Periusissiami anguniagassaq
Kajumissutsimik suliaqartarnerup pitsanngorsarneqarnissaa
Kajumissutsikkut sullissisuuneq unammillernartoqarpoq
Inuit kajumissutsimik suliaqartartut timersornerup – inuiaqatigiillu iluanni pingaarutilittut inissisimapput. Timersornerup iluani inuppassuarnut attaveqalersitsisarput, nuannaalersitsisarput nuannersunillu misigisitsisarlutik. Kajumissutsimik suliaqartartunik pissaqanngikkaluarutta timersoqatigiiffiit ingerlasimanavianngikkaluarput.
Timersoqatigiiffiit kajumissutsimik suliaqartunik – sungiusaasunik, holdinut aqutsisunik, siulersuisunik assigisaannillu amigaateqarput. Innuttaasut 4 %-iinnai kajumissutsimik suliaqartarput, amigaateqarnerlu peqqutaalluni unammilligassarpassuarnik inunnut ataasiakkaanut pilersitsisarpoq. Maligassiuisut ataasiakkaat ikiuunneratigut kajumissutsimik suliaqarneq piujunnaarsinneqarsinnaanngilaq, kulturitullu ingerlanneqartariaqarpoq.
Attaviit nukittuut
Kulturi nukittorsassavarput eqqarsaatigeqqillugulu. Kajumissutsimik suliaqartartunut atugassarititaasut – ikiuuttartunut attaveqaasiornikkut pitsanngorsarusuppagut. Attaveqaammi najoqqutassiorneq aqqutigalugu kajumissutsimik suliaqarnissaq soqutiginarsassavarput.
Anguniakkat
Kalaallit Nunaanni kajumissutsimik suliaqarneq kajuminnarne-russaaq
Peqatigiiffiit amerlanerit kajumissutsimik suliaqarneq pillugu periusissiaqassapput
Arlallit peqatigiiffinni attaveqaatiminnilu kajumissutsimikkut sullissisartuupput, misigisimallutillu kajumissutsimikkut suleqataanerminni nersualaarneqarlutik.
Kajumissutsimik suliaqarneq peqatigiiffinnillu ingerlatsineq pillugu pikkorissartitsinerni kajumissutsimik suliaqartut amerlanerit peqataasalersimassapput
Kajumissutsimik suliaqartut amerlanerusut misigisimassapput ikiuunnertik soqutigineqartoq.
Periusissaq 2023 – nuna ataatsimoorussamik anguniagalik suli paasisaqarfiginerusin-naavat
Periusissiap ingerlariusissaa, eqqarsaatersuutigisimasat aammalu qanoq aallartissanersugut paasisaqarfiginerorusuppigit? Periusissiaq tamakkiisoq aasinnaavat.
