Sungiusaasoq

Peqatigiiffimmi sungiusaasut ikiortaallu timersoqatigiiffimmi toqqissisimasumik akuusitsisumillu pilersitsinissamut qitiusumik inissisimaffeqarput. Sungiusaasut tamarmik meeqqanut inuusuttunullu naapitaminnut tamanut maligassiuisuupput.

Innersuut 1: Tikilluaqqusilluarnissaq pingaartissiuk

Tikilluaqqusilluarneq pingaaruteqarpoq amerlanerit peqatigiiffiup sammisaqartitsisarneranut takkuttassappata takkuttuaannassappatalu.

Tikilluaqqusilluarneq pisarpoq sungiusarnerit siulliit sioqqullugit, sungiusarnerup nalaani kingornalu, tassani pingaarnerulluni meeqqat inuusuttullu tamanut akuullutik misigisimanissaat.

Isumassarsiorfik

Peqataaqqaartut tikilluaqqulluakkit 

Innersuut 2: Peqatigiittarnerit toqqissisimanartut pilersikkit

Sungiusaasoq timersornikkut avatangiisit peqatigiittarnerillu pitsaasut pilersinneqarnissaannut qitiusuuvoq. Qiimaneq nuannersumillu misigititsineq tamanut tuniluuttarpoq.

Timersorneq sungiusariartarnerlu kajumissuseqarnermik aallaaveqartuussaaq kiffaanngissuseqarfiusutut misinnartoq, meeqqat inuusuttullu inuuneranni uisakajaarfiunngitsoq.

Sungiusarnermi/unamminermi ataatsimuualaartarnermilu sungiusaasut/lederit suliassaat akimanerpaaq tassaavoq meeqqat nuannersumik misigisaqartinnissaat.

Toqqissisimasumik peqatigiisitsinissamut ikiuutaasinnaasut immikkoortut sisamat

  • Eqqumaffigineqassapput meeqqat inersimasullu akornaminni qanoq imminnut allanullu oqaluuttaaseqarnersut.
  • Sungiusaanerup nalaani ersarissumik killiisarit sinaakkusiisarlutillu
  • Sungiusaanerup nalaani sungiusaatit pinnguarnerpalaartut peqatigiinnermillu pilersitsisut salliutinneqartassapput
  • Naammassisat unamminerillu salliutinnagit ineriartorneq sapinngisallu salliutillugillu eqqumaffigisigit.

Innersuut 3: Meeqqanut tamanut tulluullutnik ajunngitsunillu unammilligassanik pilersitsigit, qanorluunniit piginnaaneqaraluarpata angorusutaqaraluarpataluunniit

Meeqqat ineriartornerminni sumut killinnersut maluginiartarsigit.
Meeqqat nutaanik ilikkagaqarusuttarput – aamma timersoraangamik. Anguniagarisiuk meeraq sungiusareerluni angerlarneri tamaasa misigisimasaasut iluatsittumik ingerlasimalutik. Sammisaqarnerit annertusiartuinnartut sungiusarnermut nuannersisitsisunngortarput.

    1. Sammisaqarnermik pilersitsigit! – tunuleriiaattut ikilisarlugit, sammisaqartut amerlanerpaaqqullugit. Puiornagu ”Sammisaqartoq ilikkartarpoq”
    2. Sungiusarnerup nalaani ataasiakkaarlugit eqqumaffigisakkit, tamarmik peqataasutut misiginiassammata, ineriartornerminnilu tapersersorneqartutut misigisimaniassammata.
    1. Pinnguarneq nutaaliorsinnaanerlu Meeqqat aalariaatsit amerlanerpaat suussusii misissorlugillu misilittarniassammatigik.
    2. Isummersornartunik aperisarlugit peqataasussallu sungiusarnissap pilersaarusiornissaannut akuutittakkit

For anbefalinger vedrørende børn og unge, der har ambitioner om at repræsentere Grønland på den internationale scene, henvises til Elite Sport Greenland’s.

Piginnaanilinnik ineriartortitsinissamut-modelli

Piukkunnaatilimmiik pikkorivissortumut

Isumassarsiorfik

12 gode tips til træneren – fra teori til handling

Innersuut 4: Ersarissumik ilimagisat suunersut pillugit kultureqaleritsi, taamaattoq kukkunissamut inissaqartitsisumik.

Meeqqanut inuusuttunullu amerlanerpaanut pitsaanerpaajunissaq pingaanerunngilaq. – Taamaattoq nuannerlunilu kajuminnartunngortarpoq pikkorissiartorneq pitsaanerulernissarlu.  

Meeqqat normu qassinngornerlutik allanullu sanilliullutik qanoq angusaqarnerat pingaarnerutinnagu pisinnaasannguartik tamaat ilungersornerat pitsanngoriartornerallu pingaarnerutiguk.

Holditut sungiusartaraangamillu kukkusoqarsinnaasartoq anersaarisiuk. Taamaattoqassappat tunngaviusumik malittarisassaqartariaqarpoq meeqqat toqqissisimallutik taliffigisinnaasaannik.

  1. Namminneq timikkut malugilissuk timersortillutik kukkugaangamik anigorneqarsinnaassartoq. – Tamanna inuunerisa sinneranut malunniuteqartussaavoq, s.i. atuarfimmi.
  2. Misiliisarnerat nersualaartaruk – aammaarlutillu misileeqqittaqattaartanerat
  3. Sungiusartut nutaanik piginnaaneqalersitsisussamik sungiusaatinik, sammisanik piginnaatsinilluunniit misiliigaangata nersualaartakkit – kukkusaraluarpataluunniit. Periarfissanik nutaanillu misiliinissaannut kaammattortakkit – piffissaq sivikinnerusorluunniit isigalugu inernerit eqqarsaatigalugit akisunaarnaraluarpat.
  4. Unamminerisa nalaanni kukkuneri aaqqinniarsarinagit, unamminerup sungiusarnerulluunniit kingorna pitsaasumik kinguneqarluartussamillu utertitsivigisarlugit

Innersuut 5: meeqqat akuutittakkit, pisariaqartitaat kissaatigisaallu alapernaattarlugit

Meeqqat kissaatigisaat eqqumaffigikkit, ilaatinnissaannut kaammattortakkit, isumalimmik naleqartumillu.  

  1. Meeqqanut inuusuttunullu sungiusaasutut nammineq piginnaatsitit ineriartoqqinnissamullu periarfissatit eqqumaffigalugit misissortakkit, sungiusaasutullu annertunerusumik paasinninnissamut, ilisimasaqalernissamullu kajumittuunissaq ujartortakkit.
  2. Meeqqat oqaloqatigisakkit, tusarnaarluartakkit, meeqqat akuutittakkit kissaatigisaat pisariaqartitaallu qisuariarfigisarlugit.
  3. Ataatsimut sammisaqaraangassi akisussaaffeqartuugit, qanilaartuullutit.
  4. Meeqqat peqatigalugit sammisassat kajumilersitsisartut pilersillugillu aallartisartakkit.

Vi er her for dig

Find en medarbejder

Skal du have hjælp til noget, eller har du et spørgsmål? Så find den helt rigtige medarbejder til at besvare dit spørgsmål. Klik på knappen og find en medarbejder:

Ikiugassaavit?

Sulisumik nassaarit

Ikiugassaavit apeqqutissaqarpilluunniit? Taava sulisoq apeqqutinnut akinnillunilu ikiuisinnaasoq nassaariuk. Tuugassami sulisoq apeqqutinnut akinnissinnaasoq nassaariuk: