Maligassiuisut Showeqarnerani timersornerup peqqissusermullu tunngatillugit maligassiuisut kajumissutsiminnillu suliaqartut nunatsinni Timersoqatigiit Kattuffiat, Paarisa aamma Elite Sport Greenland nersortarpavut.
Nalunngilarput nammineq kajumissutsissinnik suliaqartusi inunnulluunniit allanut maligassiusuususi amerlaqisusi nersorneqartariaqartusi. Tamannalu nersorusupparput ersarissarnerullugulu.
Taamaammat timersoqatigiiffinni namminerlu kajumissutsimik suliniaqatigiiffinni allani aalanermik suliaqartuni tunniusimallutik maligassiuillutillu kajumissutsiminnik suliaqartunut tunniunneqarsinnaasumik Maligassiuisut saqqarmiuaraannik sanatitsivugut.
Saqqarmiuaqqamik atortumik naapitsiguit nalussanngilat nuna tamakkerlugu iliuuseqartunut nunattalu aalanerulernissaanut maligassiuisorpassuarnut ilaasoq.
Qanormi iliortoqartassava?
- Peqatigiiffissinni suliniaqatigiiffissinniluunniit saqqarmiuaqqanik nammineq agguaasassaasi. Nittartagaq GIF.gl/Maligassiuisoq iserfigeriarlugu peqatigiiffissinni saqqarmiuaqqat kissaatigisasi amerlassusaat inniminnissavasi.
- Maligassiuisoq pillugu allagartami ilanngussami inuk sooq Maligassiuisutut saqqarmiuaqqamik pissanersoq allassinnaavarsi.
- Illit maligassiuisunnut saqqarmiuaraq nammineq oqaasertalerlugu tunniuguk.
Tunniussinermik videoliamik inuit attaveqatigiittarfiini ajornanngippat avitseqatiginnigit, ilungersuussilluartorpassuit maligassiuisullu aalaneq eqqarsaatigalugu ataatsimooqatigiinnermik nukittorsaasut peqatigiilluta nuannaarutigalugillu nersorsinnaaniassagatsigit.
Ilinnut Maligassiuisoq kinaava?
