KIVITSISA - NUTAALIORTA - ATUARFIK AALAFFIUSOQ
Timersoqatigiit Kattuffiat Nutaaliorta-mi atuartitsissutit taaguutillit ”Atuarfik aalaffiusoq”, taanna akullerni atuartunut tulluarsagaavoq (4. – 7. klasse), ingerlanneqarneranilu Timersoqatigiit Kattuffiata 2030-imut anguniakkatut takorluugaa aallaavigalugu – tassalu Kalaallit Nunaata nunarsuarmi nunanit tamanit aalaffiunerpaatut #Aalasa-tut inissikkusunnerata anguneqarnissaa.
SOOQ
Atuarfimmi suliniarneq pingaaruteqaqaaq, ilisimatusarnikkummi paasineqareerpoq timimik atuilluni aalasarneq meeqqat ilinniagaqarsinnaanerannut, peqqinnerannut ingerlalluarnissaannullu iluaqutaasorujussuusoq. Meeqqat ulluinnarni inuunerminni timimik atuisarnermikkut timip aalassarissunngornissaanut iluaqutaasarpoq, meeqqallu ilikkagaqarsinnaanerannut inoqatiminnillu peqateqarsinnaanerannut inerisarneqartarlutik, soorluttaaq meeqqap imminut tatigineranut, attaveqartarnerminut aammalu isumaliortaatsimigut peqqinnerulertarpoq – tassani ajornartorsiutaasinnaasunut akiuussinnaassuseqalersinnaalertarami.
SUNA
Timersoqatigiit Kattuffiata anguniagaraa innuttaasut inunngornerminniit ilisaanissamik tungaannut timiminnik atuilluarsinnaanissaat. Meeqqat inuusuttullu timimik atuinissaminnut aalanerulernissaminnullu soqutiginninnerulernissaat aqqutissiuusseqataaffigerusukkamiuk. Tamannalu innuttaasut nukittunerulernerannik inuunerissaarnerulernissaannullu iluaqutaasussaavoq.
QANOQ
Nutaaliorta ilinniartitsissutissaapput atuartunut nukarlerniit angajulliit tikillugit atorneqartussat, Ipad atorlugu suliniummut Kivitsisamut taanna ilaavoq, tassa kommuneni tamani atuarfinni atorneqalertussaasumut. Meeqqat tamarmik issiavimminniit nikutserlutik misissuillutik, pinngortitsillutik Ipad-ilu atorlugu attaveqartartussaapput. Nutaaliorta ilinniartitsisunik, eqqumiitsuliortunik, suliffeqarfinnik aammalu kattuffinnik soorlu Timersoqatigiit Kattuffiannik suleqateqarlutik ineriartortinneqarsimapput, taakkualu ilinniartitsissutit qanoq samminninnissamut tunngatillugu ilanngussaqarnikuupput.
KINA/KIKKUT
Suliniutip Kivitsisap suliarineqarneranut Nunatsinni kommunet tallimat suleqataapput Ilinniartitaanermut ilinniagaqarnermullu aqutsisoqarfik qanimut suleqatigalugu. Suliniummut ilaasoq Nutaaliorta ilinniartitsissutitut ineriartortitaavoq, eqqumiitsuliortut, suliffeqarfiit, kattuffiillu soorlu Timersoqatigiit Kattuffiat qanimut suleqatigalugit.
Aviaaja er ansvarlig for udviklingen af indsatsen omkring aktive arbejdspladser, parasport/handicapidræt m.m.
Ansvarsområder:
- • Firmaidræt/Sunde Arbejdspladser
- • Handicapidræt
- • Børn & Unge (Idrætsdaginstitutioner og folkeskoleområdet)
- • GIF-repræsentant i Ernærings – og Motionsrådet
- • Idræts – og fritidsnetværk for konsulenter i Kommunerne
- • Arctic Winter Games
Aviaaja Geisler
Peqqissutsimut aqutsisoq
+299 34 81 56
aviaaja@gif.gl
