Search

Periusissiamut tapiinerit

Periusissiamut tapiinerit Kalaallit Nunaanni Timersoqatigiit Kattuffiata aningaasanik agguaassissutigisartagaasa ilagaat, aningaasallu atorlugit kattuffiit timersoqatigiiffiillu ineriartortitsillutik suliaqarnissaannut tapiissutitut atorneqartarput. Tapeeriaatsinut qinnuteqarnernilu periutsit pillugit uani paasisaqarnerusinnaavutit.

SOOQ PERIUSISSIAMUT TAPIISOQASSAVA?

Kattuffiit siunertaqarnerusumik periarfissamik tungaatigut periusissiaqarlutik timersornerullu tungaatigut ineriartortitsilernissaminnut siunertaqaraangamik taperneqartarnissaat anguniagaavoq.

Agguaariaatsimi nutaami kattuffiit ataasiakkaarlutik pitsaasunik ineriartortitsinissaminnut pilersaarusiornissaannut tunngavissalersorneqartussaapput, periusissiamullu tapiisarnerit aqqutigalugit kattuffiit Timersoqatigiiffiillu Kattuffiata pilersaarutitik annertuut piviusunngortissinnaasussaavaat, soorlu Kalaallit Nunatsinni Timersoqatigiiffiit Kattuffiata takorluukkamisut allassimasuutigigaa, 2030-imi Nunarsuarmi Nunani tamani Timiminnik Atuinerpaasartunik Innuttaqarnissaq Anguniarlugu.  

PERIUSISSIAMUT TAPIIFFIGINEQARNISSAMUT QINNUTEQARNISSAP INGERLAASISSAA

Periusissialiornissamut pilersaarusiornissap isumaqatigiissutigilernissaa ingerlanneqassaaq, isumaqatigiissutit tamarmik ingerlanneqarlutillu aalajangiiffigineqarnissaat ataatsikkoortinneqassalluni. Periusisiamut tapiinerit agguaanneqarnissaasa ataatsikkut pinissaat pingaaruteqarami, taamaaliornikkut periusissiornikkut anguniakkat imminnut nallersuutsillugit nalilersorneqarnissaat aatsaat anguneqarsinnaassagami.

Kattuffiit ataasiakkaarlutik Timersoqatigiiffiit Kattuffiannik ataatsimeeqateqartarnissaat aallaavigineqartariaqarpoq, kattuffiillu ataasiakkaarlutik pisariaqartitaat aallaavigalugit ataatsimiinnerit tulluarsaaffigineqartassapput. Ataatsimiinnernilu makkua eqqumaffigineqassapput:

  1. Aallaqqaammut ingerlaasissap pilersaarusiornissaa eqqumaffigineqassaaq kattuffiullu periusissiatut ingerlaasissaata tunaartalersornissaa suliarineqassalluni.
  2. Immikkoortut aappaanni periusissiatut tunaartat aallaavigalugit anguniakkat allattorneqassapput iliuuserisassat ilanngullugit periusissat suunissaat isumaqatigiissutigineqarlutik.
  3. Pingajuattut inaarutaasumillu aningaasanut nukissanullu tunngasortai, periusissiassatullu isumaqatigiissutaasup inaarneqarnissaa anguniarneqassapput.

Aallaqqaasiineq pissaaq (februaari – martsi 2021)

Kattuffiit ataasiakkaarlugit ataatsimeeqatigeqqaarneranni pilersaarusiornerit pissapput, ingerlaasissaa pilersaarusiorneqassalluni, kattuffiit iluminni aalajangiinissaminnut ingerlariaaserisartagaat nalimmarsaaffigineqartariaqartarami, kattuffiit ataanni peqatigiiffiit allallu akuliutsinnissaat eqqarsaatigineqartussanut ilaagami.
Timersoqatigiiffiit Kattuffiata takutikkumaarpai periarfissat sukumiisumik misissorsimasani, soorlu ilisimasat pigeriikkat, kisitsisit, paasissutissat, peqatigiinnerillu aallaavigalugit suliarineqarsimasut, kattuffinnilu misilittagarineqartut aallavigalugit periusissiassatut ataatsitut, arlalinngorlutilluunniit ingerlaaseqartussatut nassuiaassutigineqarsinnaasut saqqummiussornerisigut.

Immikkoortut aappaanni (martsi – apriili 2021)

Immikkoortut aappaanni eqqumaffigineqassapput iliuuserineqalersut ingerlatallu, periusissiassap ingerlanerani aallartisarneqarsinnaasussat. Isumassarsiatsialaat matumani pineqassapput, ingerlateqqinneqarsinnaanngorsarlugit pingaarnersiorneqassallutillu, taamaasillusi piviusorsiortumik kajuminnartumillu iliuuseqarsinnaalissaasi anguniakkassinnullu angunniarsinnaalissallusi.

Pingajuattut inaarutaasumillu (maj 2021)

IIiuuseriniakkassi naleqquttumik naammassineqarnissaat naggataarutaasumi naapinnermi sammineqartussaapput. Anguniakkasi angussagussigit aningaasatigut, nukitsigut, kaammattorneqarnikkut il.il qanoq atorfissaqartitsisoqartigaa. Uanittaaq qanoq aningaasartuuteqarnissarsi nassuiaatigisussaavarsi, Timersoqatigiit Kattuffiannullu siunertalimmik qanoq tapiiffigineqarniarnerlusi allattussavarsi. Ingerlaasissaq tamarmi tulluarsarneqartussaavoq, kattuffiillu tamarmik immikkut iluminni sivisunerusumik sivikinnerusumilluunniit piffissaliiffigineqarnissartik pisariaqartittussaassavaat, taamaattumik oqaloqatigiittarnissat taakkununnga tulluarsarlugu Timersoqatigiiffiit Kattuffiallu akunnerminni isumaqatigiissutigisussaassallugu. Timersoqatigiit Kattuffiata siulersuisuisa isumaqatigiissutit ataatsikkut suliariumaarpaat, ilissilu akineqarumaarpusi, ukiumi pineqartumi, kingusinnerpaamik 1. juli.

‘Tapiiffigineqarnis-samutiliusissat’ aakkit


Tapiiffigineqartarneq nutaaq atuutilersoq pillugu annerusumik paasisaqarsinnaavutit

Apeqqutissaqarpit?

Poul Timersoqatigiit Kattuffianni ineriartortitsinissamut pisortaavoq, kattuffinnut peqatigiiffinnullu kattuffeqanngitsunut siunnersuisuuneruvoq.
Akisussaaffii:

  • • Island Games

  • • Kalaallit Nunaanni Nukkassaatinik atuisoqannginnissaanik suliaqarneq

  • • Aaqqissuussaasumik kajumissutsimillu ingerlatsinernut ataatsimiititaliaq

  • • Suliniutini aaqqissuussaanermilu aqutsinerit


    •  

    Poul Petersen
    Ineriartortitsinermut pisortaq

    +299 34 81 59

    poul@gif.gl

    Annertut aningaasaliisut

    Aningaasaliisut

    GIF pillugu

    Nutaarsiassat allaganngorlugit

    GIF-imit nutaarsiassat soqutigisatit toqqaanaq e-
    mail-ikkut pissarsisalikkit

    ’Paasissutissat illersorneqarnissaannut politikkitta’ akuerigitit, allatsinnerit ilutigalugu pissaaq.
    POULTURKIS

    Grønlands Idrætsforbund • Issortarfimmut 8 st. tv. Postboks 84, 3900 Nuuk, Greenland • (+299) 34 81 50 • gif@gif.gl

    Vi er her for dig

    Find en medarbejder

    Skal du have hjælp til noget, eller har du et spørgsmål? Så find den helt rigtige medarbejder til at besvare dit spørgsmål. Klik på knappen og find en medarbejder:
    Find en medarbejder

    Ikiugassaavit?

    Sulisumik nassaarit

    Ikiugassaavit apeqqutissaqarpilluunniit? Taava sulisoq apeqqutinnut akinnillunilu ikiuisinnaasoq nassaariuk. Tuugassami sulisoq apeqqutinnut akinnissinnaasoq nassaariuk:  
    Allaffeqarfik