NAAPINNERUP SIORNA
Siunnersuutinik ajornanngitsuaqqani uani nassaassaqarputit, peqatigiiffissinnik ammanerusumik peqatigiisitsilernissamut iluaqutaasussaasunik, ilaasortanngorlaanut iluaqutaasussat.
Tamanut ammatitsigitsi
Soqutiginnittunut takkuteqqaarnissaq mersernarlunilu annikilliornarsinnaasarpoq.
Aammali akerlianik ilitsersuisunut, ilaasortanut, siulersuisunullu sukkulluunniit nutaanik tikilluaqqusinissaq ajornarsinnaasarluni.
”Tamanut ammatitsilluni”-aaqqissuussinerit tamanut aallartilluarnissamut aqqutissiuussilluartarput. Allaffissornikkut iliuutsitigullu aqukkuminarnerusaramik ukiumi piffissani aalajangersimasuni tikilluaqqusinissaq inissilluarneqartartuuppat.
Ulloq paasissutissiiffiusoq aaqqissorsiuk
Unnuk ilisimatitsinertalik aaqqissorsiuk – ilaasortanngorusuttunillu pilerisulersitsillusi:
Ilaasortassasi sumiiffiinut ujartorsigit, unnuk nuannisaarfiusoq aaqqissorsiuk, timersornermut timersortartuunermullu apeqqutaasinnaasunut tamanut akissutaasinnaasut ilisimanngisaat ilisimatitsissutigalusigit.
- Illoqarfinni nunaqarfinniluunniit timersuutit sorliit aallussinnaavigit?
- Peqaatigiiffik qanoq ingerlasarpa?
- Qanoq akeqarpa?
Tikilluaqqusisartumik toqqaagitsi
Inuk attaveqaataasartoq tikilluaqqusisarluni, inussiarnersuusoq assigiinngitsualunillu ikiuussinnaasoq – peqatigiiffissinnut nutaanut tikilluaqqusilluartartussaq naammappoq.
Video isiginnaarlugu meeqqanik peqatigiiffissinnut takkuterlaanut qanoq nuannersumik misigititsinissamut isumassarsioritsi.
Tikilluaqqusilluartarnerlusi takusiuk
Taaneqartuni qassit krydsilersorpisigit?
Immersuilluni misilitsigitsi qanorlu tikilluaqqusillaqqitsiginerluni paasillugu
Attaveqaataasartoqaleritsi
Holdissi nassuiarneqarnerani attaveqarfigineqarsinnaasumik peqarnissaq pingaaruteqarpoq, mail-ikkuusinnaavoq imaluunniit oqarasuaatikkut attavigineqarsinnaasoq, takkuteqqaartinnani attavigineqarsinnaasartussaq.
MAPPERSAGAQ AAJUK
TIKILLUAQQUSILLUARITSI
Iliuuutsit annikitsuaqqat annertoorujussuarmik kinguneqarsinnaasarput, peqatigiiffissinnut takkuteqqaartunut iluaqutaalluinnartussat.
Iliuserisassatut siunnersuutit ukua ilinnut, aaqqissuussaasumik peqatigiinnut akisussaasuusumut imaluunniit peqataasumut - soorlu peqatigiiffimmut piukkunnartuupput.
Akisussaasuuguit peqataasuuguilluunniit taava takkuterlaanut annertuumik pisussaaffeqartuuvutit.
Illit imaluunniit peqatigiiffiup sinneraniittut isumaliortaatsikkut misigisaqarluaritsi, pingaaruteqarluinnartumillu iliuserineqarsinnaasunut isumassarsilluarlusi.
VIDEO: Meeqqanik tikilluaqqusillu-arneq
Meeraq peqatigiiffissinnut takkuterlaaq qanoq tikilluaqqusaasutut peqataasunullu peqataatinneqarluartutut misigitissanerlugu – takkuteqqikkusussanerlugulu uani isiginnaarsinnaavarsi.
