NAATSORSUUSIORIAASEQ

Pitsaassaqaaq aningaaserisoq ataavartumik naatsorsuusiortassappat assersuutigalugu qaammatip aappaa allortarlugu naatsorsuutit killiffiannik siulersuisut ataatsimiinnerini ilisimatitsisassappat. Malissarisassani erseqqissumik allassimassaaq peqatigiiffik sinnerlugu kina aningaasanut tunngasuni atsiortassanersoq – peqatigiiffiup atsiorsinnaatitsinera.

Peqatigiiffiup naatsorsuusioriaasiani sukumiisumik kukkunersiuisussanut suut naatsorsuutigineqassanersut allassimatinneqarnissaat naleqquttuussaaq. Naatsorsuutinut allanneqarsinnaavoq assersuutigalugu sukumiisumik kukkunersiuisussanit peqatigiiffiup naatsorsuutaasa ukiumut pingasoriarlutik saqqummiunneqartarnissaat naatsorsuutigineqassasoq.

Siulersuisut peqatigiiffik qanoq naatsorsuusiussanersoq aalajangersimassavaat. Naatsorsuusiorneq peqatigiiffiup qanoq amerlatigisunik ilaasortaqarneranut atassuteqarpoq. Ilaatigut makku isummerfigineqarsinnaapput:

• Naatsorsuutit sumi isumagineqassappat? (allattaaviit, qarasaasiaq, nittartagaq atorlugu naatsorsuusiortarfik allatulluunniit)
• Bilagit originalit qanoq iliorluni toqqortaatigineqassappat? (peqatigiiffik bilaginut originalinut atatillugu taamaallaat akiliuteqartariaqartassaaq)
• Isertitat aningaasartuutillu qanoq ilioqqarneqassappat? (isertitat aningaasartuutillu kolonninut nalunaarsorneri nalinginnaasut imaluunniit marloqiusamik naatsorsuuserineq (dobbelt bogholderi))