ANINGAASAQARNEQ

Kalaallit Nunaanni Timersoqatigiit Kattuffiata sinniisoqarfiata ulloq 5.november 2021 aningaasat tapiissutigisartagassanngortitaanut allaffissuussisarpoq. Aningaasat amerlanersaat tassalu isertitat 97%-ii missaanniittut Namminersorlutik Oqartussat ingerlatsinermut tapiissutigaat, aammalumi spil-init Inatsisartut inatsisaat nr. 10 22. november 2011-meersoq naapertorlugu tunniunneqartartut, sinnerisa aningaasaliisunit suliniutinullu tapiissutitut pissarsiarineqartarput.  

Kalaallit Nunaanni Timersoqatigiit Kattuffiata Namminersorlutik Oqartussanit tapiissutisiaat atorneqartarput: allaffissornermut, sulisut ilinniartinneqarnerinut, aqutsisunut ilitsersuisunullu, siunnersortit akissarsitinneqarnerinut, angalanernut, aammalu kattuffiit tapiiffigineqarnerinut, taakkualu timersornerup ineriartortinnissaanut aammalu nunani tamalaani unammiartornernut suleqateqarnernullu atorneqartarput.  

Kalaallit Nunaanni Timersoqatigiit Kattuffiata aningaasaatai imatukanneq atorneqartarput: 

• Kalaallit Nunaanni Timersoqatigiit Kattuffiata aningaasat pissarsiaasa 80%-ii toqqaannartumik toqqaannanngikkaluartumilluunniit kattuffinnut qulinngiluaasunut timersoqatigiiffinnullu kattuffeqanngitsunut qulit missaannik amerlassusilinnut tapiissutitut timersoqatigiiffiillu 144-it missaannik amerlassusilinnut, 10.000-it missaannik amerlatigisunik ilaasortalinnut agguaanneqartarput.  
• Aningaasat 20%-ii ingerlatsinermut allaffissornermullu aningaasartuutaasarput.  

Kalaallit Nunaanni Timersoqatigiit Kattuffiat, kattuffiillu ilaasortaasut, ukiut tamaasa 1. maj nallertinnagu ukiumi siuliani ukiumoortumik nalunaarsuutinik naatsorsuutitalinnik nassiussisarput.  Naatsorsuutini takuneqarsinnaasarpoq kattuffiit timersoqatigiiffiillu pisortanik tapiissutisiaminnik allaniillu aningaasaliissutaasimasunik qanoq atuisimanersut, paasissutissiissutigineqartarlunilu siulersuisunut ilaasortanut ulluinnarnilu aqutsisunut aningaasat qassit atorneqarsimanersut.