MEEQQERIVIIT AALANERUSUT

GIF aammalu Perorsaanermik Ilinniarfik (PI/SPS) suleqatigiillutik perorsaajutaa timersorneq eqqumaffigitinniarpaat nuna tamakkerlugu meeqqeriviit allagartaqarsinnaanngortillugit. Meeraq inunnguutiminik aalanermik nuannarisaqartooreerpoq timinilu atorlugu ilikkagaqartarluni aamma nunarsuarmik avatangiiserisaminik. Perorsaajutaa timersorneq ulluunerani meeqqerivinni ilaaginnartussaavoq, meeqqap aalanermini, oqalunnermini eqqarsartaatsimini timi atorlugu ineriartornissaanut iluaqutaasarpoq peqateqarneq, aalaneq pinnguarnerlu.

SOOQ

Kalaallit Nunaata 2030-imi nunarsuarmi timimik atuiffiunerpaanngornissaanik anguniagaqarneq kiisalu inuiaqatigiit timimik atuinerulernermikkut isumaliortaatsimikkut timikkullu peqqinnerulernissaat anguniarneqarami, PI/SPS suleqatigalugu ulluunerani meeqqerivinni siunissami sulisussat ilinniarnerisa nalaanni pikkorissarneqarsinnaalissapput meeqqat mikisuunerminniit nukittunerullutillu peqqinnarnerusumik inooriaaseqalernissaannut aqqutissiuussisussamik.

SUNA

Meeqqat tamarmik pitsaasumik peqqinnartumillu inuunerissaartuullutik meeraanissaat qulaakkeerneqartussaavoq (ilaatigut Inuuneritta III’mi taaneqareersutut). Peqqinnartumik pitsaasumillu inuuneqarnissaq peqqinnartunik ileqqoqarnikkut toqqavilerneqartarpoq. Meeqqallu meeqqerivimminngaanneersut perorsarneqaatigisaminnik timersortalerunik taava timimik atuillutik aalatitsilluartarlutillu ileqqoqalernissaat nalinginnaanerulissaaq – aamma meeqqeriviit matoqqanerata avataanni. Meeqqerivimmi perorsaasut ilisimasatik aallaavigalugit meeqqat angajoqqaallu peqatigalugit ingerlalluartutut timillu aalatinnissaanik nuannarinnittuunissaat anguneqarsinnaavoq.

QANOQ

Nunami kommunet tamarmik neqeroorfigineqassapput meeqqerivimminni sulisuminnik perorsaariaaseq atorlugu meeqqerivimmi timimik atuinissamut pikkorissaatitsinissaannut, pikkorissaasorissallugit PI/SPS. GIF aammalu PI/SPS malinnaalluartoqarnissaanut nakkutiginnittuussapput nutaanillu aallartisaanerit isumagissallugit:

  • Meeqqeriviit timimik aalatitsinermik allagartaqareersut attaveqarfigineqarnissartik naatsorsuutigissavaat, alla-gartaminnik nutarterinnillutik pikkorissarnermik immikkut aaqqissukkamut peqataanermikkut nutaamik allagartartaarsinnaasunngorlugit. Meeqqeriviit ilaat 2022-imi allagartaat nutarterneqareerput.
  • Facebookimi gruppe-q pilersinneqareerpoq, pikkorissarsimasut meeqqeriviillu allagartaqareersut imminnut immersoqatigiiffeqalernissaat anguniarlugu, misilittakkaminnik ulluinnarnilu timersuutinik atuinerminni oqaluttuassatsialannik tassuuna oqaluttuarsinnaaniassammata.
  • GIF aamma PI/SPS ulluinnarni timimik atuisumik perorsaariaatsimik atuisoqaannarnissaa anguniarlugu suleqatigiissuteqartussaapput
  • GIF aamma PI/SPS timersuutinik atuilluni perorsaariaaseqarnissamut neqerooruteqarnissamut suleqatigiissutiginnittussaapput, meeqqerivimmillu allagartaqalersitsisartussaallutik.


KINA

Perorsaanermik Ilinniarfik aammalu Kalaallit Nunaanni Timersoqatigiit Kattuffiat meeqqerivinni timimik aalatitsinerusut perorsaariaatsitut atorneqarnerulernissaa suleqatigiissutigivaat.

Suliniutip aqqa:
Meeqqeriviit Aalanerusut

Suliniutip ingerlanissaa:
2021 - ingerlaannarpoq

Suleqatigisat:
Perorsaanermik Ilinniarfik/Socialpædagogisk Seminarium aammalu Kalaallit Nunaanni Timersoqatigiit Kattuffiat

Attaveqarfissaq

Aviaaja er ansvarlig for udviklingen af indsatsen omkring aktive arbejdspladser, parasport/handicapidræt m.m.

Ansvarsområder:

  • • Firmaidræt/Sunde Arbejdspladser

  • • Handicapidræt

  • • Børn & Unge (Idrætsdaginstitutioner og folkeskoleområdet)

  • • GIF-repræsentant i Ernærings – og Motionsrådet

  • • Idræts – og fritidsnetværk for konsulenter i Kommunerne

  • • Arctic Winter Games



 

Aviaaja Geisler
Peqqissutsimut aqutsisoq

+299 34 81 56
aviaaja@gif.gl

Leave a Reply

Your email address will not be published. Required fields are marked *

Vi er her for dig

Find en medarbejder

Skal du have hjælp til noget, eller har du et spørgsmål? Så find den helt rigtige medarbejder til at besvare dit spørgsmål. Klik på knappen og find en medarbejder:

Ikiugassaavit?

Sulisumik nassaarit

Ikiugassaavit apeqqutissaqarpilluunniit? Taava sulisoq apeqqutinnut akinnillunilu ikiuisinnaasoq nassaariuk. Tuugassami sulisoq apeqqutinnut akinnissinnaasoq nassaariuk: