TIMERSOQATIGIIT KATTUFFIAT UKIUNI 70-INNGORTORSIORPOQ

Arfininngorpat Timersoqatigiit Kattuffiata ukiut 70-inngorlugit nalliuttorsiornera nalliuttorsiutigissavarput!

 

Tamanna anguneqarsinnaasimavoq ukiuni qulikkuutaani kajumissutsiminnik suleqataasarsimasorpassuit nunatsinni timersornermut nuannersumut timersornikkullu siuariartornermut sunniuteqaqataasimasut tunniussimallutik, anguniagaqarlutik suleqatigiillutillu suleqataasarsimanerisigut – taamaattumik nunatsinni timersornerup oqaluttuarisaanerani angusatta angisuup nalliuttorsiutiginissaanut qilanaaqaagut.

 

Ullormi tassani pingaartorsiorluta qaaqqusinerput toqqaannartumik aallakaatissagatsigu soqutiginnittut malinnaanissaat kaammattuutigaarput. Ullormi tassani pisussat imaapput:

 

Nal.

14:00 Tikilluaqqusineq

14:10 Nalliuttorsiornermut atatillugu filmiliamik takutitseqqaarneq

14:20 Oqalugiarneq

14:20 Nipilersortut

14:25 Oqalugiarneq

14:35 Nipilersortut

15:30 Immikkut ittumik akissarsisitsineq

16.00 Asu