Workshop – Qanoq iliorluta ataatsimoornerit toqqissisimaffiusut tikilluaqqusiffiusullu pilersinniarpavut (Maniitsoq)
Ataatsimoorluta Aalasa
Timersoqatigiit Kattuffiata meeqqanut isiginnittaasia malillugu qanoq toqqissisimanartumik peqataatitsisumillu ataatsimoortitsisinnaalernissamut najoqqutaqarsinnaalerlutit ilinniaruk, meeqqallu tamarmik toqqissisimanartumik peqataatitsisumillu sungiusartalernissaannut isumassarsillutillu iliusissaqalerit.
”Sungiusaasutut peqatigiiffittullu isumaqarluartumik peqatigiisitsinermik pilersitsisussaavusi inersimasutut toqqissisimanartuullusi meeqqatta ajunnginnerpaamik inuuneqarnissaannut ajunnginnerpaamik atugassaqartitsisuullusi.”
Meerarpassuilli suli timersoqatigiiffiit avataanniittuupput uagullu inersimasutut akisussaaffigaarput peqataanissaannut pitsaanerpaamik atugassaqartissallugit, timiminnik atuisinnaatillugit ataatsimooqatigiinnullu peqataatinneqartutut misigisimatissallugit.
”Peqataalluinnartutut” misigisimaneq ataatsimooqatigiinnullu peqataaneq meeqqat inuusuttullu inuunerissaarnissaannut pingaaruteqartorujussuuvoq. Sungiusaasutut kajumissutsimillu ikkiuuttutut pingaaruteqartorujussuarmik inissisimasarpugut, meeqqat tamarmik ataatsimooqatigiinnut peqataasutut misigisimanissaannut atugassaqartitaasullu malillugit timiminnik aalatitsisinnaanissaannut akisussaaffeqartaratta.
Workshop kikkunnut piukkunnartuuva?
Workshopi una sungiusaasunut meeqqallu timersoqatigiiffiini akisussaassuseqartunut allanut piukkunnartuuvoq. Kikkulli tamarmik pisinnaasut meeqqanullu toqqissisimanartumik peqataatitsisumillu ataatsimoortitsinissamut peqataarusussuseqartut ikiuukkusuttullu tamarmik tikilluaqqusaapput.
Workshop qanoq pissarsiaqarfigissavara?
Workshopimi Timersoqatigiit Kattuffiata meeqqanut isiginnittaasia aallaavigalugu qanoq sungiusaasoqarsinnaanersoq avatangiiserissaartumillu peqatigiilluartoqarsinnaanersoq ilisimasaqarfigilissavatit, taamasillusi peqataareersut peqataatiinnarlugit meeqqanik inuusuttunillu allanik qanoq ilalersorneqarsinnaanersut paasisaqarfigisinnaavatit.
Ilaatigut ilisimasaqarfiginerulissavasi:
- Timersoqatigiit Kattuffiata Meeqqanut isiginnittaasia
- Tikilluaqqusilluarneq
- Peqatigiinnerit nukittuut qanorlu pilersinneqarsinnaaneri
- Immersoqatigiinneq namminerlu sungiusariaatsinnik eqqarsaatiginninnissat, kiisalu tulliani sungiusaalernissannut qanoq iliortoqarsinnaaneranik isumassarsitinneqassaatit.
Ilusaa
Pikkorissarneq workshopitut oqaloqatigiiffiusutut ingerlanneqassaaq, sungiusaatinik suliaqartarsinnaasussaavusi, ilissi sungiusaasarnersi aallaavigalugu suullu ilissinni inituujunersut aallaavigalugit.
Oqaatsit
Workshopimi kalaallisut oqaluttoqarnerussaaq, atortussalli saqqummiussinerillu qallunaatut kalaallisullu ingerlanneqassapput, peqataasullu aallaavigalugit naleqqussakkamik eqimattakkaartoqartarumaarpoq. Qallunaatut oqaaseqaruit peqataasinnaalluartussaavutittaaq.
Sumiiffik
Katersortarfimmi, Maniitsoq
Ulloq
13. novembari 2023
Nalunaaqutaq
19:00 – 21:00
Nalunaarfissaq:
Apollonie Kreutzmann
tlf. 867313
email apol@qeqqata.gl
