NERISAREGATIGIIT
Kajumissutsiminnik sulisussanik sulisussalersornermi annertusiartortumik peqataatitsineq silatusaarneruvoq, suliassallu naleqquttuujuaannassapput suliassamillu naammassinnittussamut qaangerniagassaassallutik
Peqatigiiffimmi suliassaqarajuppoq mikisunik angisuunillu – kaagiliornermit klubbinik unammiuaartitsinermut imaluunniit angajoqqaat ataatsimiinnerannut, unammisussanik angallassinermut, holdimi aqutsisuunermut, suliassanik angisuunik soorlu aningaaserisuunermik siulittaasuunermilluunniit suliaqarnermut.
Nutaanik ”nerisareqatigiinnut” peqataalersitsinermi periaaseq pitsaanerpaavoq suliassanik ajornanngitsunik allarniuteqartitsinissaq. Pitsaassaaq suliassaq qanoq ittut naleqquttuunersut siusinaartumik isumaliutigisimagaanni.
Kajumissutsiminnik sulisunut nutaanut:
Kajumissutsiminnik sulisunut nutaanut suliassiissutissat tassaasinnaapput:
- Sungiusaasumut/ilitsersuisumut ikiortaaneq
- Allaffissornikkut suliassaaqqat
- Inunnik peqataatitsiniarluni aaqqissuussinernik mikinerusunik pilersaarusiorneq
- Ataatsimiititalianut suliassaalunnguanik suliaqartussanut ilaaneq
Suliassat pimoorussinermut misilittagaqarnermullu naleqquttuussapput
Kajumissutsimik sulinermi kajumissuseq ineriartortuartuuvoq, pitsaaqutaasinnaavorlu suliassat immikkoortiterneqarpata, taamaalillutik kajumissutsimik sulisup kajumissusianut misilittagaanullu naleqquttuussammata.
Assersuutit:
- Kajumissutsiminnik sulilerusuttunut suliassat mikinerit.
- Kajumissutsiminnik sulisunut pisinnaajuaannartunut suliassat.
- Kajumissutsiminnik sulisunut misilittagartunerusunut ass. suliniutinut qanittukkut pisussani suliassinneqarusuttunut suliassat.
- Kajumissutsiminnik sulisunut pingaarnernut, siulersuisuniittunut ataatsimiititalianilu akisussaasunut, piffissamik sivisuumik peqatigiiffimmut atuisartunut misilittagartuunullu suliassat.
Suliassaq suliassamik naammassinnissinnaasumut naleqquttuussaaq
Pingaaruteqarpoq suliassat atorfigisallu inunnut isumaginnittunut naleqquttuunissaat. Tamanna isumaqarpoq suliassap
- naleqquttumik sapernassuseqarnissaanik. Qularnarpoq kukkunersiuisup sunngiffimmini aningaaserisutut suliaqarusunnissaa, immaqali suliassamut allamut soqutiginnissinnaavoq.
- suliaqalersussap soqutigisaanut naleqquttuunissaa.
- siunertaqarnissaa. Imaassinnaavoq angajoqqaaq sungiusaasumut ikiortaarusuttoq timersortarfimmiittarami akisussaaffigerusukkamiullu.
- piviusorsiorpalaartuunissaa. Tassa assersuutigalugu imaappoq, inuusuttuaraq sungiusaasuusoq sungiusarnerup aallartinnginnerani atuarfimminit angerlaqqaarsinnaassaaq.
- piviusorsiortuunissaa. Naatsorsuutigineqartut isertuarani nalunaarutigineqassapput. Imminut suliserulunnissaraluaq nalorninartuerussinnaavaa.
- paasinartunik killissaliussalerneqarsimanissaa.
