NUNATSINNI NUKKASSAATINIK ATUISOQANNGINNISSAA

Siunertat

Nunatsinni iisartakkanik pisassaateqartoqannginnissaa anguniarlugu makku isumagisassat ataatsimiitsitaliap nammassiniartussaavai:

• Timersornermi timigissarnermilu pisassaatinik atuisoqannginnissaa anguniarlugu pitsaaliuinermut akiuinermullu atatillugu qaammarsaanissaq ineriartortitsinerlu,
• Pisortat oqartussaaffeqarfiinik siunnersuillunilu ikiuinissaq pineqartillugit Nunatsinni iisartakkanik pissassaateqartoqannginnissaa susassaqarfigaa
• Nunarsuarmi pisassaatinik akiuiniaqatigiiffinnik suleqateqarnissaq,
• Timersornerup silarsuaani ”eqeersaatinik” inerteqqutaasunik pissarsiuminaassaanissaq atuinissarlu unissarniarlugu sulinissaq,
• Nunatta iluani pitsaaliuinermik akiuiniarnermillu sulinermut atatillugu toqqammavissanik malittarisassiornissaq
• Pisassaatitortoqarsimaneranik misilluillunilu misiliisarnissaq aammalu
• Iliuusissanik aaliangiisarnissaq ilanngullugit kinguneqartitsissutissat, timersortartut tamakkuninngalu suliaqartut tungaannut, malittarisassanik unioqqutitsisunut imal. pissassaatinut tunngatillugu timersornermi timigissarnermilu killiliussanik unioqqutsitsisunut tunngatillugu.

Timersornermi timigissarnermilu Kalaallit Nunaanni Timersoqatigiit Kaattuffiata ataani kattuffiit, timersoqatigiit peqatigiiffiisa, timersortartut klubbiisa timigissartarfiillu avataanni pissassaatinik atuisoqannginnissaa angujumallugu, Nunatsinni pissassaatinik atuisoqannginnissaa anguniarlugu pitsaaliuinermik suliniutit akiuiniarnermillu ingerlanneqartut assigiinngitsut suleqatigissavai.

Periusissiaq

Nunatsinnilu pissassaatinik atuisoqannginnissaanik suliat  tunngavigalugit siunertarisassatut timersornermut inatsimmi aaliangersagaasut, timersornerup iluani ingerlatsisuusut, timersoqatigiit peqatigiiffii aammalu timigissartarfiit assigisaallu allat, timersornermik timigissarnermillu aallussivittut neqerooruteqartuusut pisussaaffiligaallutik timersornerit timigissarnerillu toqqissisimanartumik isumannaatsumillu najoqqutaqarlutik ingerlatsisoqarnissaanik isumannaarinnittussaavoq.

Nunatsinni pisassaateqannginnissaq anguniarlugu sulinerminni  tunngavigaat timersornermik aaqqissuussatut ingerlatsiviit, timersoqatigiit peqatigiiffii timersortartullu klubbii kiisalu timigissartarfiit, fintnesscentret assigisaallu allat, pineqartut iluini aallussivissatut neqerooruteqartuusut nakkutiginnittussaasut inerteqqutinik atuiffiunngitsunik ingerlatseriaatsinillu aammalu naapertuilluartuuneq malillugu Nunatsinni pissassaateqartoqannginnissaanik suliniartut malittarisassiai suliarisussaavai.

Tamatumunnga atatillugu Nunatsinni pisassaateqartoqannginnissaa anguniarlugu ataatsimiitsitaliaq periusissatut arlaqarsunik siunnersuusiorussavoq, atuutsilertitaasunik, Nunatsinni pisassaatinik atuisoqannginnissaanik suliniartut periusissianik anguniagaasut naammassisinnaajumallugit sulinermini aallaavissanik suliaqarput.

Nunatsinni pissassaatqartoqannginnissaa anguniarlugu suliniartut periusissiaat ilusiligaavoq Anti Doping Danmarkimik najoqqutassaatut isumaqatigiissutiginiassallugu, tamatumalu atuutsinneqalernissaa Kalaallit Nunaanni timersoqatigiit Katuffiannit, Elite Sport Greenlandimit allattoqarfimmiillu akisussaaffigineqarpoq.