SULIFFEQARFIIT AALANERUSUT
Inuummarissaasutut ilinniagaqarit suliffeqarfinnilu qanoq allanngueqataasinnaalernissannut atortussaqalerlutit, suliffeqarfinni sulisut peqqinnerulernissaannut, atukkatigut pitsaanerusumik inissinnissaannut, suliffeqarfiullu avatangiisiinut, sulisullu ataqatigiinnerulernissaannut sunniute-qaqataalersinnaassallutit.
SOOQ
Takorluugarput kisitta angusinnaanngilarput, taamaattumik pingaaruteqarluinnarpoq inuit ataatsimoorlutik takorluugaq piviusunngortinniarlugu innuttaasut peqqinnerulernissaannut aqqutissiuusseqataanissaat. Anguneqarsinnaavorlu assigiinngitsukkuutaartumik suleqatigiikkuutaarnikkut, ataatsimoornerillu peqataatitsisut siuarsaaffigineqarnerisigut – suliffeqarfinni timimik aalatitsinerulernissap eqqumaffiginerulerneratigut.
Ilinniagaq ”Suliffeqarfiit aalanerusut” anguniagaqarput suliffeqarfinni sulisut peqqinneruliinnaratik peqqinnartumik inuuneqarnissaat anguniarlugu allannguititseqataanerisigut, sulisut ulluinnarni peqqinnerulerlutillu ingerlalluarnerulernissaat anguniarlugu – taamaalillunilu peqqinnartumik aallussinerit pitsaassuseqarnerulersillugit.
SUNA
Kissaatigineqarpoq innuttaasut peqqinnerulernissaat, inersimasunut amerlanernut sunniuteqartumik, meeraasa peqqinnerulernissaannut pitsaasumik sunniuteqartussaassammat. Ataatsimoorfiit peqqissut amerlanerulerpata taava pitsaanerpaajussagami.
QANOQ
”Suliffeqarfiit aalanerusut” ilinniagaavoq, suliffeqarfinni sulisut ilinniagaqarfigalugu pikkorissarfigisinnaasaat, taamaasillutillu inuummarissaasunngulerlutik. Ilinniarneq immikkoortunut marlunnut avinneqarpoq, ilinniagarlu naammassineqaraangami inuummarissaasunngortarput. Ilinniarneq kommunenut tamanut annguttussatut pilersaarusiugaavoq, suliffeqarfiillu peqataaniarlutik nalunaartarsinnaapput. Ilinniarnissamut neqeroorut Facebook’erput nittartagarpullu aqqutigalugu nalunaarutigineqarumaarpoq.
KINA/KIKKUT
Ilinniagaq aallartinneqarpoq CSR Greenland-ip Paarisallu suleqatigiillutik misiliummik suliniuteqarnerisigut, tassa ukiuni 2017-2019. Tamatuma kingorna ilinniarneq GIF-imut atalerpoq. Suliffeqarfinni sulisut peqqinnerulernissaat pitsaasunillu atugaqarnerulernissaannik siunertaqarpoq.
Aviaaja er ansvarlig for udviklingen af indsatsen omkring aktive arbejdspladser, parasport/handicapidræt m.m.
Ansvarsområder:
- • Firmaidræt/Sunde Arbejdspladser
- • Handicapidræt
- • Børn & Unge (Idrætsdaginstitutioner og folkeskoleområdet)
- • GIF-repræsentant i Ernærings – og Motionsrådet
- • Idræts – og fritidsnetværk for konsulenter i Kommunerne
- • Arctic Winter Games
Aviaaja Geisler
Peqqissutsimut aqutsisoq
+299 34 81 56
aviaaja@gif.gl
