Aningaasaliissutinut siunertaavoq:

Inuit immikkut pisariaqartitsisut allatuulli timersornermut peqataanissaannut tapersersuineq.

Timersornerup silarsuaani ataatsimoornermut peqataanissamut periarfissiineq.

Timersorneq peqatigiiffilerinerlu aqqutigalugu inuiaqatigiinnik attaveqaqateqarneq pilersitseqataaneq.

Kikkut qinnuteqarsinnaappat?

Inuit immikkut pisariaqartitsisut, Kalaallit Nunaanni imaluunniit nunat assigiinngitsut akornanni timersornissamut kajumissuseqartut.

Timersoqatigiiffiit kattuffiillu timersornermik ilaatitsinermik pilersitserusuttunut.

Qaqugu qinnuteqartoqarsinnaava?

Ukioq kaajallallugu qinnuteqartoqarsinnaavoq, qinnuteqaatillu aalaakkaasumik suliarineqartassallutik.

Qinnuteqaat kingusinnerpaamik qaammat ataaseq sioqqullugu nassiunneqassaaq, aningaasaliissutit atorneqarnissaat eqqarsaatigalugu.

Kingumoortumik qinnuteqaammik nassiussisoqarsinnaanngilaq.

Qinnuteqaammi ilanngullugu nassiunneqassaaq:

Innarluuteqarnermut imaluunniit sulisinnaanermut annikippallaartumik piginnaasaqarnermut uppernarsaat.

Angalanissamut pilersaarut, qinnuteqaammi angalanissaq ilaappat.

Suut aningaasaliissutaasinnaanngillat?

Aningaasaliissutaasinnaanngillat:

● Tapersersortinut ingiaqateqarnisamullu aningaasartuutit.

● Nerisaqarnermut ullormusiassanullu.

● Angalanermi aningaasartuutinut soorlu ass. orsussamut

● Atortunullu assigiinngitsunut.

Aningaasat tunngavigineqartut

● Qinnuteqaammi ataatsimi annerpaamik 30.000 kr . qinnutigineqarsinnaavoq.

Ima qinnuteqaasiussaatit

1. Kattuffiit aqqutigalugu qinnuteqassaatit. Kattuffinnut atanngikkuit kommune

aqqutigalugu qinnuteqarsinnaavutit.

2. Kattuffiit kommunelluunniit tapiinissaat iluatsinngippat, qinnuteqaat GIF – imut

nassiunneqarsinnaavoq suliareqqitassatut.