Timersoqatigiit Kattuffiat kattuffiit akimut suleqatigiinnerat nunatsinnilu timersorneq nukittorsarpaa
Kalaallit Nunaanni Timersoqatigiit Kattuffiat (GIF) ulluni marlunni ingerlasumik ataatsimiisitsivoq, tassani kattuffinni qulingiluani siulittaasut suleqatigiinnikkut ataqatigiissaarinikkullu nukittorsaanermik anguniagaqarluni. Ataatsimiinneq una pingaarutilerujussuuvoq nunatsinni timersornikkut kulturip ataavarnerusumik ataqatigiinnerusumillu pilersitsiumalluni alloriarnerummat.
Uani ataatsimiinnermi kattufiit assigiiinngitsut aallartitaasa piginnaasaannik avitseqatigiinnertaqarpoq, unammilligassat nunatsinnilu timersornerup iluani takorluukkat pillugit ingerlatsiviusimalluni. Oqallinnerit ataatsimoorussamik suleriutsinik ineriartortitsinermik imaqarsimapput, ataatsimoorussamik unammilligassat suussusersineqarlutik tigussaasunillu suliniutinik periarfissiisumik nunarput akimorlugu timersornikkut nukittorsaataasussanik suliaqarfiusimalluni.
“Arfininngorneq sapaallu pissarsiffiulluarlutillu sakkortusimapput, tassani takusinnaasimavarput kattuffiit akimorlugit suleqatigiikkaanni qanoq nalitutigisinnaasoq”, taama oqaaseqarpoq, Claus Nielsen, Timersoqatigiit Kattuffianni siulittaasoq. “Suleqatigiinnitsinni isumassarsiatta suliniutissattalu ingerlateqqinnissaannut pisussaaffigaarput, tassani eqqartorneqartut nunatsinni timersornerup iluani pitsaasumik ineriartortitsinissaq anguniarlugu.”
Ataatsimiinneq pingaarutilimmik GIF-ip suleqatigiinnikkut anguniagaasa nunatsinni timersornerup iluani tamanut peqataatitsisumik anersaaqarluni siuarsarneqarnissaannut alloriarfiusumik nalunaaqutsiimmat . GIF-ip takutippaa kattuffinni siulittaasut katersornerini peqataatitsisumik ataatsimoorfiunerusumik pilersitsinissamut pitsaasumik suliniuteqarnikkut nunatsinni timersornikkut ineriartortitsinissamut suliaqassasugut.
Kalaallit Nunaanni Timersoqatigiit Kattuffiat qaammatini ukiunilu aggersuni kattuffinnik
oqaloqatigiilluni suleqatigiinnissamut nangitsinissamut qilanaarpoq, tassani qulakkeerniarlugu nunatsinni timersornerup silarsuaani pitsanngorsaanerit ataavartut ingerlatissallugit.
Sukumiinnerusumik paasisaqarusuttut uunga saaffiginnissinnaapput:
Claus Nielsen, email: claus@gif.gl
