70iliilluni nalliuttorsiorneq
Kalaallit Nunaanni Timersoqatigiit Kattuffiat ukioq manna ukiunik 70inngortorsiorluni nalliuttorsiorpoq. Ukiullumi qulikkaat arfineq-marluk kingumut qiviarutsigit timersorluni peqatigiilluarnerit pisimasullu nuannersut eqqaamasassat arlaqaqaat – aamma Timersoqatigiit Kattuffiata ullumikkut killiffigisimasaa qiviarutsigu.
Oqaluttuarisaanerput videoliallu nuannersut qarasaasiakkut quppersagaliarput aqqutigalugu qupperaarusaaruit isiginnaarsinnaavatit. Jens Lennert aamma isigalugu tusarnaarluguluunniit Timersoqatigiit Kattuffianniikkallarmat pisimasunik oqaluttuartissinnaavat. Videokulluunniit ukiuni 70ini Kalaallit Nunatsinni timersoqataasarsimasunut tamanut nersorinninniarnigut aamma isiginnaarsinnaavatit.
Quppersagaq nalliuttorsiornermut tunngasoq
Quppersakkami uani Timersoqatigiit Kattuffiata oqaluttuarisaanerani pisimasut annertuut kingumut qiviarpagut. Timersornerup silarsuaani inuit pingaaruteqarsimasut aamma naammattuugassaapput – tassa kajumissutsiminnik suliniuteqartarsimasut, Timersoqatigiit Kattuffuata nunaqqatitta aalanerulernissaannik takorluugaat anguniagaallu aamma paasisaqarfigissavatit.
Timersoqatigiit Kattuffianneersunut tamanut nersorinninniarluni videoliaq
Ataqqinaammik ilaasortaq Jens Lennert oqaluttuartoq …
Jens Lennert siullermik timersornermut siunnersortaanerminut kingornalu Timersoqatigiit Kattuffianni pisortaanerminut tunngasunik oqaluttuarpoq. Timersornerup silarsuaani pingaaruteqarsimasut pillugit oqaluttuat quujanartut arajutsiniaqinagit.
Video isiginnaaruk naalaarulluunniit Aqqutaani Podcast-imit Jens Lennert uani podcastimi oqaloqatigineqarpoq.
