ILAASORTANIK NALUNAARSUINEQ

Peqatigiiffiit tamarmik ilaasortamik amerlassusaannik nalunaaruteqarnissaat pingaaruteqaqimmat kattuffittut ikiuunnissarsi pingaruteqartuuvoq – peqatigiiffisi nalunaarsortassavasi. Qanoq qaqugulu tamanna pisarnersoq uani annerusumik paasisaqarsinnaavutit.

Inuiaqatigiinni piorsarsimasuni kattuffiit piumassutsiminnik aallussisunik ilaasortaqartartut toqqammaviulluinnartarput. Peqatigiinnermik pilersitsisarlutik ilaasortamillu inuiaqatigiinnut pimoorussillutik peqataaffiginnillutik aallutaqarnissaannut aqqutissiuussisaramik. Taamaattumik-una Timersoqatigiit Kattuffiannut sakkussatut pingaaruteqarluinnartoq ilisimassallugu ilaasortaqarnerit qanoq nikeriartarnersut, minnerunngitsumillu ilisimassallugu timersornerup silarsuaani sunngiffimminni kajumissutsiminnik ikiuuttartut qassiunersut ilisimassallugit pingaaruteqarluinnartoq. Ilaasortammi peqatigiiffiit uumaneqartillugillu ineriartortittarpaat – eqaarsaartartuugunik, arsaattartuugunik, arpattartuugunik il.il. ilitsersuisartut, sungiusaasartut siulersuisunilu ilaasortat ilanngullutik sunniuteqarfigisaramikkit. Ilaasortaqanngikkaanni peqatigiiffeqartoqarnavianngilaq. Timersoqatigiit Kattuffiat ullumikkut kattuffinnik 9-nik timersoqatigiiffinnillu 140-it missaannik amerlassuseqartunik ilaasortaaffigineqarpoq.

ILAASORTAT NALUNAARSORNEQARNERI KIA ISUMAGISASSARAI?

Peqatigiiffiit namminneq aalajangissavaat ilaasortamik nalunaarsorneqarnissaat kia isumagissaneraa, isumaginnittussamut nalunaarsuinissamut ilitsersuut nassiunneqarumaarpoq, quppernermullu elektroniskiusumut isissutissamik tunineqarumaarluni. Peqatigiiffiup aamma kina nalunaarsuisarnissamut pisinnaatitaaffeqassanersoq nammineq allannguiffigisinnaavaa.

PEQATIGIIFFIIT ILAASORTATIT QAQUGUKKUT NALUNAARSUSSAVAAT?

Naak peqatigiiffimmi ilaasortat assigiinngitsunik pisussaaffeqaraluarlutik taamaattoq ataatsimooqatigiinnermut ilaanertik nalitummat eriagisariaqarpaat. Tamannalu ilaatigut pisarpoq peqatigiiffimmi ilaasortat aalaakkaasumik nalunaarsortarnerisigut. Timersoqatigiit Kattuffianni ilaasortat ukiumut marloriarlugit naatsorsorneqartarput, tass ilissi peqatigiiffittut ilaasortassi amerlassusaat Timersoqatigiit Kattuffiannut nalunaarutigigaangassiuk. Nalunaarsuinissamut ukioq manna killissarititaasoq tassaavoq 31. december

Peqatigiiffiit Isaaffiat aqqutigalugu peqatigiiffittut ilaasortassi amerlassusaat nalunaarutigisartussaavasi. www.sammisassat.gl aqqutigalugu peqatigiiffiit isaaffiat iserfigisinnaavarsi.

Peqatigiiffiit ilaasortaminnik nalunaarsuinissaannut ilitsersuut uani saqqummersinneqarsinnaavoq – PDF

Peqatigiiffiit Isaaffiat siullermeertumik atussagussiuk taava innersuussutigissavarput ilitsersuusiarput atuaqqaassagissi – peqatigiiffiit isaaffia atorluarsinnaaleruk

Ilitsersuut – peqatigiiffiit isaaffia atuilluarsinnaaleruk – PDF

SOOQ NALUNAARSUISOQARTARIAQARPA

Kattuffiit ukioq taanna ingerlatsinissaminnut tapiissutisiassaasa annertussusiannut tunngatillugu peqatigiiffinni ilaasortaminnik nalunaarsuisimanissaat pingaaruteqartorujussuuvoq. Ilaasortat nalunaarsorneqarnerisiguttaaq aamma ilisimatitsissutigineqartarpoq peqatigiiffiit meerartaannut sungiusaasut meeqqanut pinerluuteqarsimannginnerannut uppernarsaataannik piniarsimanersut aamma ilisimatitsissutigineqartarpoq.
Nalunaarsuinikkut aamma ilumoortumik kikkut peqatigiiffinnut ilaasortaanersut uppernarsarneqartarpoq, tamaattumillu ilaasortat nalunaarsorneqarnerisa ataavartumik nutartertuarnissaat pingaaruteqartuuvoq.

Ilaasortat nalunaarsorneqartanngippata amigartumilluunniit nalunaarsorneqarsimappata tamanna ajoqutaaginnarsinnaalertarpoq, tassami peqatigiiffimmut kattuffimmulluunniit tapiissutit annaanngikkaanni ilanngaavigineqarsinnaammata

Ikiorneqarnissat/-nissarsi pisariaqartikkukku/-kussiuk attaveqarfigisuaannarsinnaavatsigut emailikkut ugguuna gif@gif.gl  

ILAASORTANIK NALUNAARSUINEQ

ILAASORTAT NALUNAARSORNEQARNERI KIA ISUMAGISASSARAI?

PEQATIGIIFFIIT ILAASORTATIT QAQUGUKKUT NALUNAARSUSSAVAAT?

SOOQ NALUNAARSUISOQARTARIAQARPA

Annertut aningaasaliisut

Aningaasaliisut

GIF pillugu

Nutaarsiassat allaganngorlugit

Vi er her for dig

Find en medarbejder

Skal du have hjælp til noget, eller har du et spørgsmål? Så find den helt rigtige medarbejder til at besvare dit spørgsmål. Klik på knappen og find en medarbejder:

Ikiugassaavit?

Sulisumik nassaarit

Ikiugassaavit apeqqutissaqarpilluunniit? Taava sulisoq apeqqutinnut akinnillunilu ikiuisinnaasoq nassaariuk. Tuugassami sulisoq apeqqutinnut akinnissinnaasoq nassaariuk: