Elevatorimi oqaloriaaseq suugami?
Peqatigiiffissinni kikkuunerlusi sekundtini 10-15ini oqaluttuarisinnaasussaavat. Suut immikkut ilisarnaataappat, piusinnaassuseqarnersi, tusaamaneqaatisilu suuppat? Tamakkua sukkasuumik eqqartorsinnaagukkit taava elevatorimi oqalunnissaq sapissanngilat.
Elevatorimi oqaloriaatsip sivisussuserisarpaa quleriit akorngini oqaatigineqarsinnaasut. Tassalu oqaatsitit sekundtit 10 – 20inik sivisussuseqartussaapput, sekundtini taakkunani peqatigiiffiit naatsumik erseqqarissumillu nassuaateqarfigissavat, suut immikkut naleqartitarinerai, soorlu peqatigiiffiunersoq oqaluttuaralugit.
Imaassinnaavoq illit taamatut nassuiaasinnaassuseqartutit, aqutsisulli allat, sungiusaasut ilaasortallu aamma taamaaliorsinnaappat? Peqatigiiffinni amerlanerpaat ilaquttaminnut, ikinngutiminnut suleqatiminnullu namminneq oqaloriaatsiminnik elevatorimiittutulli nassuiaapallassinnaalerpata, taava peqatigiiffiup naleqartitai tusaamasaassusaalu erseqqarinnerulissagaluarput.
Elevatorimi oqaloriaaseq pitsaasoq qanoq ikkami?
Ilaannikkut oqariartuutip qeqqa tikissinnaasarpat uiarterinikkut. Apeqqutit ataani allassimasut ilikkarluarsinnaavatit. Akissutaami ilikkarukkit taava peqatigiiffissinnut tunngasorpiartaa oqaluttuarisinnaanngussavat.
1) Peqatigiiffiup paasissutissartai
Peqatigiiffiup paasissutissartai ilisimallugit iluartarpoq. Amerlanerpaallu nassuiaatigisinnaasarpaat.
Kikkuunerlusi oqaluttuarisiuk:
- Peqatigiiffik qanoq angitigiva, kikkut ilaasortaappat (Ilaasortat katitigaanerat)?
- Aallutassat suusarpat?
- Kikkut aqutsisuuppat ataatsimiitsitalianiillutillu?
- Malittarisassat, ileqqut politikkillu suuppat?
- Atortorissaarutit suut peqatigiiffiup pigai (Atortut, kajumissutsiminnik aallutaqartut, angajoqqaat, aningaasaliisartullu)?
2) Ilisimasat, piginnaasat ataatsimooqatigiinnerlu
Peqatigiiffimmi ilaasortat pimoorussinermikkut qanoq pissarsiaqarsinnaanersut oqaluttuassatsialaavoq, soorlu timersorneq, peqatigiinneq aammalu peqatigiiffimmut attuumassuteqartuuneq.
Apeqqutit makkua naatsumik akikkit:
- Timikkut, isumaliortaatsikkut, inooqateqarnikkullu ilaasortatta peqatigiiffitsinni suut ilinniartarpaat?
- Inuttut qanoq naleqalertarpat?
- Allat peqatigineri suleqatiginerilu qanoq pissarsiaqarnarpat?
3) Naleqartitat anguniakkallu
Kulturersi ataatsimoorlusilu anguniagarsi nassuiaatigisiuk. Peqatigiillusi anguniakkanik naleqartitanillu eqqartueqatigiittarneq sungiusarsiuk. Sungiusarneq mesterinngortitsisarpoq, pikkorinneruliinnassaasilu.
Ukua apeqqutit akisarlugit sungiusarsinnaavusi:
- Suniartugununa?
- Uagut peqatigiiffippugullu qanoq allannguuteqartitsisarpugut?
- Suut immikkoorutigaagut?
- Peqatigiiffitsinni ilaasortaanikkut suna pissarsiaqaatigineqarsinnaava?
Pineqartup pingaarnersaat
Pingaarnerit immikkoortunut pingasunut katitersigit, peqatigiiffiit naatsumik erseqqarissumillu sekundtit 20it atorlugit oqaluttuariuk. Taava elevatorimi eqqartugassatsialaateqalissaatit.
