Angajoqqaat
Meeqqat inuusuttullu timersornikkut peqataasarnerat angajoqqaat qanoq kaammattuisartiginerannik attuumassuteqartorujussuuvoq. Nalunngilarput meeqqat inuusuttullu timersuummik ataatsimik arlariinnilluunniit sammisaqartarnerat angajoqqaavisa periarfissiinerannik kaammattuisarnerannillu aallaveqartartoq.
Innersuut 1: Sammisanut peqatigiinnermik iliuuseqaqatigiinnermillu pilersitsisunut meeqqat akuunissaannut kaammattorlugillu ikiortakkit.
Timersornerup peqatigiiffeqarnerullu iluani meeqqat atugarissaarnissaannut ilissi angajoqqaatut pingaarutilimmik inissisimavusi
Angajoqqaajulluartoq pisinnaasannguani periarfissaqarninilu tamaat qitornaasup timersornikkut timitalimmik akuutinnissaanut kaammattuisuuvoq
Angajoqqaanut innersuussutit arfineq marluk atuakkit
- Meeqqatit sungiusariaqatigisakkit sungiusarnissaannullu piareersaqatigalugit. Taamaalillutit meeqqanut, timersoqatigiiffinnut aammalu illoqarfimmut allanngueqataallutillu meeqqat nuannaartissavat.
- Sungiusaasup aaliangiussai ataqqikkit, meeqqanut tamanut peqataasunut aammalu sungiusaasumut kaammattuigit akuersaarlutillu.
- Sungiusartoqartillugu unammisoqartillugulu nuannersumik peqataagit, isornartorsiuineq imaluunniit oqaatsit nuanniissinnaasut kaammattuinermik taarserlugit. Aammalu meeqqavit timersornermi iligisai imaluunniit unammisai takutitsilluaraangata nuannaarutiginissai inissaqartillugu
- Timersornerup nuannersumik nassatai aammalu ikinngutigiinnermik pilersititsisarnera pingaartittaruk unammillerneq ammalu unamminerup inerneri pivallaanngikkaluarlugit
- Iligiittut angusat tapersersorlugit aammalu akuersaarlugu meeqqat tamarmik akuunissaat periarfissaasoq tamanut nammineq meerarisaq unamminerullu inerneri qitiutinngikkaluarlugit.
- Eqqaamallugu illit meeqqat timersortuummat, isummerneri aammalu misigisai nersorlugit, akueralugillu tusarnaassagakku. Pisussaatitaagavit paasissutissanik aammalu siunnersuutinik naapertuilluartumik timersornerup tungaatigut ilitsersuutissallugu. Kaammattuisinnaavutit, kisianni meeqqap nammineerluni aalajangissavaa timersornermut ilaarusunnerluni, aammalu timersoriaaseq sorleq akuuffigissanerlugu.
- Nammineerlutit eqeersimaarnikkut ammalu timersornikkut takutitsilluarsinnaavutit meeqqavillu timersornerup tungaatigut akuunerat taamaalillutit taperserlugu.
Innersuut 2: Qitornavit sunngiffimmi sammisaqarneranut akuugit eqeersimaartumillu tapersersuisuugit
Illit qitornavillu akornanni ataatsimut peqatigiillusi misigisassarpassuaqarpusi pimoorussisuuguit. Angajoqqaaqatit saniatigut oqaloqatigisarneri sungiusaasullumi amma oqaloqatigisarneri qitornavit timersornikkut uummaarissumik inuunissaanut ajunngitsumik sunniuteqartussaavoq.
Qitornavit timersuutaani soqutiginnillutit pimoorussiguit, ikiuunnissamut kajumilersitsissaaq. Suusinnaappulluunniit holdlederitut suliassat, biiliussinerit peqatigiiffimmilu ikiuunnerit.
Angajoqqaat timersoqatigiiffimmi kajumissutsiminnik suliaqartut timersoqatigiiffimmi pinngitsoorneqarsinnaanngillat, tassanimi annertuumik pisariaqartumillu sunniuteqartaramik
”Meeqqat toqqissisimasarput anaana ataatalu najuukkaangata. Meeraqanngilaq angajoqqaaminik pinnguaqateqarnissamik narrusunik. Tamatta taamaakkusuttarpugut.”
Isumassarsiorfik
- Soorlu kissassernermi ikiuukkuit, sungiusagassaanni pinnguaatissaanniluunniit, meeqqanut kajumilersitsisarpoq iluatsittutullu misigilersitsisarluni.
Meeqqalluunniit nutaat peqatigiiffimmut tikilluaqqukkit peqatigiinnullu akuulluarnissaannut ikiuullutit.
Innersuut 3: Qitornannut ammasumik toqqissisimasumillu attaveqartuusarit, pisariaqartitaat aamma pisariaqartitaat paasillugit
Qitornavit timersornikkut sammisaqarnerani ersarissumik isumaqatigiissuteqartarit aamma qinigassaatut sammisassatullu peqataasarnissamut kissaatigisai nersualaartakkit.
- Qitornat ajugaasarneq ajorsartarnerlu pillugit oqaloqatigisakkit. Sungiusareernerup unammereernerullu kingorna misigissusaat pillugit oqaloqatigisakkit
- Qitornavit timersortarnerani inatsisit allassimanngitsut allassimasullu ilinniakkit, tamakku malittarisarukkit qitornannut tamakku aqqutiginissaannut ajornannginnerussaaq.
