Akisussaaffiit akisussaaffinnillu agguataarineq

Siulersuisut peqatigiiffiup sammisaqartitsisarnerisa nalinginnaanerusut avataanniilissagaluarpata peqatigiiffik amigartoorutinut matussusiinissaminut pituttugaanngilaq.

Siulersuisut tamarmiusut ulluinnarni ingerlatsinermut akisussaasuupput, aningaasaqarnermulli akisussaasuusoq qinikkatut aningaaserisumiippoq. Aningaaserisup ulluinnarni akisussaaffigaa peqatigiiffiup aningaasaatai pigisaalu allat, taamaalillunilu ataatsimeersuarnernit siulersuisunillu malittareqquneqartut malillugit aningaasanik ingerlatsisussaaneq akisuussaaffigai.

Aningaasat nalingi aalajangiinerillu ilaat ima atsigisinnaasarput aningaaserisuinnaap peqatigiiffik sinnerlugu kisimiilluni isumagisassarissanagit.

Pisunut taamaattunut kia atsiortarnissaa pillugu peqatigiiffik malittarisassiortariaqarpoq. Tassaagajunnerupput siulittaasoq aningaaserisorlu. Atsiorsinnaatitaanermut malittarisassani allassimasariaqarpoq aningaaserisoq qanoq ilioqqusaanersoq ilioqqusaannginnersorlu.

Siulersuisut suliassaat pingasut

Suliassat ilaqarput siulersuisut akisussaaffigisassaannik. Meeqqanik innarliisimannginnermik uppernarsaatit pissarsiarineqassapput isumagineqarlutillu. Peqatigiiffik kommunimit tapiissutisissassappat suliassaavoq pisariaqartoq.

1. Naatsorsuutit peqatigiiffimmi sammineqartartunut naleqquttuutinneqarlutik saqqummiunneqassapput.
2. Ukiumut naatsorsuutit inernerinik tutsuiginartumik silatusaartumillu kukkunersiuinissaq pisariaqarpoq.
3. Kommunimit tapiissutit nalunaaruteqarnerillu piffissaq eqqorlugu naammassineqartassapput.

Aningaasaqarneq aningaaserisup akisussaaffituarinngilaa

Ilaasortanukua aningaasaataat peqatigiiffiup aqutarigai. Taamaattumik aningaasat peqatigiiffiup siunertaanut naapertuuttumik atorneqarnersut siulersuisut nakkutigisassaraat. Timersoqatigiit Kattuffiata innersuussutigaa siulersuisut ukiumut pingasut-sisamariarlutik naatsorsuutit misissortassagaat aningaaserisorlu tassatuaassanngitsoq tamatuminnga akisussaasuusoq. Kikkut tamarmik aperisinnaatitaapput.

Suliassarujussuusariaqanngilaq. Peqatigiiffik digitaliusumik aqutsinermut systemeqarpat naatsorsuutit inernerat anillatsinneqariaannaavoq. Ukiup affaanik kinguaattooqqanissaq pitsaasuunngilaq. Aningaaserisumut qanoq pisoqarpat aningaasartuutit ilamerni katiteruminaassinnaaqaat.

Takorluukkat kinguneqarluartunillu ataatsimiinnerit

Siulersuisut sulinerat pikkunaallissaaq ingerlatsinerinnarmut tunngasunik sulisoqarpat. Taamaattumik ilisarititsineq kinguneqarluartunik ataatsimiinnernut, aaqqissuussinernut, suliassanik agguataarinermut kiisalu takorluukkanik iliuusissanillu ilusilersuinermut atortussanik ajornaatsunik imaqartariaqarpoq.