Piffissaq akimmiffiuvoq
Anguniagarput tassaavoq inuiaqatigiit inuuneq naallugu aalasut.
Ullumikkut inersimasut pingajoraarterutipajaavi (36%) meeqqallu affai (52%) timersortuupput. Meeqqat 46 %-ii (inersimasuni 36 %-it) ukiuunerani sammisarinerpaasai tassaapput ”atuarneq, fjernsynerneq arlaatigulluunniit issialluni sammisaqarneq” – tassa imaappoq timiminnik aalatitsineq ajorput (aasakkut uninngasartut 34 %-iupput 15 %-iullutillu).
Sunngiffimmi neqeroorutit nutaat akimmisaarnan-ngitsut
Innuttaasut pisariaqartitaannut naleqquttumik timersornissamut neqerooruteqartoqarnissaa sulissutiginiarparput – qassinilluunniit ukioqaraluaruit, aallusserusussutsit, nukissatit, ukiup qanoq ilinera assigisaalu eqqarsaatigalugit. Timersornermi unammisoqarsinnaassaaq kisiannili aamma timersornerit ilai aalanermik ataatsimoornermillu tunngaveqartassapput.
Anguniakkat
Aalariaatsit nutaat saqqummiunne-qarneratigut inuit aalanerulissap-put
Atuisunut nutaanut aalariaatsit naleqquttut timersoqatigiiffinnit neqeroorutigineqassapput
Suliffeqarfiit amerlanerit suliffimmi aalanerusinnaanissamut neqerooruteqassapput
Aalanerunissaq anguniarlugu iliuuserineqarsinnaasut pillugit oqalliffimmik pilersitsisoqassaaq
Oqartussaqarfinni suliffiit amerlanerit suliniutigisaminni timikkut aalaneq eqqarsaatigissavaat
Periusissaq 2023 – nuna ataatsimoorussamik anguniagalik suli paasisaqarfiginerusin-naavat
Periusissiap ingerlariusissaa, eqqarsaatersuutigisimasat aammalu qanoq aallartissanersugut paasisaqarfiginerorusuppigit? Periusissiaq tamakkiisoq aasinnaavat.
