut unnerluutigineqartut aqqi
• Unioqqutitsisoqaqqinnissaanut ilimanaateqarpa? Sumi qaqugulu?
• Timersoqatigiit Kattuffianni avataaneersumiluunniit allanik unioqqutitsinermik ilisimannittunik imaluunniit ilisimannissinnaasunik, aamma allanik takunnissimasunik, peqarpa?
• Peqatigiissortaniittut allat tamanna ilisimallugulu isertorniarsarisimaneraat
• Unioqqutitsisoqarsimaneranut uppernarsaatit allakkalluunniit ilanngunneqarsinnaapput
• Paasissutissat allat paasiniaanernik ajornannginnerulersitsisut qujamasuutigaavut

Sapinngisamik piviusut eqqartussavatit, pisunullu tunngatillugu isumaliutiginneqqissaarnaveersaarlutillu isummernaveersaassaatit.

8.1 Sullissisoq eqqortoq

Nalunaaruteqarsimaguit, eqqartuussissuserisut nalunaarut innersuussutillu Timersoqatigiit Kattuffiata whistleblowerinut ataatsimiititaliaanut ingerlateqqissavaat, taakkualu ingerlaannaq suliaq misissoqqissaassavaat inatsisillu atuuttut Timersoqatigiit Kattuffiannilu politikki tunngavigalugu pisariaqartunik iliuuseqassallutik. Timersoqatigiit Kattuffiata whistleblower ataatsimiititaliaani ilaasortat ukuupput:

• Generalsekretæri aamma
• Siulersuisunut ilaasortaq toqqagaq

Suliaq whistleblowerinut ataatsimiititaliamit suliarineqartarpoq, aammali pisinnaavoq suliamik allamut ingerlatitseqqiisoqartariaqartoq, soorlu ataani allaaserineqartoq

aammattaaq pisariaqassappat sullissisup suliamut tunngatillugu sullissisussatut allat peqataatissinnaavai, assersuutigalugu allattoqarfik, aningaasalerisut, IT, inatsisitigullu siunnersortit – nalunaarutip qanoq ittuunera apeqqutaalluni.

Attaveqatigiinnerit tamakku tamarmik isertuunneqassapput, paasissutissallu taakkua saqqummiunneqarsinnaassanngillat, aatsaat inatsisitigut, imaluunniit eqqartuussinerup aalajangiineratigut oqartussaasullu assingusumik piumasaqaateqanngippata.

Suliamik nakkutilliisup suliamullu attuumassuteqartut allat tamarmik naliliisariaqarput pineqartoq suliamik nakkutilliisinnaanersoq. Naliliineq tamanna habilitetimut tunngasut piumasaqaatit nalinginnaasut tunngavigalugit pissaaq. Suliamik nakkutilliisoq pineqartumut attuumassuteqarpallaarpat (inhabil), suliassaq generalsekretærimut imaluunniit siulersuisut siulittaasuanut ingerlateqqinneqassaaq. Allat, soorlu peqatigiiffimmi sulisut, suliamut/pineqartumut attuumassuteqarpallaarunik, suliaq sulisumit allamit suliarineqarnissaa sapinngisamik qulakkeerneqartarpoq.

Whistleblowerinut ataatsimiititaliaq qaqugukkulluunniit eqqartuussissuserisumik avataaniittumit siunnersorneqarsinnaavoq, aamma suliap kimit suliarineqarnissaa pillugu apeqqutinut tunngatillugu.

Arctic Law Greenland ApS-ip aallaqqaammut nalilissavaa nalunaarut tunngavissaqarnersoq, misissuisoqarnissaalu qulakkeerniarlugu qanoq iliortoqarnissaanik siunnersuuteqassalluni.

Arctic Law Greenland ApS-ip ilaatigut uku nalilersussavai:

1. Unioqqutitsinerit tunniunneqartut whistleblower aqqutigalugu nalunaarutigisassatut misissugassatullu tulluarnersoq
2. Nalunaarutigineqartoq Timersoqatigiit Kattuffianni sulisuunersoq, siulersuisuni ilaasortaanersoq, avataaniit pilersuisuunersut (ekstern leverandør), siunnersortiunersut (konsulent) imaluunniit Timersoqatigiit Kattuffiannut attuumassuteqartut allat, aamma
3. Nalunaarut Timersoqatigiit Kattuffiannut attuumassuteqartumit nalunaarutigineqarnersoq

Nalunaarutit piumasaqaatinut taakkununnga  eqquutinngikkaangata, nalunaarutit peerneqartarput, nalunaarutiginnittoq peqquneqassaaq nalinginnaasumik nalunaaruteqassalluni, kisialli aatsaat attaveqaqatigiinnissamut akuersisimappat.

Nalunaarut peerneqartinnagu Arctic Law Greenland ApS-ip whistleblower-it ataatsimiititaliaat peqatigalugu nalilertarpaa ingasattumik unioqqutitsisoqarsimanersoq, paasissutissallu politiinut ingerlateqqinneqarnissaat pisariaqarnersoq, Timersoqatigiit Kattuffiannilu iluani misissuisoqaqqittariaqarnersoq.

Arctic Law Greenland ApS-ip aallaqqaammut nalilertarpaa suliaq ersarittumik tunngavissaqanngitsutut itigartinneqarsinnaanersoq. Nalunaaruteqartoqarnera ingerlaannaq itigartissinnaanngippat, ersarittumik tunngavissaqarsimassaaq.

Nalunaarutigineqartoq ersarittumik tunngavissaqarluarpat, misissuisoqassaaq nalunaarutigineqartoq pillugu. Tamatumunnga atatillugu peqataasussatut akuutinneqarsinnaapput, soorlu sulisunut/suliffimmi avatangiisinut tunngasut, aningaasaqarnermut tunngasut aammalu inatsisitigut ikiortissarsiorneq pisariaqarpat.

Pisariaqarpat uppernarsaatit elektroniskiusut atortorissaarutillu atorlugit uppernarsarneqartarput.

Aamma sulisut allallu apersorneqarsinnaapput, aamma nalunaarusiami pineqartoq oqaaseqarsinnaavoq. Amerlanertigut uppernarsaatit qulakkeerneqareerpata aatsaat apersuisoqarsinnaavoq, apersuinerillu immiunneqartarput imaluunniit nalunaarusiarineqartarlutik.

Misissuineq tunngavigalugu nalunaarusiortoqassaaq, tassanilu inerniliunneqassaaq eqqunngitsuliortoqarneranut uppernarsaatissaqarnersoq.

Taava nalunaarutiginninnerup kingunerisinnaasai nalilerneqartarput, soorlu uku:

• Suliamut itigartitsineq
• Oqaloqatiginninneq
• Perorsaatissinnertalimmik pillaaneq
• Soraarsitsineq
• Anisitsineq
• Politiinut nalunaarutiginninneq
• Oqartussaasunut allanut nalunaarutiginninneq

Peqquserluttut ataasiakkaat pillagassanngortinneqaraangata peqatigiiffimmi siulersuisut pineqartut peqataatinneqartarput.

Suliaq perorsaatissinneqarnermut tunngappat, pineqartup naammagittaalliornissamut suliassanngortitseqqiinissamullu pisinnaatitaavoq, tamannalu pisinnaavoq najukkami naammagittaalliornissamut suliassanngortitseqqinnermullu periutsit atuuttut malillugit, ilaatigut sulisartut kattuffiat pineqartoq aamma soorunami eqqartuussiviit atorlugit. 

Timersoqatigiit Kattuffiata akiniaanerit suulluunniit – imaluunniit inuit, ajunngitsumik isumaqarlutik Timersoqatigiit Kattuffianut nalunaaruteqarsimasut, whistleblowerinulluunniit politikki naapertorlugu unioqqutitsinernik misissuinermi ikiuisunut – pillaaneq akuerinngilluinnarpaa. Timersoqatigiit Kattuffiata naveersinerit, akiniaanerit, suliassanik allannguinerit, sulisut iluaqutissaataannik allannguinerit, nalunaarusiornissamut piumasaqaatinik allannguinerit, nalunaarusiortup atorfimmini qaffakkiartornissaanut akornusersuineq tusaamanerlugaalersitsinissaaluunniit, siorasaarinerit, imaluunniit nalunaarusiortup ajoqutigisinnaasaanik piaaraluni iliuuseqannginneq akuerinngilluinnarpaa.

Inuit piaaralutik ajortumillu isumaqarlutik allanik eqqunngitsumik nalunaaruteqartartut whistleblowerinut politikkimit illersorneqarneq ajorput. Inuit ajortumik isumaqarlutik nalunaarutiginnittut inuinnaat eqqartuussiviini, pinerluttulerinermi allaffissornermilu kinguneqartinneqarsinnaapput, aammattaarli perorsaatissinneqarsinnaapput, ilaatigut soraarsitaasinnaallutik.

Timersoqatigiit Kattuffiata nalunaarutiginnittup aqqa ilisimagaluarpagu ilisimanngikkaluarpagulu, taanna akuersissuteqarani nalunaarutigineqartumut saqqummiunneqassanngilaq, tamanna innuttaasunut inatsisinik unioqqutitsisimasunut imaluunniit pinerluttuliorsimasutut unnerluutigineqartunut tunngatillugu aatsaat pisimanngikkaangat.

• Pisimasoq nalunaarutigineqareerpat

Whistleblowerinut ataatsimiititaliaq ilisimatinneqartarpoq whistleblowerinut nalunaarusiortoqaraangat, ataatsimiititaliamut ilaasortat pineqanngikkaangata – taamaattoqartillugu siulittaasup ilisimatinneqartassaaq, suliaq tunngavissaqanngitsutut nalilerneqarsimanngippat.

Tamatuma saniatigut nalunaarutigineqassaaq suliaq tunngavissaqanngitsutut nalilerneqarnersoq imaluunniit misissuisoqaqqinnissaanut tunngavissaqarnersoq.

Pissutissaqanngitsutut nalilerneqarpat nalunaarutigineqartoq tamanna pillugu ilisimatinneqartassaaq.

Nalunaarutigineqartup pasitsaassineq pillugu paasissutissat assigiinngitsut pissavai, ilaatigut uku:

1. pasineqartup pissusilersorsimanera
2. Timersoqatigiit Kattuffianni immikkoortortaqarfiit nalunaarummik tigusisinnaasut
3. nalunaarusiamik ilisimanninnissamut akissuteqarsinnaanermullu pisinnaatitaaffini qanoq atorsinnaanerai, aamma
4. suut pisinnaatitaaffiginerai

Paasissutissat piaarnerpaamik nassiunneqassapput, amerlanertigut pissarsiarineqarnerannit ullut qulit qaangiutsinnagit. Paasissutissat taamaattut pasisap misissorluarnissaanut uppernarsaatinillu pisariaqartunik tamakkiisumik pissarsinissamut akornutaasinnaappat, paasissutissanik nassiussinissaq kinguartinneqarsinnaavoq, suli pisoq ingerlatillugu.

Nalunaarut inunnik allanik kinaassusersineqarsinnaasunik paasissutissaqaraluarpat, taakku qulaani allaatigineqartutut ilisimatinneqarumaarput. Taamatut nalunaaruteqartoqartillugu inuk nalunaarutigineqartoq pillugu paasissutissat ilanngunneqassanngillat.

• misissuinerup inernera

Misissuineq naammassippat inuit pineqartut siulersuisullu siulittaasuat misissuinerup inernera pillugu ilisimatinneqartarput. Aammattaaq pasitsaassineq misissuinerlu pillugit allanut ilisimatitsinissaq pisariaqarsinnaavoq, soorlu isumaqatigiissuteqarfigisat, inatsisinik atuutsitsinermut oqartussaasut, imaluunniit oqartussaasut malittarisassaliortut, taamaallaalli inatsisit atuuttut naapertorlugit.

• Nalunaaruteqartoq sunik paasissutissinneqartarpa?

Nalunaaruteqartup kinaassutsiminik isertuussilluni nalunaaruteqarsimaguni whistleblowerinullu ataatsimiititaliamut attaveqarusunngikkuni, nalunaarut tiguneqarsimasoq misissuinerlu naammassisimasoq nalunaarutigineqassaaq. Nalunaariartortup eqqaamassavaa pissutsit piviusut inatsisitigullu piumasaqaatit apeqqutaatillugit, misissuinerup inernera pillugu annikitsualuillu pillugit paasisaqarsinnaananiluunniit paasissutissinneqarsinnaanngeriasaarsinnaasoq.

Nalunaarutigineqartup nalunaarutiginnittartullu paasissutissat namminneq pillugit nalunaarsukkat takusinnaasariaqarpaat paasissutissat kukkusut, eqqunngitsut, naammanngitsut pisoqaavallaartullu misissorneqarumallugit naqqinneqarsinnaaqqullugillu.

Paasissutissanik qinnuteqaat akuerineqassappat paasissutissanik pineqartoq uku pillugit ilisimatinneqarumaarpoq:

1. paasissutissat suliarineqartut
2. suliarineqarnerata siunertaa
3. paasissutissanik tigusisut sumut atanersut, aamma
4. paasissutissat tigussaasut suminngaanneernerat pillugu paasissutissat

Paasissutissanik pisinnaatitaaneq atuutinngilaq, paasissutissanik pissarsinissamut soqutiginninneq, tamanut inunnullu ataasiakkaanut iluaqutissat pingaarutilinnut imaluunniit suliap paasinarsisitaanissaanut ajoqutaasinnaappata.

Sulisup nalunaarutigineqartup pisinnaatitaaffigaa paasissutissat nalunaarutigineqartup nammineerluni eqqunngitsuusorisaa, naammalluinnanngitsuusorisaa, paatsuugassaasorisamilluunniit pisoqaavallaarsimasunillu nalunaarusiami paasissutissaqarnera oqaatiginissaa.

Nalunaarusiat tamarmik isumannaatsumik toqqorneqartarput, taakkununngalu tunngasut kisimik takusinnaavaat. Paasissutissat elektroniskiusut illersorneqartarput isertaatilerlugit, virusimut illersuutinik aammalu firewall atorlugu illersuuteqarluta. Paasissutissat assammik allanneqartut parnaaqqasumi toqqorneqartarput.

Paasissutissat katersorneqartut tunngavigalugit sulisumut nalunaarutigineqartumut perorsaatissiisoqassappat, imaluunniit sulisup paasissutissanik toqqortaqartinneqartuarnissaanut tunngavissaqarpat, paasissutissat sulisup allagaani toqqorneqarnissaat suliamik ingerlatsisup isumagissavaa.

Inuttut paasissutissat, whistleblowerimut politikki naapertorlugu suliarineqartut, nalunaarutip misissornissaanut iliuuseqarfiginissaanullu piffissaq pisariaqartinneqartoq tikillugu toqqorneqartarput.

Misissuinerup inernera naapertorlugu unioqqutitsisoqarsimaneranut uppernarsaatissaqanngippat, paasissutissat inummut tunngasut ingerlaannaq, nalinginnaasumillu misissuinerup naammassineranit qaammatit marluk qaangiutsinnagit, peerneqassapput, taamaakkaluartorli paasissutissat Timersoqatigiit Kattuffiannut nassiunneqaqqaartariaqarput.

Unioqqutitsisoqarsimaneranut uppernarsaatit nassaarineqarpata, unnerluutigineqartumut imaluunniit – peqquserluttumik nalunaaruteqartoqarsimappat – nalunaarutiginnittumut, eqqartuussivimmi suliassanngortitsinermik piffissamik killigitinneqartut atuupput.

Paasissutissat kinaassutsimik isertuussinermut tunngasut toqqorneqarsinnaapput.

Whistleblower-politikkimut tamatumunnga apeqqutissaqaruit Timersoqatigiit Kattuffiata Whistleblowerimut ataatsimiititaliaani ilaasortaq attavigisinnaavat.