PEQATIGIIFFIIT ISAAFFIAT- PEQATIGIIFFIIT ATUGASSAANNIK DIGITALIKKUT AAQQIINEQ
Kalaallit Nunaanni Timersoqatigiit Kattuffiata BRND suleqatigilerpaat, qara-saasiakkut ataatsimoorussamik aaqqiissuteqartumik angusaqarniarlutik, taamaasillutillu peqatigiiffiit, kattuffiit aammalu Kalaallit Nunaanni Timer-soqatigiit Kattuffiannut iluaqutaasussamik sullissisoqarsinnaalissalluni.
SOOQ
Isumaqatigiissuteqarnikkut Kalaallit Nunaanni kajumissutsimik suliaqartunut peqatigiiffilerisunullu oqilisaataasussaavoq. Tamannalu pisussaavoq peqatigiiffiit, kattuffiillu ilaasortaannut tunngasutigut, hold’inut, aningaasaqarnermut, attaveqatigiinnermut tunngasutigut aammalu aningaasaliissutissanik qinnuteqartarnissamut il.il. pitsanngorsaasoqarlunilu allaffissortoqarsinnaanngortussaavoq. BRND Kommuneqarfik Sermersuumik, Kommune Kujallermik, Qeqqatalu Kommunianik isumaqatigiissuteqareerpoq, taakkunanilu peqatigiiffiit tamarmik periarfissamik neqeroorfigineqassapput. Kalaallit Nunaanni Timersoqatigiit Kattuffiata isumaqatigiissuteqar-nermigut peqatigiiffiit kattuffimminnut kommunenut aammalu Timersoqatigiit Kattuffiannut assigiissaartumik attaveqatigiittarnissaat ikorfartorneqarnissaallu anguneqartussaassaaq.SUNA
BRND nunatsinni timersoqatigiiffinnut kattuffinnullu digital’ikkut attaveqatigiiffittut neqeroorutaavoq. Attaveqaatip Kalaallit Nunaanni kajumissutsimik aallussisartuunissa-mut peqatigiiffeqarnermullu oqilisaataasussaavoq, ingerlatsilluarnis-saq qulakkiiginnarnagu allaffissornikkut suliassat ikilisaaffigineqartus-saassagamik. Peqatigiiffiit kattuffiillu ataatsimoorussamik aaqqissuussaasumut attavilerneqassapput, peqatigiiffeqarnermi inatsisitigut piumasaqaa-tinik arlalitsigut qulakkeerinnittumik, tassaniitinneqarsinnaassappullu ilaasoqarnermut tunngasut, hold’inut tunngasut, aningaasatigut iliuu-seqarnerit, aaqqissuussinerit, sutitsinerit aammalu attaveqatigiinnerit – peqatigiiffimmut iluaqutaasussat.QANOQ
Pingaarnertut peqatigiiffiit ataatsimoorussaqalernissaat timersoqatigiiffiillu nalunaarsorneqartalernissaat aatsaavissuaq eqqumaffigineqarpoq. Kalaallit Nunaanni Timersoqatigiit Kattuffiat kommunenullu tunngatillugu paasissutissat makkua pinngitsoornata pigisussaavagut:- Peqatigiiffiup malittarisassai
- Peqatigiiffiup naatsorsuutai
- Meeqqanik pinerluuteqarsimannginnermut uppernarsaatit
- Siulersuisut attaveqarfissaat
- Ataatsimeersuarnerup imaqarniliornera
- Ilaasortat amerlassusiisa Timersoqatigiit Kattuffiannut kommunenullu nalunaarutiginissaat
KINA
Kalaallit Nunaanni Timersoqatigiit Kattuffiat misilittakkanut inerisaanissanu-llu eqimattaliorsimavoq Kommuneqarfik Sermersooq, Qeqqata Kommunia aammalu Kommune Kujalleq peqatigalugit, taamaasilluni peqatigiilluni ataqatigiissaarinerit peqatigiiffiillu digitalimik ingerlatsinissaminnut periarfissaqarnissaat pitsanngorsaaffiginiarlugit.Ataatsimoorussamik pilersitsiniarnermi allattuiffissaq
Peqatigiiffiit isaaffiat nuna tamakkerlugu ataatsimoorussatut digitalimik attaveqaatigineqalernissaa anguniagaavoq. Peqatigiiffiit ilusilersugaanerat attaveqatigiittarnerallu assimi takukkit.
