TUNGAVIUSUMIK ANGUNIAGAQ
Timikkut tarnikkullu nukittorsassallugu inuiaqatigiinni aalanikkut aammalu ataatsimooqatigiinnikkut.
Silatusaarneq ”peqqinnartoq”
Timimik atuilluarnerup iluaqutai kisitsisilerneqarsinnaanngillalluunniit. Taamaattumik-una ataasiakkaarluta inuiaqatigiittullumi silarsuarmi timimik atuiffiunerpaajunissaminngarnik annikinnerusumik anguniagaqarnissarput akissaqartinngikkipput.
PItsaasumik inuuneqarneq ataatsimooqatigiinnerlu
Pitsaasumik inuuneqarneq timimik qanoq atuitiginermut attuumassuteqarluinnartarpoq. Timimimmi atuinerugaanni inuunermi nappaatikujuit inuulluataarnermit pilersartut pinaveersimatinneqartaramik, isumaliortaatsitsisugut peqqinnerulersittarpaatigut, meeqqatta ilikkagaqarsinnaanerat pitsaanerulersittarpaa uisarusilernissaraluarlu pinngitsoortittarlugu. Ilisimareerparputtaaq aallusseqatigiilluni peqatigiinnerit atassuteqartitsisutut misigititsilertartut. Tamakkualu tassa uuttortaasuupput qanoq pilluartutut misigisimanissatsinnut, inuttut inuiaqatigiittullumi.
Meeraaraanermiit iliverneqarnissamut
timimik atuilluarneq
Isumaliortaatsikkut peqqinnerulernissarput inuunerlu naallugu pitsaasumik inuuneqarnissaq angussagutsigu timerput atorluartuartariaqarparput – meeraaraanermiit iliverneqarnissap tungaanut. Taamaattumillu inuup inuunerani suut tamaasa eqqumaffiginiarpagut: meeraaqqivimmi, meeqqerivimmi, atuarfimmi, suliffimmi aammalumi sunngiffimmi kiisalu utoqqalinermi inuunermi eqqarsaatigalugit.
Timimik
aalatitsineq
Iliuseqarfissagut
sisamat
- Meeqqat inuusuttullu timiminnik atuillutik aallutaqarnissaat
- Kajumissutsimik ikiuuttartut pitsanngorsaaffigineqarnissaat
- Aalatitsilluartunik atortoqarnissaq
- Timimik atuisoqarnerulerlunilu assigiinngiiaarnerusumik annertunerusumillu
2023imi anguniagaq
Nuna tamakkerlugu anguniagaq katersuuffiusoq
Iluaqutaasussat akerlilersugassaanngillat, taamaattumik-una takorluugarput taamak annertutigisoq. Taamaattoqassappalli inuiaqatigiinni ”aalassannerujussuarmik” pilersitsisaqariaqartugut, taamaalillutalu illoqarfiit killeqarfii ukiullu assigiinngiiaarneri akimorlugit piorsaasariaqaratta. Peqatigiikkuttami aatsaat sammivipput nikisissinnaassavarput nunarsuatsinnilu nunani tamani innuttaasutut tassaalerluta aalatitsiffiunerpaajusut.
Annertoorujussuarmik takorluugaqarnissatsinnut sapiissuseqartariaqarpugut, ataatsimoorluta annertuumik allorartaaqatigiittariaqarluta nunarsuarmimi nunatut timimik atuiffiunerpaanngussagaanni kisitta, peqatigiillutalumi aallartittariaqaratta.
