Peqatigiiffilerisuusugut silarsuarisatsinnut tikilluarit
Peqatigiiffigisat ilisimasanik isumassarsianillu nukittuninngortiguk
Maana Kalaallit Nunaanni timersornermut peqatigiiffinnoortut aalasuliat naatsut sulinermillu takussutissiisut nassaarissavatit. Kalaallit Nunaanni Timersoqatigiiffiit Kattuffiata aalasuliarivai, matumani siunertarineqarpoq siulersuisunngorlaat siulersuisutoqqallu, kajumissutsimik suliaqartartut sungiusaasartullu timersornermut peqatigiiffimminni pitsaasumik ingerlatsisinnaalernissaannik inerisaalernissaannillu sakkussanik tunioraanissaq. Aalasuliat qitiusunik sammisaqarput, soorlu atorfinitsitsisarneq, peqatigiiffilerineq, aningaasaqarneq, susassaqartitsisarneq, malittarisassat allarpassuillu.
Aalasuliat ulluinnarni ingerlatsinermut, suleqatigiinnermi nukittorsaanermut nunalu tamakkerlugu nammineq kajumissuseq atorlugu suliaqartartunik ikiuutissatut sanaajupput. Isumassarsiorfittut, aallaqqaasiutitut imaluunniit saqqummiinermi atorsinnaavatit – peqatigiiffiullu iluani tamanut takutissinnaavatit.
1.
Peqataatitsilerneq, peqataatitsiinnavinneq timersornermilu nammineq kajumissuseq atorlugu suliaqartartunik inerisaaneq
Qanoq peqatigiiffigisatsinnut nukinnik nutaanik peqataatitsilerluta kajungerilersitsisinnaavugut qanorlu peqataatiinnarsinnaavagut? Una aalasuliaq timersornermi qanoq nammineq kajumissuseq atorlugu suliaqartartunik pissarsisinnaanermik, ataatsimuussuseqalersitsisinnaanermik, ilinniartitsisinnaanermik qanorlu peqataatitsiinnaavissinnaanermik siunnersuutinik assersuutinillu ersarissunik sammisaqarpoq. Aammalu qanoq nammineq kajumissuseq atorlugu suliaqartartunik inerisaasinnaanissamut tulluartunillu suliakkiisinnaanissamut paasisimasaqalissuutit.
2.
Siulersuisuni sulineq
Siulersuisuni nukittuumik inissisimalluni suliniaraanni tamakkiisumik isiginnissinnaaneq pisariaqarpoq, suut suliarissanerlugit paasisimasariaqarpoq ersarissunillu suliaqartarfiusariaqarluni. Uani aalasuliami ataqatigiissaarinermiit akisussaaffigisassanut tassannga ataatsimiinnermi aqutsinermut, suleriaatsimut sulianillu agguataarinninnissamut ilitsersorneqassaatit. Siulersuisunngorlaanut siulersuisutoqqanullu suleqatigiinnissamut nukittorsaarusuttunut eqaannerusumillu peqatigiiffilererusuttunut tulluavissuuvoq.
3.
Susassaqartitsinermi maleruagassaq – peqatigiiffiup aaqqissugai pilersaarusiukkit naammassillugillu
Susaqartitsilluarneq nukimmik pitsaasumik pisariaqartitsiinnanngilaq, aaqqissuulluakkamik, piareersarluarnermik suleqatigiinnermillu aamma imaqarmat. Uani aalasuliami pisup ingerlarnga, isumassarsinermiit pisoqartitsinermut nalilersuinermullu, kittaartumik takutinneqassaaq. Suliat agguataarnissaannut, sillimaniarnermut aqutsinermut, akuersissutinut peqataasunullu tamanut toqqissisimatitsinissamut isumassarsitinneqassuutit.
4.
Inatsisilerineq – ataatsimeersuaarneq malittarisassallu
Ataatsimeersuaarnermi peqatigiiffiup aalajangiineri pingaarnerit pisarput malittarisassallu sinaakkusiisarlutik. Uani aalasuliami ataatsimeersuarneq qanoq ingerlanneqassanersoq paasisaqarfigissavat, aaliangiinerillu ingerlanneqarnerinni inatsisit suut eqqummaariffigissaneritit qanorlu ersarissumik suleriaaseqarnissap demokratiillu qulakkeernissaat aamma paasisaqarfigissallugit.
5.
Ileqqorissaarnissamut ataatsimiititaliaq
Peqatigiiffimmit aaqqiiaagiinnginnerit killissamillu qaangiinerit qanoq qaangerneqarsinnaappat? Aalasuliap ileqqorissaarnissamut ataatsimiititaliami siunertarisaq, suliassat ingerlatseriaatsillu pillugit nassuiaatissavaatit. Qanoq pisut pitsaalluinnartumik naapertuulluartumillu suliarisinnaaneritit siunnersorneqassuutit, taamaalilluni peqatigiiffik pitsaasumik ingerlalluarlunilu inissisimaniassammat, aamma sapernaraangat.
