SULIASSAT ISUMAGISIGIT

Suliassat qulequtsersigit (piumagussi ataatsimiititaliami suleqatigiissitaniluunniit) eqqarsaatigisigillu:

• Aallartiffissaq naammassiffissarlu
• Aallartinnissamut piginnaasat sorliit pisariaqartinneqarpat?
• Suut siulliullutik suliarineqassappat kingornagullu sunik iliuuseqartoqassava?
• Suliassamik naammassinnittussani akisussaaffiit suuppat?
• Naammassinnittoqarnissaanut siulersuisut qanoq ikiuussinnaappat?
• Allanit ikiorneqarnissamut periarfissaqarpa?

Siulersuisut amerlanerit paasisarpaat suliatik tunniussuinertalerujussuusut. Ikittuinnaallu, immaqa allaat siulersuisuunngitsut, suliassat tamarmik suunerannik taakkualu sunik imaqarnerinik ataatsimut paasisimannissinnaasarput.

Suliassat nassuiarnerinit ukiup ingerlanerani pisussanik nalunaarsuiffik

Pisussamik nassuiaruminartumik allarniuteqaritsi (unammiuaarneq, ukiup pisoqarfiusortaata aallartinnera imaluunniit sungiusarnissamut pilersaarut). Suliassaq allassiuk aaqqissuussinermi najoqqutassamut kina sunik qaqugulu akisussaaffeqarneranik nassuiaateqarfiusumut peqatigitillugu. Ukiup ingerlanerani sammisassanut arlalinnut najoqqutassaqalerussi ukiup ingerlanerani pisussanik nalunaarsuiffimmut ilanngussinnaavasi.

Allat ikiuussinnaaqqullugit suliassap angissusianik imarisaanillu nassuiaasinnaassaatit. Nassuiaanerit immaqa suliassamik mersernarunnaarsitsisinnaavoq qanorlu suliaqartiginissap pisariaqarneranik paasisitsissalluni. Aamma suliassamik soqutiginnittup naleqquttumik apeqquteqarnissaanut ajornannginnerulersitsissaaq. Apeqqutit tassaasinnaapput

• Qanoq ilisukkut suliaqarnarnerpaassava?
• Allanit ikiorneqarsinnaavunga?
• Suliassap naammassinissaani siulersuisut sukkut atuuffeqarpat?

Ukiup ingerlanerani pisussanik nalunaarsuiffik takujuminarnerulersitsissaaq

Suliassat erseqqissumik nassuiarneqarput, peqatigiiffiullu ukiup ingerlanerani pisussanik nalunaarsuinerani kajumissutsiminnik sulisut atuuffissatik ilisimavaat. Peqatigiiffiup ukiup ingerlanerani pisussanik nalunaarsuusiortup suliaqartussat eqqissiallannerat malugisarpaa. Piffissami sivisuumi suliaqarnissamik taama nalunaarsuusiornerup ulluinnarni sulineq ajornannginnerulersittarpaa.

Tigussaasuliorit

Ukiup ingerlanerani pisussanik nalunaarsuiffik peqatigiiffimmut atortussatsialaavoq. Taassuma suliassat pillugit assigiissaakkamik nalunaartoqartarnissaa qulakkiissavaa. Timersoqatigiit Kattuffiat peqatigiiffiit suliassanut nassuiaasiornissaannut assersuuteqarpoq:

• suliassat sorliit sungiusaasup ikiortaata suliassarai?
• suliassat sorliit sungiusaasup suliassarai?
• suliassat sorliit iligiinnik aqutsisup suliassarai?
• suliassat sorliit angajoqqaat suliassaraat?

Taamaaliornikkut kajumissutsiminik ikiuuttussaq pappialannguamik sunik suliassaqarnerminik atuuffimmullu taassumunnga siulersuisut sunik naatsorsuuteqarnerannik nassuiaateqarfigineqarsimasumik pissarsissaaq.

Suliassat agguaassigit

Ukiup ingerlanerani pisussanik nalunaarsuiffiup nassuiarneqarsimaneratiguttaaq iluanaarut tassaassaaq suliassat tunniunneqartut naammassineqarsinnaanerulersarmata. Nalinginnaavoq siulittaasuusut suliassanik allat suliariumanngisaannik suliaqartarnerat. Tamakkumi naammassineqartariaqarmata.

Misilittakkanik avitseqateqarneq

Peqatigiiffiit ukiup ingerlanerani pisussanik nalunaarsuiffeqartut amerliartuinnarput. Taamaattumik Timersoqatigiit Kattuffiata pingaartuusoraa kattuffinnik peqatigiiffinnilluunniit allanik misilittakkat oqaluttuallu pitsaasut pillugit avitseqateqartarnissaq.