Suna oqaluttuariniarpisiuk?
Oqaatiginiakkat oqaluttuarisassallu sammivilerneqartarput akuerineqassagunillu assut ilanngarterneqartariaqartarlutik. Sumimi tamani malugeqqusaartut amerlasoorujussuupput, TV-kut, radio’kut, aviisitigut, innuttaasullu attaveqaataatigut oqaluttuarineqartorpassuit amerlasaqaat.
Inuit aaqqissuussassinnut aggertinniarussigit, sungiusarfiit nutaat ilisimatitsissutiginiarussigit, peqatigiiffiulluunniit naleqartitai ilisimatitsissutiginiarussigit oqariartuutisi tulluarsaqqinnaarsimasariaqarput. Oqariartuutit ’saattukujuut manngersut’ ersarinnerullutillu eqqartorneqarnerulertarput.
Ingerlatat
Peqatigiiffiit nalinginnaasumik ingerlataminnut tunngasunik paasissutissiinissartik pisariaqartittaqaat, soorlu aaqqissuussat, sungiusarnissamut neqeroorutit, sungiusarnerit aallarteqqinnissaat, aammalu unamminerni angusat suaarutiginissaat. Oqariartuutit tamakkua naatsuaqqamik erseqqarissumillu oqaatigineqarsinnaapput, peqatigiiffiullu sulerisarneranik tamakkiisumik takutitsineq ajorlutik.
Peqatigiiffiup kiinnernissaa
Timersoqatigiiffimmi inuit uumaneqartitsisut, peqatigiinneq, ataqatigiinnerlu peqatigiiffimmi ulluinnarni misigineqartartup oqaluttuarisarnissaa aamma taamatut pingaaruteqartigisarpoq. Suut taakkununnga kajumissuseqartitsisarnersut oqaluttuarisassavarsi, soorlu peqataasoqartarnersoq oqaluttuarisarlugu. Inuit peqatigiiffimmiittut oqaluttuarisarnerisigut peqatigiiffik uumaneqarnerulersillugulu qaninnerulersinneqartarpoq, peqatigiiffiullu inunnut kiinnernissaanut iluaqutaasarluni, taamaaliornikkut inuit peqatigiiffit ilisarinerulertaramikku.
Tamakkualiukua oqaluttuarissallugit ulluinnarni ulapinnerup nalaani puijorneqartartoq. Oqaluttuarisartagassassi suunerisa allattorneqarneri aajukua:
- Peqatigiiffimmi sungiusaaqataasalersut kikkuuneri
- Utoqqaat peqatigiiffimmik isumaginnittuusut
- Angajoqqaat sungiusaasaarnermi ikiuuttartut
- Kajumissutsiminnik aallussisartut allat piviusunngortitseqataasartut
Oqaluttuami pingaarnerpaat
Arlaannut tunngasumik oqaluttuarniaruit – amerlasuunut, ikittunut, aalajangersimasumut, takorlooruminaatsuuppalluunniit, taava oqaluttuariniakkanni pingaarnerpaaq suunersoq aalajangiutissavat – tassa oqaluttuap sammivissaa. Oqaluttuariniakkat oqaaseqatigiinnut ataasiinnarnut naalisassavat. Oqaaseqatigiinni tassani oqaluttuariniakkavit oqariartuutai pingaarnerpaat imarisussaavai.
Peqatigiiffippit suna tusaamaneqaatigissavaa? Elevatoritut oqalugiarneq sungiusarsiuk!
Nutaarsiassaniinnissamut piumasaqaatit
Oqariartuutersi nutaarsiassaniitissallugu kissaatigigussiuk, taava tusagassioriaatsimi piumasaqaatinut oqaluttuassarsi naammassinninnersoq misissussavarsi – tassa nutaarsiassanut piumasaqaataasunut naammassinninnersoq. Peqatigiiffiup attaveqarnerani nutaarsiassaanissaanut piumasaqaatit pingaarnerit makkuupput:
- Massakkumut tulluunnera/massakkut pinera
- Pingaaruteqassusia
- Kinaassusersinissaa
Nutaarsiassanut piumasaqaatit tamarmik suunersut uani sukumiinerusumik paasisaqarfigikkit uani
Piumasaqaatimmi amerlanerit naammassineqarsimatillugit taava oqaluttuap tusagassiortunit soqutigineqalernissaa qaninnerulertarpoq, taamaalillunilu atuartartunut aamma soqutiginarsimassalluni.
Oqariartuutinut sukumiisunut tunngatillugu atorneqarsinnaasut uaniipput iliusissatut pilersaarut. DK – PDF
