Inatsisit malittarisassallu
Ataani takuneqarsinnaapput anti Doping Grønlandip sulinerani inatsisinut malittarisassanullu pingaaruteqarlutillu attuumassuteqartut:
– Namminersorlutik Oqartussat dopersimasutut elektroniskimik nalunaarsuinermut atatillugu ilisimatitsissutaa
– Inatsisartut Timersorneq timigissarnerlu pillugit inatsisaat nr. 15, 06. juni 2016-imeersoq
– Inatsisartut ilaasortanut akissarsiaqartitsisarneq il.il pillugit inatsisaat nr. 22, 18. december 2003-imeersoq
Nunap iluani antidopingimut atatillugu malittarisassat
Ataani takuneqarsinnaapput Kalaallit Nunaanni timersornermi aallussisunut dopinginnissamut atatillugu malittarisassaat atuuttut:
– Kalaallit Nunaanni Dopingimut atatillugu malittarisassat
Kalaallit Nunaannilu timersortartunut dopinginnissamik malittarisassiaasut atuupput elitertartunut unammisartunullu aammalu timigissarnermik aaqqissuussasumik ingerlatsiviusunut.
Nunarsaq tamakkerlugu dopingginnissamut malittarisassiaasut
Nunarsuaq tamakkerlugu dopinginnissaq pillugu sulinermi sinniisoqarfiup, WADAp, nunarsuaq tamakkerlugu atuuttussanik dopingimut atatillugu malittarisassiorneq aaliangiiffigisarpaa, taakkulu nunarsuaq tamakkerlugu timersortartunut atuupput. Malittarisassanut atatillugu programmip (WADP) iluaniipput malittarisassat tikkuussissutillu, nunarsuaq tamakkerlugu nunanilu ataasiakkaani malittarissassat assiigiissarnissaannut tunngavissiaasut.
WADP-imi pingaarnerusutut inissisimapput dopinginik atuisoqannginnissaq pillugu nunarsuaq tamakkerlugu ileqqoreqqusaasut (WADA-kodeks) aammalu nunarsuaq tamakkerlugu najoqqutassiaasut.
WADA-Kodeksi
Dopertoqannginnissamut Nunarsuaq tamakkerlugu ileqqoreqqusaasoq malittarisassiani pingaarner-tut inissisimavoq, tamatumalu malinnikkumalluni nalunaarsimasunit tamanit malinneqarnissaa piumasaqaataavoq. Anti Doping Danmark aammalu Danmarks Idrætsforbund malinninnissamut akuersinikuupput.
World Anti-Doping Code pillugu annertunerusunik atuaagit
Nunarsuaq tamakkerlugu najoqqutassiat
WADA-kodeksip iluani ipput nunarsuaq tamakkerlugu najoqqutassiaasut arfineq-pingasut, tassanilu sukumiinerusumik, antidopingimik ingerlatsinerit qanoq ingerlanneqassasut allattorsimallutik:
- Doperutitut isigineqartut allattorsimaffiat (Prohibited List)
- Misissugassanik tigusisarnerit (International Standard for Testing)
- Misissuisarnerit nakkutiginninnerillu najoqqutassat (International Standard for Laboratories)
- Dopinglistimit immikkut akuerineqarsinnaatitaasut (International Standard for Therapeutic Use Exemption)
- Inuit kikkuussusiinik illersuineq (International Standard for the Protection of Privacy and Personal Information)
- Taaneqartunik malittarinninniarluni uppernarsaasiissutitut atsiugassaq (Code Compliance for Signatories)
- Ilinniarneq (Education)
- Suliarinnittarneq (Results Management)
UNESCO-p Timersornermi dopinnginik atuinnginissaq pillugu isumaqatigiissusiaa
UNESCO-P timersornermi dopinngerutinik atuinnginnissamut isumaqatigiissusiaa nunarsuaq tamakkerlugu atuuttussatut isumaqatiissusiaallunilu isumaqatigiissutaavoq, tassanilu nunani naalakkersuisuusut pisussaaffiligaapput dopinginik akiuinissamut. Danmark tamatumani atsiornikkut peqataavoq taamallu akueralugit WADA-kodeksi dopinnginullu akiuilluni suliniarnissami nunarsuaq tamakkerlugu atuuttussatut najoqqutassiaasut.
