Timersoqatigiit Kattuffiat Kommune Kujallerlu peqqinnerulernissaq peqataatsitsinerunissarlu anguniarlugu suleqatigiinniarput!
Timersoqatigiit Kattuffiannit ilisimalluinnarparput timersorneq timimillu aalatitsineq inuttut ilerrusimaarnermik pilersitsisartoq. Timersoqatigiit Kattuffianni inuiaqatigiinni timersornerup timimillu aalatitsisarnerup pitsaanerpaamik sinaakkusernissaa anguniarlugu suliaqarpugut, timersortartut timersortalerusuttullu pitsaanerpaamik atungassaqartinneqarnissaat siunertaralugu.
Nuannaarutigigaakkatsinnillu timimik aalanerulernissamik anguniakkatsinnut sinnattutsinnullu tapersersuillutik suleqataarusuttunik ilaqqippugut.
Timersoqatigiit Kattuffianni siulittaasorput Claus Nielsen, Kommune Kujallermi Borgmesteri Stine Egede 30. januar 2024 suleqatigiinnissaq siunertaralugu atsioqatigiipput, anguniakkat ukkatarisassallu akornitsinni sukumiisumik ilusilersornissaat siunertaralugu. Angorusutarput tassaavoq:
- Innuttaasut ajornannginnerusumik najukkami timersoqatigiiffiit aqqutingalugit peqqinnartumik susareqatigiinnermillu neqeroorfiginissaat
- Timimik aalatitsineq, ilorrisimaarneq peqqinnerlu aqqutingalugit susassareqatigiiffinnik pilersitsinisssaq
- Kinguaariit akimorlugit timersorneq timimillu aalatitsineq aqqutingalugit peqqinnartumik ataatsimoorfeqarnissaat
”Isumaqatigiissut sumiiffimmut tulluarsagaq aqqutingalugu peqqinnartumik ataatsimoorfinnik nunatsinni pilersitsiniarnitsinnut annertuumik alloriartitsivoq, Timersoqatigiit Kattuffianniillu qilanaarpugut Kommune Kujalleq suleqatingalugu 2030-imi nunarsuarmi timimik aalatitsinerpaanngornissaq anguniarlugu suleqatigiinnissatsinnut.” Claus Nielsen, Timersoqatigiit Kattuffianni siulittaasoq oqarpoq.
