SUNGIUSARNERUP NALAANI

Sungiusarnerup nalaani takkuteqqaartunut qanoq iliorsinnaanissannut uani siunnersuuteqarpoq, nutaaq tikilluaqquneqartutut peqataatinneqartutullu misigisimaniassammat. 

Buddy periuserisiuk

”Sungiusagassaq tulleq kinalu sungiusassavarput?”

Nutaatut peqataaqqaaruit sunnertiasutut misigisimasinnaasarputit. Taamaattumik Buddy-qartitsilluni aaqqissuussineq torrattorujussuusinnaavoq: Inuup ataatsip nutaaq isumagiinnaavissinnaasarlugu.

Siunnersuutitsialaat marluk aajukua:

  • Buddytut aallussisussaq paarlakaajaarneqarli sungiusarnermiit sungiusarnermut, taamaasilluni nutaap allat ilikkarsinnaaniassammagittaaq, holdimiittullu tamarmik pingaaruteqartumik tikilluaqqusinissamut inissisimaffeqalissagaluaramik.
  • Angajoqqaat meeqqallu oqaloqatigeqqaarsigit, taamaalilluni kikkut tamarmik peqataasinnaaniassammata, buddy’qarnerlu peqatigiilluni nutaanut tikilluaqqusissutaasinnaalerniassammat.

Tikilluaqqusinissamut akisussaasumik toqqaagitsi

Hold’issinni tikilluaqqusisarnissamut akisussaasoqarpa? Taanna nutaanik tikilluaqqusisarnissaq immikkut eqqumaffigisagassaraa?

Tamatuma isumaliutiginissaa isumassarsiatsialaassaaq, tassami misigeqqaakkat ilaasortanut nutaanut pingaaruteqartorujussuusarmata aggeqqikkusulernissaat anguneqassappat.

Quppersagaaqqamik tikilluaqqusissutaasumik peqaritsi

Qanoq sumiiffimmukassaanga? Immikkut ittunik sungiusaatinik atisaqassaanga, allaninngarnik allaanerunnginniassagama? Napparsimalissaguma aggersinnaajunnaarlunga taava arlaannik attavissaqarpunga?

Apeqqutit assigiinngitsut inuit ilaannut ima aporfiutigisinnaatigaat allaat agginngitsoorsinnaasarlutik.

Taamaattumik tikilluaqqusissutaasumik quppersagannguamik peqarnissaq iluaqutaasinnaasaqaaq, tassani ilaasortanngortussat atugaat suussanersut takorloorlugit paasissutissanik nassuiaateqartarsinnaassagassi, peqatigiiffimmullu tunngatillugu paaserusutanik nassuiaateqartarsinnaassagassi – nalinginnaasunillu peqatigiiffeqarnermut tunngasunik nassuiaateqarsinnaassallusi?

Ilissinnut qangali timersoqatigiiffimmeereersunut nalinginnaasorpassuartut isigisasi – nutaanut tamakkuaraasinnaasarput ilaasortaaginnarnissamut pingaaruteqarluinnartuusut.

MAPPERSAGAQ AAJUK

TIKILLUAQQUSILLUARITSI

Iliuuutsit annikitsuaqqat annertoorujussuarmik kinguneqarsinnaasarput, peqatigiiffissinnut takkuteqqaartunut iluaqutaalluinnartussat.

Iliuserisassatut siunnersuutit ukua ilinnut, aaqqissuussaasumik peqatigiinnut akisussaasuusumut imaluunniit peqataasumut - soorlu peqatigiiffimmut piukkunnartuupput. Akisussaasuuguit peqataasuuguilluunniit taava takkuterlaanut annertuumik pisussaaffeqartuuvutit.

Illit imaluunniit peqatigiiffiup sinneraniittut isumaliortaatsikkut misigisaqarluaritsi, pingaaruteqarluinnartumillu iliuserineqarsinnaasunut isumassarsilluarlusi.

 

VIDEO: Meeqqanik tikilluaqqusillu-arneq

Meeraq peqatigiiffissinnut takkuterlaaq qanoq tikilluaqqusaasutut peqataasunullu peqataatinneqarluartutut misigitissanerlugu – takkuteqqikkusussanerlugulu uani isiginnaarsinnaavarsi. 

Vi er her for dig

Find en medarbejder

Skal du have hjælp til noget, eller har du et spørgsmål? Så find den helt rigtige medarbejder til at besvare dit spørgsmål. Klik på knappen og find en medarbejder:

Ikiugassaavit?

Sulisumik nassaarit

Ikiugassaavit apeqqutissaqarpilluunniit? Taava sulisoq apeqqutinnut akinnillunilu ikiuisinnaasoq nassaariuk. Tuugassami sulisoq apeqqutinnut akinnissinnaasoq nassaariuk: