Sungiusaasoq
![](https://gif.gl/wp-content/uploads/2022/12/G65A7917-2.jpg)
Peqatigiiffimmi sungiusaasut ikiortaallu timersoqatigiiffimmi toqqissisimasumik akuusitsisumillu pilersitsinissamut qitiusumik inissisimaffeqarput. Sungiusaasut tamarmik meeqqanut inuusuttunullu naapitaminnut tamanut maligassiuisuupput.
Innersuut 1: Tikilluaqqusilluarnissaq pingaartissiuk
Tikilluaqqusilluarneq pingaaruteqarpoq amerlanerit peqatigiiffiup sammisaqartitsisarneranut takkuttassappata takkuttuaannassappatalu.
Tikilluaqqusilluarneq pisarpoq sungiusarnerit siulliit sioqqullugit, sungiusarnerup nalaani kingornalu, tassani pingaarnerulluni meeqqat inuusuttullu tamanut akuullutik misigisimanissaat.
Isumassarsiorfik
Innersuut 2: Peqatigiittarnerit toqqissisimanartut pilersikkit
Sungiusaasoq timersornikkut avatangiisit peqatigiittarnerillu pitsaasut pilersinneqarnissaannut qitiusuuvoq. Qiimaneq nuannersumillu misigititsineq tamanut tuniluuttarpoq.
Timersorneq sungiusariartarnerlu kajumissuseqarnermik aallaaveqartuussaaq kiffaanngissuseqarfiusutut misinnartoq, meeqqat inuusuttullu inuuneranni uisakajaarfiunngitsoq.
Sungiusarnermi/unamminermi ataatsimuualaartarnermilu sungiusaasut/lederit suliassaat pingaarnerpaaq tassaavoq meeqqat nuannersumik misigisaqartinnissaat.
Toqqissisimasumik peqatigiisitsinissamut ikiuutaasinnaasut immikkoortut sisamat
- Eqqumaffigineqassapput meeqqat inersimasullu akornaminni qanoq imminnut allanullu oqaluttaaseqarnersut.
- Sungiusaanerup nalaani ersarissumik killiliisarit sinaakkusiisarlutillu
- Sungiusaanerup nalaani sungiusaatit pinnguarnerpalaartut peqatigiinnermillu pilersitsisut salliutinneqartassapput
Naammassisat unamminerillu salliutinnagit ineriartorneq sapinngisallu salliutillugillu eqqumaffigisigit.
Innersuut 3: Meeqqanut tamanut tulluuttunik ajunngitsunillu unammilligassanik pilersitsigit, qanorluunniit piginnaaneqaraluarpata angorusutaqaraluarpataluunniit
Meeqqat ineriartornerminni sumut killinnersut maluginiartarsigit.
Meeqqat nutaanik ilikkagaqarusuttarput – aamma timersoraangamik. Anguniagarisiuk meeraq sungiusareerluni angerlarneri tamaasa misigisimassasut iluatsittumik ingerlasimallutik. Sammisaqarnerit annertusiartuinnartut sungiusarnermut nuannersisitsisunngortarput.
- Sammisaqarnermik pilersitsigit! – tunuleriiaattut ikilisarlugit, sammisaqartut amerlanerpaaqqullugit. Puigornagu ”Sammisaqartoq ilikkartarpoq”
- Sungiusarnerup nalaani ataasiakkaarlugit eqqumaffigisakkit, tamarmik peqataasutut misiginiassammata, ineriartornerminnilu tapersersorneqartutut misigisimaniassammata.
- Pinnguarneq nutaaliorsinnaanerlu Meeqqat aalariaatsit amerlanerpaat suussusii misissorlugillu misilittarnissaanut periarfissikkit.
- Isummersornartunik aperisarlugit peqataasullu sungiusarnermi unamminermilu misigisaat paasiniartaruk. Assersuutigalugu aperisinnaavatit sungiusarnermi suna ajornakusoorsimanersoq sunalu pikkorinnerulerfigerusunneraat. Eqqaamajuk apeqqutit meeqqanut tulluarsarnissai ukiui naapertorlugit.
Kalaallit Nunaat sinnerlugu unammisartutut anguniagaqartut, meeqqanut inuusuttunullu tunngatillugu innersuussutit pillugit Elite Sport Greenland-ip Piukkunnaatilittut ineriartortitsinissamut modelli kiisalu Piukkunnaatilimmiik pikkorivissortumut innersuussutit pillugit misissorneqarsinnaapput.
Piginnaanilinnik ineriartortitsinissamut-modelli
Piukkunnaatilimmiik pikkorivissortumut
Isumassarsiorfik
Sungiusaasumut
Sungiusaasumut siunnersuutitsialaat 12-it – teori-miit iliuuseqavinnissamut
Innersuut 4: Ersarissumik ilimagisat suunersut pillugit kultureqaleritsi, kukkunissamullu inissaqartitsisaritsi
Pikkorissiartorneq nuannerlunilu pitsaanerulernissamut kajumilersitsisarpoq
Meeqqanut amerlanerpaanut unamminerit inernerillu inersimasunit naleqqiullugu pingaannginnerujussuuvoq.
Meeqqat normu qassinngornerlutik allanullu sanilliullutik qanoq angusaqarnerat pingaarnerutinnagu pisinnaasannguartik tamaat ilungersornerat pitsanngoriartornerallu pingaarnerutittaruk.
Holditut sungiusaraangata kukkusoqarsinnaasarnera akuersaaruk. Taamaattoqassappat tunngaviusumik malittarisassaqartariaqarpoq meeqqat toqqissisimallutik taliffigisinnaasaannik.
- Namminneq timikkut malugilissuk timersortillutik kukkugaangamik anigorneqarsinnaasartoq – kiisalu peqatigiiffimmi tamanna akuersaarneqassaaq. Meeqqat sungiusaatinik assigiinngitsunik misileraaneranni tapersersortakkit – pingaartumik kukkuluttornermi.
- Misiliisarnerat nersualaartaruk – aammaarlutillu misileeqqittaqattaarnissaanut kajumissaarlugit
- Sungiusartut nutaanik piginnaaneqalersitsisussamik sungiusaatinik, sammisanik piginnaatsinilluunniit misiliigaangata nersualaartakkit – kukkusaraluarpataluunniit. Periarfissanik nutaanillu misiliinissaannut kaammattortakkit – piffissaq sivikinnerusorluunniit isigalugu inernerit eqqarsaatigalugit akisunaarnaraluarpat.
- Unamminerisa nalaanni kukkuneri aaqqinniarsarinagit, unamminerup sungiusarnerulluunniit kingorna pitsaasumik kinguneqarluartussamillu utertitsivigisarlugit
Innersuut 5: Meeqqat akuutittakkit, pisariaqartitaat kissaatigisaallu alapernaattarlugit
Meeqqat kissaatigisaat eqqumaffigikkit, ilaatinnissaannut kaammattortakkit, isumalimmik naleqartumillu.
- Meeqqanut inuusuttunullu sungiusaasutut nammineq piginnaatsitit ineriartoqqinnissamullu periarfissatit eqqumaffigalugit misissortakkit, sungiusaasutullu annertunerusumik paasinninnissamut, ilisimasaqalernissamullu kajumittuunissaq ujartortakkit.
- Meeqqat oqaloqatigisakkit, tusarnaarluartakkit, meeqqat akuutittakkit kissaatigisaat pisariaqartitaallu qisuariarfigisarlugit.
- Ataatsimut sammisaqaraangassi akisussaaffeqartuugit, qanilaartuullutit.
- Meeqqat peqatigalugit sammisassat kajumilersitsisartut pilersillugillu aallartisartakkit.