Ataatsimiinnerit digitaliusut
Marsimi 2020-mi coronamik nappaalanersuaqarnerani onlinemik ataatsimiinnerit amerlasuunit sungiunneqarsimapput – ulluinnarni sulinerup nalaaniinnaanngitsoq. Peqatigiiffiittaaq ilaasa ataatsimiinnernut onlinemik periarfissaqarneq atorsimavaat. Misilittakkallu takutippaa siulersuisut ataatsimiinneri, ataatsimeersuarnerit kiisalu ilaasortat ataatsimiinneri sulinermi ataatsimiittarnertulli digitaliusumik pisinnaasut.
Siulersuisut sulinerannut atortorissaarutit digitaliusut
Aaku IT-systemit siulersuisut sulinerannik ajornannginerulersitsisinnaasut. Ass. ukiup ingerlanerani pisussanik nalunaarsuiffik suliassanik tamanik ataatsikkut takunnissinnaalersitsisoq nittartakkanillu passussivik peqatigiiffinnut naleqqussagaq nassaariuk. Atortorissaarutit digitaliusut atorlugit peqatigiiffimmi ulluinnaat oqinnerulersinneqarsinnaapput. Aamakku Timersoqatigiit Kattuffiata systemit innersuussutai suleqatigiissuteqarfigisaaluunniit.
Peqatigiiffiit isaaffiat (indsæt link og intro til Foreningsportalen)
Assembly Voting Conference: Ataatsimeersuarnerit digitaliutiunnissaannut systemi.
Plandisc: Ukiumut pilersaarusiorfik peqatigiiffiup suliassaanik taakkuninngalu agguaassinernik tamanik ataatsikkut malinnaaffiusinnaasoq.
Trello: suliassanik tamanik isiginninneq, nassuiaanerit aaqqissuussinerlu: Siulersuisuni ataatsimiititalianilu suliassanik tamanik isiginnissinnaanermut, nassuiaateqarnissamut aaqqissuussinissamullu aaqqiissutissaq akeqanngitsoq.
Isumaliutigiuk kina ataatsimiinnermik aqutsisuussanersoq. Suliassaq inunnit marlunnit, pingasunit amerlanerusunilluunniit paarlakaanneqarsinnaava?
Ataatsimiinnermik aqutsisutsialaap
- ataatsimiinnermi peqataasut naammagisimaartissavai tamaasalu peqataatillugit.
- immikkoortup oqaluuserisassap paasissutissaanera, oqallisissaanera aalajangigassaaneraluunniit maluginiassavaa.
- piffissaq maluginiarlugu pingaartissavaa.
- pallimanngitsumik oqaluinnalersoortoqarpat unitsitsisinnaassaaq.
- aalajangikkat imaqarniliamut allanneqarnissaat isimagissavaa.
Imaqarniliamut siunnersuutitsialaat
Ataatsimiinneq pitsaasoq paatsuugassaanngitsumik imaqarniliarineqarsimasarpoq, taamaalilluni tamanut paatsuunganartuliortoqassanngimmat – peqataasimasunut peqataasinnaasimanngitsunullu.
Imaqarniliaq ataatsimiinnerup paasissutissartaraa pingaarnerpaaq.
Imaqarniliap pitsaasup sunik aalajangiisimanissinnik eqqaamanninnissarsi aamma peqataasimasut, peqataasinnaajunnaarsimasut allallu suup isumaqatigiissutigineqarsimaneranik paatsuungassuteqannginnissaat qulakkiissavaa.
Imaqarniliaq ataatsimiinnerni amerlasuunit peqataaffigineqartuni immikkut ittumik pingaaruteqarput. Inuit amerlasuut peqataasimatillugit amerlasuunik isumaqatigiissuteqartoqarajuppoq.
