GAME GREENLAND
GAME Greenland nuna tamakkerlugu suliniutaavoq, inuusuttunik 15-24-inik ukiulinnik kajumissutsiminik ingerlatserusuttunik pikkorissaaffiusartoq, inuusuttut maligassiuisuullutillu meeqqanik aqqusinerni timersortitsinernik ingerlatsisartussaapput.
SOOQ
Inuusuttut maligassiuiinnarnissaminnut taamaallaat ilinniartinneqarneq ajorput. Aammali aallutsitsisarnermikkut inuttut inuiaqataasutullu piginnaaneqarnerulertarput. Meeqqat amerlanernik aallutaqalersinnaanerat pilertarpoq peqataaffigiuminartunillu ingerlatsisaramik illoqarfiup aqquserngini erseqqarissorujussuanngortarput. Aqqusinerni timersornernik aallussinerit pinerlutsitsinaveersaartitsinerupputtaaq.
SUNA
Meeqqanut inuusuttunullu amerlanerusunik aallutassaqartitsinissaq ataatsimoorullugu annertusarusupparput, ingammik meeqqat pinerlunnissaminnut qanikkaluartut aallutassaqartinneqalernissaat anguniagaavoq. Minnerunngitsumik timersornermik kulturimik pilersitserusuttoqarpoq, inuusuttut akisussaaffimmik tiguserusussuseqalersillugit, inuttullu piginnaanerinik annertusaasoqarlunilu kajumissutsimik aallutassaqartitsinissamut suleqataalernissamut kajumissuseqartitsisoqalerusuppoq.
QANOQ
GAME GREENLAND-imi Playmaker’eqarnissaa pingaaruteqarpoq. Tassani inuusuttut maligassiuisutut aqqusinernimilu qanoq iliorlutik pititsisarsinnaanerminnik ilinniartinneqartarput. Meeqqat ulluinnarni ingerlalluanngitsutut isikkoqarsinnaasut maluginiartarnissaannut peqataatinniartarnissaannullu ilinniartinneqartarput, qanorlu qisuariarfigissanerlugit iliuuseqarfigissanerlugillu aamma ilinniartinneqartarput.
KINA/KIKKUT
Kalaallit Nunaanni Timersoqatigiit Kattuffiat GAME Greenland-imik pilersitsisuuvoq sumiiffinnilu assigiinngitsuneersut inuusuttut timersuutinik piginnaaneqareersut ataqatigiissaarisussat ilitsersuisussallu suleqatigisarpaat.
Fakta Boks
Suliniutip aqqa: GAME Greenland
Suliniutip ingerlanneqarfia (qaammat ukiorluunniit): 2022-2027
Suliniummi suleqatit: GAME, Qeqqata Kommunia aamma Kommuneqarfik Sermersooq
Suliniutip aaqqissugaanera
Suliniut ingerlanneqarpoq Qeqqata Kommunia (timersornermut – sunngiffimmillu sammisassaqartitsinermut immikkoortortaqarfik), Kommuneqarfik Sermersooq, Kalaallit Nunaanni Timersoqatigiit Kattuffiat aammalu GAME( Danmarkimi aqqusinerni timersortartut kattuffiat).
Kalaallit Nunaanni Timersoqatigiit Kattuffiat
Kalaallit Nunaanni Timersoqatigiit Kattuffiat suliniummut pigin-nittuuvoq suliniutigineqartullu annertunersaa aningaasaliiffigaa. Kalaallit Nunaanni Timersoqatigiit Kattuffiata ataqatigiissaarnera najoqqutassaqartinneqarneralu akisussaaffigaa. Tassunga ilaalluni annertussusia, piffissaliineq aammalu nukinnik atuinerit. GAME Greenland-ip ineriartortinnissaa nunatsinniillu peqataaffigineqar-nissaa qulakkeerniartussaallugu.
Qeqqata Kommunia & Kommuneqarfik Sermersooq
Qeqqata Kommunia sumiiffimmi aalajangersimasumi suleqatigi-neqarpoq, sumiiffimmilu ingerlanneqarnissaa, ataqatigiissaarne-qarnissaa aammalu attaveqatigiinneq isumagisarivai. Sumiiffimmi peqataaffigilluarneqarnissaa paasineqarnissaalu aallaavigalugit pilersaarusiortoqarlunilu iliusissat aaqqissorneqartartussaapput. Qeqqata Kommuniata Kommuneqarfik Sermersuullu suleqatigiinnissaq sumiiffinnilu playmakerit suleqatigalugit GAME zone-mi ataqatigiissaarilluni ineriartortitsinissaq qulakkeertussaallugu.
GAME
GAME ingerlatami periuserineqartunut, misilittagaqarnermikkut piginnaasamikkullu ikiuuppoq, GAME-p timersorneq aqqutigalu-gu inuiaqatigiinnik sullisseriaaseq playmakerinillu ineriartortitsi-sarnermikkut periusertik, ilinniartitseriaasertik sumiiffimmilu na-jugaqartunik akuliutitsilluartarnermikkut misilittakkatik atorlugit tapersersuisuupput. Tamakkua saniasigut GAME ineriartortitas-satigut GAME-millu Nunatsinni innuttaasut akornganni atuutilerluarnissaanut ikiuuttussaavoq.
Apeqqutissaqarpit?
Uiloq er projektmedarbejder på Atatsimoorluta Aalasa og rådgiver også specialforbund.
Ansvarsområder:
- • Projektmedarbejder på GIF/UNICEF Projektet: Ataatsimoorluta Aalasa
- • GAME Greenland
- • Understøtte udviklingsprojekter
- • Understøtte drift
- • Understøtte kommunikation
Uiloq Mathæussen
Attaveqatigiinnermut suliniutinullu siunnersorti
+299 34 81 64
uiloq@gif.gl
