NAATSORSUUSIORIAASEQ ILAASORTANILLU NALUNAARSUINEQ

Peqatigiiffik ilaasortaminut nalunaarsuiffeqassaaq. Nalunaarsuiffik atorneqassaaq:

• Ilaasortat amerlassusiat ass. kommunimut, timersoqatigiit kattuffiinut allanullu nalunaarutigisinnaaqqullugu
• Kommunimut aningaasatigut tapiiffigineqarnissamik qinnuteqarsinnaaqqulluni (ilaasortaqassuseq tapiissutisinermut atorneqassaaq)
• Ilaasortat akiliuteqarsimasut amerlassusiannit naatsorsuusiorsinnaaqqulluni

Ilaasortanik nalunaarsuiffik minnerpaamik paasissutissanik matuma kinguliiniittunik imaqassaaq:

• Ateq
• Adresse
• E-mail aamma oqarasuaatip normua (ilaasortanut 18-it inorlugit ukiulinnut siunnersuutigineqassaaq angajoqqaap akisussaasulluunniit pigisai allaqqullugit)
• Inunngorfik
• Ilaasortaq ilaasortatut akiliuteqartartussaanersoq, akiliuteqartartussaannginnersoq akikillisaaffigineqarsimanersorluunniit

Ilaasortanik nalunaarsuiffimmik toqqorsineq

Ilaasortanik nalunaarsuiffiup qanoq toqqortaatigineqarnissaa eqqumaffigiuk. Ilaasortanik nalunaarsuiffik ass. peqatigiiffiup nittartagaani saqqummiunneqaqqusaanngilaq; inunnik paasissutissat pillugit inatsit takuuk.